၁၀ တန်းအောင်လို့ တက္ကသိုလ်တက်ခါတော့ သူ့ကို နိန့်တိုင်းတွိလာရရေ... တခါတခါ သူ့မျက်နှာမှာ မှန်ကန် မှုတိကိုတွိရရေ ... တခါတခါဆိုကေတော့ မျက်နှာသီနန့် ... အေပိုင်နန့် သူနန့် တွိပြီးကေ မျက်မှန်းတန်းမိ လာခစွာ ကျောင်းတောင်ပြီးလားခပါဗျာယ် ... သူ့ကိုတော့ကေ တမိတမော့ ကြည့်ဖြစ်တုန်း ....
ဆီးကုမ္ပဏီမှာ အလုပ်စလုပ်တေအချိန်ခါတော့ကေ သူ့ကို တစ်နိန့်မှာ နှစ်ကြိမ်၊ သုံးကြိမ်လောက် တွိလာရ ရေ ... တခါတလီ သူ့ကိုကြည့်ယင်း ရင်ခုန်သံတိ မြန်ရရေ ... တခါတခါတော့ကေ ဟင်းးး ခနန်း သက်ပြင်း ချဖြစ်တေ... တခါတလီကျပြန်ကေလေ့ ရင်ထဲမှာဟာတာတာနန့်... သူကတော့ကေ သူ့ပုံစံအတိုင်း မပြောင်း မလဲ ... အစပိုင်းခါတော့ကေ သူကလေ့ လူတိကို ပုံမှန်နှုတ်ဆက်တတ်တေ.. နှုတ်ဆက်နိန်ကျ ... အချိန် ကြာလာခါ သူလေ့ သူဖါသာသူ၊ အားလုံးလေ့ ကိုယ့်စွာနန့်ကိုယ် ... ယကေလေ့ ဇာပင်ပြောပြော ယပြတ်ပိုင် သူနန့် မျက်နှာချင်းဆိုင် တွိနိန်ဖြစ်တုန်း ... အကြည့်ချင်းဆုံဖြစ်တုန်း ...
အခြားလူတိကရာ ပြောင်းပြောင်းလားခရေ ... သူကတော့ကေ ယင်းနိန်ရာမှာ ယင်းအတိုင်း မပြောင်းမလဲ ... သစ္စာရှိရှိ ရပ်တည်နိန်တုန်း ... သူစွာ စစ်တွေမြို့အတွက် အထင်ကရ ပြယုဒ်တစ်ခုလေ့ ဖြစ်နိန်သိရေ ... ဇာသူစွာ ဇာလောက်အဝီးကို ဇာလောက်ကြာအောင်ပင်လားလီပတ်စီ စစ်တွေကို သတိရတိုင်း သူ့ကိုလေ့ မှတ်မှတ်ရရ သတိရ မှတ်မိနိန်ကတ်သိယင့် ... သူကတော့ကေ သူ့ပုံစံအတိုင်း မပြောင်းမလဲ ...
သူ ..... သူ ...............
၁၉၉၁ ခုနှစ်ကပင် တွိဆုံလာခရေ၊ မျက်မှန်းတန်းမိ ရင်ခုန်မြန်ခရရေ၊ ရင်ထဲမှာ ခံစားချက်ချေ ပေါင်းစုံကို ပီးခဖူးရေ သံယောဇဉ်ကြိုး တထွီးကြီးနန့်သူ ..........
မြို့စစ်တွေ ပြယုဒ်တိထဲက တစ်ခုအဖြစ်နန့်သူ ............
ရင်ထဲက သူ ..................................
လောကကြီးက မှန်ကန်မှုနန့်၊ လစ်လျူ ရှုတတ်မှုကို မျက်နှာထားအမျိုးမျိုးနန့် ပြတတ်တေ သူ ... အကျွန့်ရင်ထဲက ဆယ်စုနှစ် နှစ်ခုတိုင်တိုင် မိန့်ဖျောက်မရနိုင်ရေ သူ .....
သူက မေယုလမ်း (စာတိုက်လမ်း)နန့် လမ်းမကြီးဆုံရာမှာ ထီးထီးမားမားရပ်နိန်တတ်တေ ဆယ်စုနှစ် နှစ်ခုကို ဖြတ်ကျော်လာခရေ နာရီစင် (အသစ်လို့ အဂုထိခေါ်တုန်း) ကြီးပါ ... (သူရာ အချိန်မှန်ကို ပြနိန်ခ ကေ မတော်တဆ အလုပ်နောက်ကျရေနိန့်တိ သူ့ကိုကြည့်လို့ ရင်ခုန်မြန်ခရရေ .... သူရာ စက်ပျက်နိန်ကေ သူ့ကိုထားမိရေ မျှော်လင့်ချက်တိ ဟင်းးးးး ခနန်း သက်ပြင်းတစ်ချက်နန့် တတူ အဆုံးသတ်ဖြစ်လားရရေ )....
ထိုထိုသော သူ ................
သင်းချို (21/04/2012 - 1:43 AM)
www.မူလဖော်ပြထားသောစာမျက်နှာ.com
No comments:
Post a Comment