ဒေပိုင်နီရာမျိုးမှာ ရခိုင်စကားပြောနီရေ ရခိုင်လူမျိုးတိ ရာထောင်ချီလို့ ဟိလီဖို့လို့ လုံးဝမထင်ခ။ အေဂုက မာန်အောင် ဒေသိယစကားကို ပြောဗျာယ်။ တစ်ရွာလုံး၊ တစ်မျိုးလုံး ဟိနီကတ်စွာရာမနား။
ယေဒါလေ့သူရို့ ဒေနီရာကို ဇာခါကပင် ရောက်နီလေ့ဆိုစွာကို တစ်ယောက်တောင်မသိကတ်။ ကြာတော့ ကြာဗျာယ်ဆိုယင့်။ ထိုး... အဖိုး အဖီးရို့ခေတ်ကပင် နီလာကတ်စွာလို့ အတိအကျ ပြောနိုင်ရေ။ သူရို့ထက် အသက်ကြီးရေ ဘကြီး ဦးဘရွှေနန့် တွိမှဖြစ်ဖို့လတ်။ ဘကြီးဦးလရွှေ အသက်ကိုးဆယ့်နှစ်နှစ် ဟိဗျာယ်။ ဘကြီး ဦးဆိတ်တောင်းလေ့ (၈၅)နှစ် ဟိဗျာယ်ဆိုယင့်။ ဘကြီးရို့ရေ ကံချိုင်ပေါက်ဖွားဖြစ်တေ။ ဘကြီး ဦးဘရွှေက အမိ ဒေါ်ညိုမနန့် အဖ ဦးဘစိန်ရို့ဘက်က မွီးရေ သားသမီးခြောက်ယောက်ထဲက တတိယ မြောက်သားလတ်။ သူ့အမိဘက်က အဖိုး ဦးပျော့ကြီးကို သူကောင်းကောင်းမှတ်မိရေ။ သူရို့ရေ ဒေဇာတိ၊ ဒေနီရာကို ပြောင်းလာရေလူတိမဟုတ်။
