ငရို့ဆုံဖြစ်ခကတ်
မိုင်ထောင်ချီရေ အရပ်မှာ
ငရို့ချည်တိုင်တိကို ထားပခဗျာယ်...
ငရို့ တာလွှတ်ခံရစွာလား?
ငရို့ဘာသာ ငရို့ တာကိုလွှတ်ချပခကတ်စွာလား?
ဇစ်မြစ်ကို သသေချချာကြည့်လိုက်မှ
ငရို့ခေါင်းတိ မူးနောက်နိန်ရေပိုင်
ရေချိန်ကိုက်လားလို့တော့ခါ မဟုတ်
ငရို့ဘ၀တိကိုက ရေချိန်ကိုက်ခံလိုက်ကတ်ရစွာမနား
ငရို့အစာတိက မကြေကတ်ဗျာယ်
ငရို့သွီးကြောတိကလည်း မပွင့်ရေခါ
မမူးဘဲနန့် မှောက်ကျရရေ ငရို့တိဘ၀...
နီစောင်းတိုင်း ရက်ပြတ်အောင့်မိန့်နိန်လီဖို့ အမိနန့် အမိတဲစုတ်ချေကိုလွမ်းလို့
ရွာမှာ ပါးကွက်ကျားနန့် စပါးတောင်းရွက်ကျန်ခရေ ပါးပူမချေကို လွမ်းလို့
ထရံတစ်ခြမ်း တွဲလောင်းကျနိန်ရေ စာသင်ကျောင်းချေနန့်
ခနော်ခနဲ့ ယိမ်းထိုးကနိန်ရေ ရွာလယ်က တန်းထားပျက်ချေကို လွမ်းလို့
အမိလက်ရာတိနန့် ပွဲတော်စည်ခကတ်တေ ခရမ်းသီးအိုးကတ်တိကို လွမ်းလို့
အပျိုပေါက်ချေပိုင် စို့အစ်ညို့ထနိန်ရေ ငရို့အရပ်က
မိုးဦးကျရာသီတိကိုလွမ်းလို့
မှိုင်းစရီချောင်းထဲက ကျောက်စရစ်ခဲ ဖြူ လလွှချေတိနန့်
ဂြိမ်ညောင်းအော်သံတိကို လွမ်းလို့...
လွမ်းလို့...,
လွမ်းလို့...............,
ယင်းပိုင်လွမ်းခြင်းတိနန့်တောင်
မရိုးအီနိုင်စွာ အဂုထိသိမ့်ပါ ညမချေ
အေမှာ ငရို့ချင်း လမ်းတိက တူနိန်ကတ်တေအခါ
ငရို့ ရင်ခုန်သံတိ ငရို့ဘာသာ ငရို့ နားလည်ကတ်စွာမနား
ငရို့ ၀တ္တရားတိလည်း ကျီချင်ကတ်တေပ
တစ်ရက်ပြီး တစ်ရက် ငရုိ့လမ်း ငရို့ရှာလိုက်ကတ်ရစွာ
ငရို့ မျက်စေ့တိတောင် မှုန်, မှုန်လာသယောင်
ငရို့ ဖနောင့်တိမှာလည်း ဟာသထက် ဟာလာခကတ်
ယေကေလည်းသော့ မယိမ်းရေစိတ်က
ဟာနိန်ရေ ငရို့ဝမ်းအတွက် ငရို့ စာရိတ္တကို မရောင်းစားကတ်စတမ်း
မ၀ရီစာတိနန့် နပ်မှန်နိန်ရေ ငရို့သွီးချင်းတိအတွက်
အနိန်ဝီးခြင်းနန့် အလွမ်းတိကို ကုန်းပိုးရွက်ထားရရေ
ငရို့ဖြစ်တည်ခြင်းတိအတွက်
မချိတင်ကဲ မျက်ရည်တိနန့် လက်ပြကျန်ခရေ ငရို့တောင်တန်းကြီးတိအတွက်
အေစွာ "ငရို့ သစ္စာ"
ငရို့ လားနိန်ရေလမ်းအတွက် ငရို့သီလက မြဲရေ
တိမ်တိပိုင် လီတိုက်တိုင်း အရောင်မပြောင်းတတ်ပါဝေ
ယေတောင် ငရို့ ရိုးသားလွန်းခကား
တိမ်ပိုင်လူတိက ငရို့ အင်္ကျီစတိကို ချွတ်ယူလခကတ်
ဝတ်လစ်စလစ်နန့် ကိုယ်လုံးတီးနိန်ကတ်စွာ
နှစ်တိက, တ တိတိနန့် ငရို့ကို ၀ါးမျိုပစ်လိုက်ကတ်ဗျာယ်
ငရို့အင်္ကျီစတိ ငရို့ပြန်ဝတ်ဖို့
ငရို့ ဆင်ခြင်တုံတရားနန့် အဖန်တစ်ရာတက်နိန်ရေ ငရို့ဂျီးအထပ်ထပ်ကို
ချွတ်ပစ်ကတ်ရဖို့
ဘောင်ခတ်ထားရေ ရှုမြော်ခင်း ဟွေဖက်အခြမ်းကို
ကျော်ကြည့်လိုက်ကတ်ပါအချက်
အေပိုင် ငရို့ ကမ်းဝီး လမ်းဝီးနိန်ရစွာတိ
ငရို့ အနိန်အထိုင်မတတ်ခရေ သမိုင်းရို့ ဆုကြေးရာပ
ယေဇုနက် ဒေးလ်ကာနေးဂျီး (Dale Carnegie) ပြောရေပိုင်
"အနာဂတ်အတွက် အေနိန့်မှာ ငရို့အနိန်အထိုင် တတ်ကတ်ပါပလင်"
မဟုတ်ကေ...,
မိုးသောက်တိုင်း ငရို့ ထမင်းလုပ်တိ ဆက်ပနာ 'နင်' နိန်ကတ်ရဖို့သိမ့်
မိုးသောက်တိုင်း ငရို့ ပါးပူမချေနန့် ၀ီးနိန်ကတ်ရဖို့သိမ့်
မိုးသောက်တိုင်း ငရို့ တောင်တန်းကြီးတိကို ငရို့ လွမ်းနိန်ကတ်ရဖို့သိမ့်
မိုးသောက်တိုင်း ငရို့ ပင်လယ်ပြင်ကို ငရို့ နမ်းခွင့်မဟိ ဖြစ်နိန်ကတ်ရဖို့သိမ့်
မိုးသောက်တိုင်း မင်းမဟိ၊ ငါမဟိ၊ ငရို့တစ်ယောက်လည်း မဟိစွာတိ
ဖြစ်နိန်ကတ်ရဖို့သိမ့်
ယေတော့ခါ ရီးကတ်...
ငရို့ သမိုင်းအတွက် အကောင်းဆုံးလက်တိနန့် ရီးကတ်
အကောင်းဆုံး ပန်းပုလက်ရာတိနန့် ထုဆစ်ကတ်
ငရို့ကိုယ် ငရို့ မြိန့်နိန်ရေ ဓါးတစ်လက်ပိုင် သွီးထားကတ်
ငရို့ စိတ်တိ ဖိတ်စဉ်မကျလားစီကဲ့
အေဖက်ခေတ်မှာ ဈီးကွက်ပရိုမိုးရှင်းတိ ကကောင်းခေတ်မှီရေ
ငရို့ ယုံစားမလွယ်ကတ်ကဲ့
ငရို့ အဇ္ဈတ္တကို ရီလောင်း ပေါင်းရှင်းပီးကတ်အုန်းသိမ့်
ငရို့ချင်း လိုင်ပင်းလှီး ညှိန်နံ့ခံနိန်ကတ်တေ
"ဒေးပစ်ကော်ပါဖီး (David Copperfield) မျက်လှည့်ကွက်ထဲမှာပိုင်
ငရို့ စိတ်တိ ပြုစားခံပလိုက်ရဖို့ယေ"
ငရို့ သမာသမတ် ဟိကတ်ပါမေ
ကိုယ်ကျင့်တရားတိ ချ, ခွာ, ရောင်း, ရောင်း နိန်ကတ်တေအခါ
ကမ္ဘာကြီးက ငြီးညူသံတိနန့် တစ်နိန့် တစ်ခြား ပြိုပနာ လဲ, လဲနိန်ရေ
ငရို့ ဘ၀အမှန်တိ ပြန်ရဖို့ ပြိုလဲသံတိကြားမှာ လမ်းမပျောက်ကတ်စတမ်း
ဟွေဖက် ခုနှစ်တိကျော်ကေ...
ငရို့ ရှာနိန်ကတ်တေ 'ချည်တိုင်'ကို ငရို့ တွိကတ်ရဖို့
ဂုနိန်ခါတော့ကေ ငရို့ ရင်ဘတ်တိ သွီးစွန်းနိန်ကတ်စွာမနား
ဥသြတွန်သံကြားတိုင်း ငရို့ရင်ညွန့်က ဆို့, ဆို့ တက်လာတတ်တေ ညမချေ
မိုးထဖက်အသီ၊ ညစာဖက်အသီနန့် အသီတက အသီတိကြားထဲ
ငရို့ အသက်ရှုသံတိ မွန်းလှောင်ပိတ်ကျပ်နိန်ကတ်
ယေကေ ယင်းမွန်းကျပ်စွာတိ...
စီးကရက်တစ်လိပ်ကို စိမ်ပြေနပြေ ဖွာထုတ်ပလိုက်တေပိုင်
ပန်းထိန်ဖိုထဲက ရွှေမှုံစတိကို အားရပရ ကျင်းပလိုက်တေပိုင်
နာလာမြောင်းထဲမှာ ပိတ်နိန်ရေ အမှိုက်တိကို တရှိန်ထိုး လွှတ်တင်ပလိုက်တေပိုင်
ငရို့ချင်း နားလည်ရေ ဘာသာဗေဒတိ
ငရို့ချင်း သွီးစည်းညီညွတ်မှုတိ
ငရို့ချင်း သေချာရေ စိတ်အဆာသွပ်မှုတိနန့်
လာ... မှုတ်ထုတ်ပလိုက်ကတ်မေ အချက် ။
ခင်ငြိမ်းချမ်း(၂၈.၀၅.၂၀၁၁)
စင်ကာပူရောက် ရခိုင်စာပီမောင်နှမတိ စုစည်းထုတ်ဝီလိုက်တေ "အာရက္ခရသ စာစုတိ" စာအုပ်ထဲက-
No comments:
Post a Comment