အသံထုတ်နောက်ကိုဂျည်းလိုက်တေ ဘာသာစကားဧ့ အနီအထား

စာပီးရီးသားမှုရေ အနုပညာဖြစ်ပါရေ။ ယင်းအနုပညာတရပ်ကို လိုရေပိုင် ကိုင်ဖို့လိုပါရေ။ တင်းထားရဖို့ စွာဟိပါဖို့။ လျော့ရဖို့စွာလေး ဟိပါဖို့။

အသံထုတ်နောက်ကိုဂျည်းလိုက်ကေ ပကာဘာသာစကး ဖြစ်လီပါဖို့။ အသံထုတ်နောက်ကို လိုက်သင့် သလောက် လိုက်ရပါဖို့။ ရခိုင်ဖတ်သင်ရိုးက ထုတ်တေ ရခိုင်ဖတ်စာ သူငယ်တန်း၊ ပထမတန်း၊ ဒုတိယတန်း စာအုပ်တိကို လိလာကြည့်ကေ မလိုက်သင့်၊ မလိုက်အပ်တေ အသံထုတ်နောက်တို့ မလိုက်စွာကို တွိရ ပါရေ။ ရခိုင်ဖတ်စာ စာအုပ်ပါ အရီးအသားတိ၊ ဘာသာစာပီအရိပ်အစောင်းကို နားလည် သဘောပေါက် သူတိဧ့ အရီးအသားတိကို လိလာကြည့်ကေ အသံထုတ်နောက်ကို လိုက်သင့်သလောက်ရာလိုက်စွာကို တွိရပါရေ။ ရခိုင်ဖတ်စာသင်ရိုး စာအုပ်တိမာ အသံထုတ်နောက်ကို မလိုက်စွာက များနီစွာကို တွိရပါရေ။

'ရွီး'ရေ အသံထုတ်နောက်ကို လိုက်စွာပါ။ ယေနန့် အသံထုတ်နောက်ကို လိုက်တေကိစ္စကို တဆိချေ ထပ်ပြောပါမေ။

ရခိုင်ဘာသာစကားရေ ဇာလောက်ပင်ရီးကေအမှန်၊ ဖတ်ကေလေး အမှန်ပြောပြော အသံထုတ်ဖက်ကိုဂျည်း လိုက်တေ ဘာသာစကားတခု မဟုတ်စွာကို လတ်ပြုမိပါရေ။ လိုအပ်ကေ လိုအပ်တေပိုင် နုညံ့ညင်သာ သိမ်မွိရေ စွမ်းအားရို့နန့် တည်ဆောက်ထားရေ ဘာသာစကား ဖြစ်ပါရေ။ ယင်းသည်ပင် အဆင့်မြင့်ရေ ဘာသာစကားတရပ်ဧ့ ချိန်ညှိမှုနည်းနာ ဖြစ်ပါရေ။ (ရခိုင်စာပီ အဆင့်မြင့်ကြောင်း သိန်ကန်မိန်ရတုက သက် သီပြနီပါရေ)။ အရာစွာကို လားကြည့်ဖို့မလိုပါ။ ရခိုင်ဖတ်စာသင်ရိုးတိကို လိလာကြည့်ပါ။ အသံ ထုတ်နောက်ကိုဂျည်း မလိုက်တေ သတ်ပုံကို တွိကတ်ရပါလိမေ။ အသံထုတ်နောက်ကိုဂျည်းလိုက်ကေ အဆင့်မြင့်ဘာသာစကား တရပ်အဖြစ် ရပ်တည်ဖို့ မလွယ်ပါ။

ပြည် တောင်ဖက်နန့် မြောက်ဖတ်ကွဲ၊ တမြို့နန့် တမြို့ကွဲ၊ တရွာနန့် တရွာကွဲ၊ တအိမ်နန့် တအိမ်ကွဲ၊ အဖနန့် သားကွဲ၊ နောက်ဆုံးညီနန့် အစ်ကိုကွဲ၊ မောင်နှမချင်းကွဲ၊ ညီအစ်မချင်းကွဲ။ နောက်ဆုံး အားနုံးအကွဲ ကွဲ ဖြစ်နီပါဖို့။

အဖလုပ်သူက အကြီးဆုံးသားကို 'ခြာချိုင်မဟုတ်၊ ခြချေ'လို့ ပြောပနာ သားအဖချင်းငြင်း။ အကြီးဆုံး သားဖြစ်သူက အငယ်ဆုံးညီချေကို 'အဝေ မင်းမာအထူးထူးကာ၊ ခြာချိုင်လို့ ရီးရဖို့စွာကို ဖာချိန်လို့တခု'။ ညီအငယ်ဆုံးသူက 'ဂျာပေါယေ၊ ယချုင်ကျာဂျိုကျော် အချံဒုတ်နောက်ကိုဂျေးယိုက်ဒေ ဘာတာချဂါး၊ နာဂ ချဂါးအပီ၊ ချဂါးအပီယို့ နာဂ ဖာချိန်ယို့ အချံဒွက်ဒေ၊ အချံဒွက်ဒေအဒိုင်း နာယီးယေ၊ ကျာပေါကျင်လန် နဘာတာချဂါးဂို'။

ယေနန့် ရခိုင်ဘာသာစကားရေ ပကာဘာသာစကား ဖြစ်လာပါလိမေလို့ ပြောရခြင်းဖြစ်ပါရေ။ ဧဂုရေ ပကာ တပိုင်း ဘာသာစကား ဖြစ်နီပါရေ။

ပြည့်စုံလုံလောက်တေ ရခိုင်ဝေါဟာရအဘိဓာန် မဟိသီးစွာရေ ဇာကြောင့်လို့ ထင်ပါရေလေး။ စာလုံးပေါင်း သတ်ပုံတိ အမျိုးမျိုးကွဲပြီး ပေါင်းစည်းမရဆိုရေ အချက်တချက်ပါဝင်နီလို့ ပြည့်စုံရေ အဘိဓာန် မဟိနှိုင်သီး စွာဖြစ်ပါရေ။ (စကားကွဲစွာက တပိုင်းထားလိုက်ပါ)။

ရခိုင်သဒ္ဒါကျမ်း လုပ်လို့မရစွာရေ ဇာကြောင့်ထင်ပါလေး။ စာလုံးပေါင်း သတ်ပုံတိ အမျိုးမျိုးကွဲနီလို့ သဒ္ဒါကျမ်း ကို လုပ်လို့မရစွာ ဖြစ်ပါရေ။

ယင်းပိုင်ကွဲရရေ အကြောင်းရင်းတိထဲမာ အသံထုတ်နောက်ကို တယောက်တပေါက်လိုက်တေ အချက်တ ချက်လေး အပါအ၀င်ဖြစ်ပါရေ။

စာရီးသူရို့ကိုယ်တိုင်က သင့်မြတ်မှုလမ်းမာ မရပ်ပဲ အသံထုတ်လမ်းမာ ချင်ပိုင်ရပ်နီကေ အရာလူကလေး သူချင်ပိုင် ရပ်ဖို့က သီချာပြီးသား ဖြစ်ပါရေ။ ယေခါ 'စာရီး၊ စာရွီး၊ စာရေး၊ စာဝီး၊ စာယီး၊ စာယေး'လို့ အမျိုးမျိုး ဖြစ်လှာဖို့စွာကို လိုလားကတ်ပါရေလား။ ရှိနောက်ချင့်ချိန်မှုပါရေ အသံထုတ်နောက်လိုက်မှု ဖြစ် သင့်ပါရေ။

မျက်မှောက်ခေတ်ရခိုင်စာပီ ငါးပါးမှောက်နီရေ အကြောင်းရင်းတိထဲမာ အသံထုတ်နောက်ကို လိုက်ခြင်းအမှု တခုပါပါရေ။

စာလုံးပေါင်းသတ်ပုံတိ ဖြစ်ချင်တိုင်းဖြစ်နီပနာ ခေတ်မီရေ ရခိုင်ဘာသာစကားအဖြစ် လက်ဆုပ်လက်ကိုင်ပြ ဖို့ ကောင်းကြီးချက်ခဲရေ အနီအထားဖြစ်နီပါရေ။ ဒေခေတ်မာ ဒေလောက်ဖြစ်နီကေ နောက်တခေတ်မာ ရခိုင်စာပီဆိုစွာ ပျောက်ခြင်းမလှ ပျောက်လားပါဖို့။ အသံထုတ်နောက်ကို ၏၊ သည် မလွဲလိုက်တေ အရီး အသားတိ ရခိုင်စာပီလောကမာ ဟိပါရေ။ လိလာကြည့်ပါ။ ရီနန့်ဝီးရေ ဗရဲဂါးငါးပိုင် ကိုင်သားမကျပဲ သုံးစားလို့ မရစွာကို တွိကတ်ရဖို့ ဖြစ်ပါရေ။

ရခိုင်စာရီးကေ ရခိုင်အငွိအသက်တိ ရွှမ်းနီရဖို့လို့ ပြောရေလူ တနည်း အသံထုတ်နောက်ကိုဂျည်းလိုက်ရမေ ဆိုသူတိဧ့  အရီးအသားတိ (အများစု)ထဲမာ အသံထုတ်နောက်ကို မလိုက်တေ အရီးအသားတိ တွိရပါရေ။ ရှိကို တင်ကြိုမြင်ရေ ဆရာတိက 'ရှင်းလင်း၊ ရှင်းပြ၊ ရှင်းသန့်' ဆိုရေ စကားလုံးတိကို အသံထုတ်နန့် ကိုက် ညီယောင် 'ယှင်းလင်း၊ ယှင်းပြ၊ ယှင်းသန့်'ဆိုပနာ လမ်းကြောင်းချပီးခကတ်ပါရေ။ အသံထုတ်နောက်ကို လိုက်သူတိရေ ယင်း'ယှင်း'တိနောက်ကို မလိုက်ကတ်ပါ။ ပါးစနန့် အလုပ် ရှိနောက်မညီစွာတိ ဖြစ်ပါရေ။ ပြီးကေ ရိုးတဖက်က စာကို ရီးနီသူတိရာ ဖြစ်နီစွာကိုလေး မြင်ရတွိရပါယင့်။ ရှိပါးစက အပြောနန့် နောက်က စကား မညီမမျှ ဖြစ်နီပါရေ။ ဧကား ကရဲ့စွာ မဟုတ်ပါ။ ပကတိဖြစ်ပျက်နီပုံကို တင်ပြစွာ ဖြစ်ပါရေ။ အမှန်က ပညာဥာဏ်နန့် ချင့်ချိန်လို့ရီးရေ အရီးအသားတိကရာ ကာလသုံးပါးအတွက် လှပနှိုင်ပါဖို့။

သန့်ဝဏ္ဏခိုင်