ခေတ်ရှိပြီးနီရေ ဆရာမြ၀ါ၏ ၀ိုင်းပယ်နည်း - ရခိုင်သား

    အေးမသမီး တူမသျှေနန့် သူ့အဖော်မသျှေရို့ စစ်တွေမြို့လယ် လမ်းမကြီးအိမ်က စံပြရွာလားဖို့ ဆိုက္ကားငှားကတ်တေ။ ကိုယ့်အိမ်နားခွဆုံးက အားနီရေ အသိဆိုက္ကားသည် အေးထွန်းကို "၂၀၀/ိ-နန့် ပို့ဖို့လား"လို့ ဈီးပြတ်ကတ်တေ။ အေးထွန်းက လားနီကျဈီးအတိုင်း ၃၀၀/ိ-တောင်းရေ။ ဈီးမတည့်ကတ်။ အနားမာထိုင်နီရေ တူမကြီးက "မင်းမာ ထိုင်နီတူတူ လိုက်ပို့ပစ်ခီကေ ၂၀၀/ိ-မရလား"လို့ အေးထွန်းလိုက်ပို့ချင်အောင် ပြောသိယင့်။ အေးထွန်းက လှုပ်ပင်မလှုပ်။ ယင်းပိုင်ဈီးပြတ်နီတွင်းမာ သူရို့ရှိက ကုလားဆိုက္ကားတစ်စီး ဖြတ်လားရေ။ တူမသျှေက လှမ်းခေါ်လိုက်တေ။ ၂၀၀/ိ-နန့် ဈီးပြတ်တေခါ ကုလားဆိုက္ကားသည်က လိုက်ပို့မေလို့ သဘောတူလိုက်တေ။ တူမသျှေရို့ ပြုံ့သိပြုံ့သွင်နန့် လိုက်ပါလားလီကတ်ယင့်။

       အေဖြစ်ရပ်သျှေကို "ရောင်းသူ ၀ယ်သူ" အမြင်နန့်ကြည့်ကေ တူမသျှေရို့ဆုံးဖြတ်ဟာကို မှန်ရေလို့ ပြောနိုင်ပါရေ။ သူရို့က ၀ယ်သူမဟုတ်လား။ ၀ယ်သူရို့ အလေ့အတိုင်း ဈီးပြတ်တေ။ ရောင်းသူက ဈီးလျှော့ပီးကေ ၀ယ်ဖို့။ လျှော့မပီးကေ လျှော့ပီးလူပါးက ၀ယ်ဖို့။ ပစ္စည်းချင်းက အတူတူဗျာ။ ဈီးလျှော့ပီးသူ ကုလားဆိုက္ကားသည်နန့်ပင် သူရို့လိုရာခရီးကို လားခကတ်တေ။ သူရို့ငွေ ၁၀၀/ိ-သက်သာရေ။ ၁၀၀/ိ-သက်သာကေ နည်းစွာလား။ မုန့်တီတစ်ခွက်သောက်ဖို့ မရလား။ ယင်းပိုင်စိတ်ကူးမျိုးကို တူမသျှေရို့ စိတ်ထဲမှာအတွက် လုံပြီးသားဟိလီဖို့။

    အေဖြစ်ရပ်မျိုးနန့် သဘောချင်းတူရေ မျက်မြင်ကိုယ်တွိ ဖြစ်ရပ်ချေတိကို နိစိုင်မြင်နီရရေ။ အေနှစ်မာပင် ကုန်ခရေနှစ်တိထက် တိုးလို့မြင်ရရေထော။ မိုးလင်းလာစွာနန့် ကုလားဟင်းသည်တိ၊ ပန်းသည်တိ "ခရမ်းဆီးပါရေ၊ ချိုင်ပေါင်ပါရေ"လို့ ဟောသံတိ၊ "နှင်းဇီဖန်းပါရေ၊ မေမြို့ဖန်းပါရေ၊ ကန္ဓမာဖန်းပါရေ" ရခိုင်သံ မပီကလာ ပီကလာနန့် ဟောသံတိကို ကြားရရေ။ ကုလားကြီးက ဗင်းထမ်းထိုးဗျာ ဟင်းသီးဟင်းရွက်တိကို တောင်းကြီး၊ တောင်းသျှေကို ခေါင်းမာရွက်ပျာ ရောင်းကတ်တေ။ ပန်းသည် ကုလားအချို့က ကန္ဓမာပိုင်၊ နှင်းဇီပန်းပိုင်စွာတိကို တောင်းနှစ်တောင်းမာ အပြည့်ထည့်လို့ ရောင်းရေ။ ကုလားမကြီး၊ ကုလားမသျှေတိက တောင်းကြီး၊ တောင်းသျှေကို ခေါင်းမာရွက်ပျာ ရောင်းကတ်တေ။ ပန်းသည်ကုလားအချို့က ကန္ဓမာပိုင်၊ နှင်းဇီပန်းပိုင်စွာတိကို ဘယ်ဖက်မာလေး တပွေ့ပွေ့လို့၊ ညာဖက်မာလေး တဆုပ်တစည်းကိုင်လို့ ရောင်းကတ်တေ။ သူရို့တိစွာ မြို့လယ်ရပ်ကွက် အိုးတန်း၊ မောလိပ်၊ ရူပ၊ ပါဒလိပ်ချိတ် လမ်းကြိုလမ်းကြားတိမာ ၀င်လို့ ရောင်းကတ်တေ။ တစ်ယောက်နှစ်ယောက်မဟုတ်။ တစ်ဆယ်မက ဟိရေ။

    ကုလားဟင်းသည်၊ ပန်းသည်တိ အေနှစ်မာပင် ထူးထူးခြားခြား ဇာတွက် မြို့လယ်မာ ထွက်ရောင်းကတ်လေလို့ စုံစမ်းကြည့်ရေခါ စည်ပင်အကောက်လွတ်အောင်လို့လတ်။ စစ်တွေဈီးကြီးမာ ရောင်းကေ စည်ပင်က အကောက်ကောက်တေ။ ယင်းယှင့်ကို ယှောင်ချင်လို့ အေနှစ်ခါ အစမ်းသဘော ရပ်ကွက်တိမာလည်ဗျာ ရောင်းကတ်စွာလတ်။ မြို့လယ် လမ်းသွယ်လမ်းကြားတိမာ သူရို့အတွက် အကောက်ခွန်လွတ် ဈီးကွက်တိ ဖြစ်နီမလားယေ။ ပထမခါ လေး၊ငါးယောက်လောက်ရာ မြင်ရရေ။ စွံမှန်းသိရေခါ ကုလားကြီး၊ ကုလားသျှေ၊ ကုလားထီး၊ ကုလားမရွီပြတ် ရောင်းကတ်စွာကို မြင်ရရေ။ အယင်လည်လို့ ရောင်းနီကျဖြစ်တေ ရခိုင်သမ ဟင်းသည်မသျှေ နှစ်ယောက်နန့် ပန်းသည် မင်းကျွန်မကြီး နှစ်ယောက်ဟိရေ။ ကုလားဟင်းသည်၊ ပန်းသည်တိ ရွီပြတ်ဝင်ပါလတ်တေခါ ရခိုင်သမတိ ကြက်ပျောက်ငှက်ပျောက် ပျောက်လီခလီယင့်။

သူရို့ဇာအတွက် ဆက်မရောင်းကတ်ယာလေး။ ကုလားတိနန့် အပြိုင် မရောင်းနိုင်လို့ ဖြစ်တေ။ ကုလားတိပိုင် ဈီးလျှော့မရောင်းနိုင်လို့ ဖြစ်တေ။ စားသုံးသူတိက "ရခိုင်သမပါးက ခက်တေ၊ ကုလားပါးက တန်ရေ၊ ပြတ်လို့ရရေ။" ဆိုပနာ ကုလားတိရောင်းစွာကိုရာ ဦးစားပီးဝယ်ကတ်တေ။ ရခိုင်သမတိပါးက အ၀ယ်နည်းလှာရေ။ ပင်ပန်းသလောက် တွက်ခြီမကိုက်တေခါ ရခိုင်သမတိ ထွက်ပြီးဖို့ ကျပါနှင့်ရာ။ သူရို့ စည်ပင်ဈီးထဲကို ၀င်ပြီးလီကတ်ဖို့ ထင်ရရေ။ ဈီးထဲမာရာ စွံရေဆီထိုင်ဗျာ ရောင်းလီကတ်တေလားမသိ။

ယင်းလောက်များရေ ကုလားပန်းသည်၊ ဟင်းသည်တိပါးက အသူရို့ ၀ယ်ကတ်တေရောင်။ ၀ယ်သူတိစွာ အားလုံး ရခိုင်သားတိ။ ယင်းမြို့လယ် ရပ်ကွက်တိမာ ရခိုင်သားတိရာ နီကတ်တေ။ ကုလားအိမ်က မပြောစလောက်ရာ ဟိရေ။ ပြီးကေ ကုလားတိစွာ ပန်းဝယ်လေ့မဟိ။ ရခိုင်သားတိရာ ဘုရားတင်ဖို့ ပန်းဝယ်ရေ။ ရခိုင်အိမ်တိုင်းမာ ဘုရားစင်ဟိရေ။ ယေခါ ကုလားပန်းသည်တိအတွက် ဧရာမ ဈီးကွက်ကြီးတစ်ခု ဖြစ်နီပါရေ။ စွံမှန်းသိရေခါ မိုးလင်းလာစွာနန့် ယင်းပန်းသည်၊ ဟင်းသည်တိ ဟောသံ၊ အော်သံတိ ရရောင်းသတ်လို့စီ ကြားရရေ။

ကောင်းဗျာ။ အေဖြစ်ရပ်သျှေကို အမျိုးသားရေး အမြင်နန့် ကြည့်ကတ်ပါမေ။ ရခိုင်နန့် ကုလားရို့စွာ လူမျိုးမတူ။ ကိုးကွယ်ရေ ဘာသာလေးကွဲရေ။ ယဉ်ကျေးမှုလေးသော့ ခြားနားရေ။ ကုလားတိစွာ ရခိုင်ပြည်ဇာတိ မဟုတ်။ အင်္ဂလိပ်ခေတ်ကမှ ရောက်လာရေ လယ်ယာလုပ်သားတိရာ ဖြစ်တေ။ အင်္ဂလိပ်အစိုးရက သူရို့ကို စစ်တကောင်းသား (Chittagoungnian)လို့ သုံးနှုန်းဖော်ပြထားရေ။ သူရို့လူဦးရေစွာ အင်္ဂလိပ်ခေတ်မာတောင် မောင်တောမြို့နယ်မာ ၇၇%၊ ဘူးသီးတောင်မြို့နယ်မာ ၅၃% ရှိပါရေလတ်။ (Smart, 1917, 86, 230, 232)၁* ရခိုင်ပြည်ကို အင်္ဂလိပ်သိမ်းစ နှစ်ကပင် အေနိထိတွက်ကြည့်ကေ သူရို့စွာ ၁၈၂၅ က၂၀၀၅ ထိ၊ နှစ် ၁၈၀ လောက်ဟိနီဗျာ။ သူရို့ ကိုယ့်ပြည့်(စစ်တကောင်း)ကို ပြည်ဖို့ စိတ်မကူးဗျာ။ ရခိုင်ပြည်မာ အနီကျ နီဗျာ။ ယေဇူးနန့် သူရို့ကိုယ်သူရို့ ရခိုင်ပြည်ပေါက်ဖွား မြန်မာတိုင်းရင်းသားဖြစ်တေလို့ ဆိုလာကတ်တေ။ မူလက ကိုယ့်ကိုယ်ကို မူဆလင်"ဘင်္ဂလီလူမျိုး"လို့ ခံယူခကတ်စွာကို ဖျောက်ပြီးကေ "ရိုဟင်ဂျာ မူဆလင်လူမျိုး"လို့ ခံယူလာကတ်တေ။ (Ba Tha, 1960, 33-36)၂* ယေဒါလေးသော့ အစိုးရထုတ်ပြန်ရေ မြန်မာတိုင်းရင်းသား ၁၃၅ မျိုးထဲမာ "ရိုဟင်ဂျာလူမျိုး" လို့ မပါ။ မြန်မာအစိုးရက သူရို့ကို "ဧည့်နိုင်ငံသား"ရာ သဘောထားရေ။ (လုပ်သားပြည်သူ့နေ့စဉ် ၂-၁၂-၉၃)၃*

အစိုးရက ယင်းပိုင်ယှောင် လုပ်ထားကေလေသော့ သူရို့နီလို့ရရေ။ လုပ်ကိုင်စားသောက်လို့ရရေ။ ဇာဖြစ်လို့လေး။ ကိုယ့်ကိုယ်ကို မီးကြည့်ကတ်ပါချက်။ ရခိုင်သားတိက လက်ခံလို့ မဟုတ်ပါလား။ သူရို့ရောင်းရေ ငါး၊ ဟင်း၊ ပန်း၊ ငရုတ်၊ ကြက်သွန်စရေ နိစိုင် စားသုံးကုန်တိကို သူရို့ပါးက ၀ယ်ရေ။

တူမသျှေရို့ပိုင် စားသုံးသူတိက ဈီးတန်ရေဆိုပနာ ဆိုက္ကားဆိုကေလေး စီးလိုက်တေဗျာ။ ပန်းဆိုကေလေး ၀ယ်လိုက်တေဗျာ။ အလုပ်သမားဆိုကေလေး ငှားလိုက်တေဗျာ။ ဈီးတန်လို့လတ်။ စားသုံးဝယ်ယူသူ ဈီးကွက်ဟိလို့ သူရို့ စိုက်ပျိုးထုတ်လုပ်စွာတိ ရောင်းစွံရေ။ ဆိုက္ကားနင်းသူ၊ ကူလီထမ်းသူ ကုလားအလုပ်သမားတိ အလုပ်ရနီကတ်တေ။ တကယ်လို့ရာ ရခိုင်သားတိက မ၀ယ်ယူ။ မစားသုံးကေ၀ါ။ သူရို့မာ ဈီးကွက်ဟိဖို့သီးလား။ သူရို့ကုလားချင်းရာ ရောင်းဝယ်ရဖို့ မဟုတ်ပါလား။ ဈီးကွက်ငယ်လားဖို့။ သူရို့ရပ်တည်ဖို့ ခက်လားပါဖို့။

သူရို့လူမျိုး အလေ့အထက ရခိုင်သားတိပိုင် မဟုတ်။ ကိုယ့်အချင်းချင်းရာ ၀ယ်ယူစားသုံးရေ။ ဇာကုလားလေး တစ်ယောက် ရခိုင်ဆိုက္ကားကို စီးဖူးလေ။ ရခိုင်သားဆိုင်က ၀ယ်ယူစားသုံးဖူးလေ။ ကုလားဆိုင်က ၀ယ်လို့မရနိုင်စွာကိုရာ (မ၀ယ်မဖြစ်ကေ) ရခိုင်ဆိုင်က ၀ယ်ယူဖို့ယေ။ မယုံမဟိပါကေ့။ ကုလားဆိုင်မာ ဟိယင့်သားနန့် ရခိုင်သားပါးက လားလို့ဝယ်ရေကုလားကို အချင်းချင်းဝေဖန်ရေ။ ဟန့်ရေ။ ဟန့်လို့မရကေ မသိတ်မာ မော်လ၀ီကို လားတိုင်ရေ။ မော်လ၀ီက သတိပီးရေ။ သူ့ကို ၀ိုင်းပယ်ဖို့ နှိုးဆော်ရေ။ ဇာလောက် အမျိုးဘာသာကို စောင့်လေးကြည့်။ သူရို့ရာမလား "အမျိုး၊ သီလ၊ နှစ်ဌာန"ကို စောင့်စွာ။ ရခိုင်သားတိ ရွတ်နီရေ အသျှင်နာဂိန္ဒမော်ကွန်းကို လိုက်နာစွာ သူရို့ရာမလားယေ။ ရခိုင်သားတိက "ပါးစက ဘုရား၊ ဘုရား၊ လက်က ကားရား၊ ကားရား"ဆိုရေပိုင် ဖြစ်နီကတ်တေ။ ပါးစက "အမျိုးသီလ၊ နှစ်ဌာနကို၊ ပြည့်ဝမဏ္ဍိုင်၊ စောင့်စွမ်းနိုင်ရန်၊ ရက္ခိုင်နာမ၊ ဘွဲ့မည်လှဖြင့်၊ အနွတ္တသညာ၊ ခေါ်အပ်စွာတည့်။"လို့ တတွတ်တွတ် ရွက်နီစွာရာတစ်ခု။ လက်တွိမကျ။ ကိုယ်ရို့ ဇာအခြီအနီ ရောက်နီလေးဆိုစွာကို မသုံးသပ်၊ ဘာသိဘာသာ နီကတ်တေ။ ပေါ့ပေါ့နီ၊ ပေါ့ပေါ့စားကတ်တေ။ ကိုယ့်အကြောင်း ကိုယ်မသိ။ သူ့အကြောင်းကိုလေးသော့ မသိ။

    အေနီရာမာ ငြင်းချက်ထုတ်ချင်သူတိက ကုလားအလုပ်သမားငှားစွာ ကိစ္စကို ထောက်ပြချင် ကတ်ပါလိမ့်မေ။ ရခိုင်အလုပ်သမားမဟိလို့ ငှားရစွာလို့ ဆိုကတ်လိမ့်မေ။ ရခိုင်အလုပ်သမား မဟိလို့၊ ငှားမရလို့၊ ကုလားကို ငှားရစွာမျိုးကတော့ ဟုတ်ပါနှင့်ရာ။ အလုပ်ဖြစ်အောင် ငှားရစွာပါကို။ မငှားမဖြစ်စွာမျိုးကို မပြောလိုပါ။ အင်္ဂလိပ်ခေတ်က လယ်ယာအလုပ်ကြမ်းလုပ်ဖို့ စစ်တကောင်းသား လယ်ကူလီတိကို ငှားရေပိုင် ငှားစွာမျိုးကို မပြောလိုပါ။ လယ်ယာတိုးချဲ့ရေခါ တောခွတ်ဖို့ကိစ္စ၊ ကမ်းသင်းဆည်ဖို့ ကိစ္စတိမာ အလုပ်သမားလိုလို့ မလွှမယှောင်သာ ငှားရစွာဖြစ်ပါရေ။ စပါးရိတ်တေခါ လူလိုလို့ မငှားမဖြစ် ငှားရစွာမျိုးရာ ဖြစ်တေ။ အေပိုင်ကိစ္စမျိုးကို မပြောလိုပါ။ ၀ယ်ယူ စားသုံးစွာမာ ကိုယ်ရို့အချင်းချင်း အားပီးရဖို့စွာကို ပြောလိုစွာပါ။ ကိုယ့်ဖေသာစွာ လူမျိုးခြားလက်ထဲ ရောက်မလားဖို့ လိုပါရေ။

    နမူနာပြောရကေ အထက်မာပြောခရေ ဆိုက္ကားစီးရေကိစ္စမာ ရခိုင်ဆိုက္ကားသည်က တူမသျှေရို့ပါးက ၃၀၀/ိ-တောင်းရေ။ ကုလားဆိုက္ကားသည်က ၂၀၀/ိ-တောင်းရေ။ ရခိုင်ဆိုက္ကားကိုစီးကေ ၁၀၀/ိ- ပိုပီးရရေ။ ယင်းဖေသာစွာ ရခိုင်လက်ထဲမာ ဟိနီလီဖို့။ ယင်းဖေသာကို သူ့မိသားစုအတွက် သုံးလီဖို့။ ဘုန်းကြီးကျောင်းကို ဆွမ်းပို့စွာမာ ပါချင်ပါလီဖို့။ ရခိုင်မိသားစုအတွက် အထောက်အပံ့ဖြစ်လီဖို့။ သာသနာအတွက် အလှူအတန်း ဖြစ်လာဖို့။ ကုလားဆိုက္ကားကိုစီးလိုက်ကေ၀ါ ဖေသာ ၁၀၀/ိ- သက်သာဖို့စွာက မှန်ယင့်။ ယေကေလေးသော့ ကုလားရလားရေ ဖေသာ ၂၀၀/ိ-စွာ ရခိုင်လူမှု စည်းဝိုင်းပြင်ကို ရောက်လားလီဖို့ ဖြစ်တေ။ သူရို့လူမျိုး၊ သူရို့ဘာသာရာ ကြီးပွားလာဖို့ ဖြစ်တေ။ "သူရို့ကြီးပွားလီ၊ ကိုယ့်အတွက် အန္တရာယ်တိုးလီ"ဆိုစွာကို သတိပြုကတ်ဖို့ လိုပါရေ။

    မြန်မာနိုင်ငံသားတိ အင်္ဂလိပ်ကျွန်ဖြစ်နီရေခါ ဆရာတော် ဦးဥတ္တမစွာ ကိုလိုနီကျွန်ဘ၀က လွတ်မြောက်ဖို့ တရားတိကို ထောင်ကျခံလို့ ဟောခစွာကို အားလုံးသိကတ်ပါဖို့ရာ။ ဆရာတော် ဇာတရားမျိုးကို ဟောခပါလေး။ အင်္ဂလိပ်နန့် မဆက်ဆံဖို့တရားကို ဟောခရေ မဟုတ်လား။ ဆရာတော် သုံးနှုန်းရေစကားထဲမှာ "အင်္ဂလိပ်ဆိုကေ တစ်ခုလေးမကောင်း၊ လိပ်-ပါကေ တစ်ခုကိုလေ့ မသုံးကတ်ကေ့"လို့ တရားဟောရေခါ တရားနာပရိသတ်ထဲက မိန်းမ ပရိသတ်တိစွာ "လိပ်ခွံခေါင်းဖြီး" ကိုတောင် ဝေးသတ်ပစ်ကတ်ပါလတ်။ ယင်းပိုင် ပရိသတ်ကို အတုယူဖို့ မကောင်းပါလား။

    ဆရာတော် ဟောရေ တရားမျိုးကို အိန္ဒိယ ခေါင်းဆောင်ကြီး မဟတ္တမဂန္ဒီက အဦးဆုံးဟောခပါရေ။ ဗြိတိန်နိုင်ငံစွာ မဟာအင်အားကြီးနိုင်ငံ မဟုတ်ပါလား။ သူ့ကိုအားချင်းပြိုင်တိုက်ခိုက်လို့ နိုင်ဖို့မဟုတ်။ ယေခါ သူ့ကို အကြမ်းမဖက်တေ နည်းနန့် အနိုင်ယူဖို့လမ်းစဉ်ကို ဂန္ဒီကြီး ချမှတ်ခပါရေ။ Non Violence (အကြမ်းမဖက်ရေး)၊ Non Co-oporate (လက်တွဲမလုပ်ရေး (၀ါ) ၀ိုင်းပယ်ရေး) ဆိုရေ အချက်နှစ်ချက်ကို ချပါရေ။ ဗြိတိန်လုပ် စက်ရက်ထည်တိကို မ၀တ်ကတ်ကေ့လို့ တရားဟောရေ။ ကိုယ်တိုင် လက်ရက်ခြည်ထည် "ဒိုတီ"ကို ၀တ်ပြရေ။ "ငါ့ပိုင် ရက်ကတ်၊ ငါ့ပိုင်ဝတ်ကတ်"လို့ နမူနာပြရေ။ သူ့နောက်ကို အိန္ဒိယ တစ်နိုင်ငံလုံး လိုက်ကတ်ပါထော။ ယေခါ အင်္ဂလိပ်အစိုးရ မျက်လုံးပြူးဖို့ ကျပါနှင့်ရာ။ သူ့အထည်တိစွာ မစွံဗျာလေ။ အထည်ထုတ်တေ အင်္ဂလိပ် စက်ရုံတိ ဆက်မထုတ်နိုင်ယာ။ စက်ရုံတိကို ပိတ်ထားဖို့ ကျရေ။ စက်ရုံအလုပ်သမားတိ အလုပ်ပြုတ်ကတ်တေ။ သူရို့ ဆန္ဒပြကတ်တေ။ အင်္ဂလိပ်အစိုးရ နှာရည်စီးဖို့ ကျရရေ။

    ဂန္ဒီကြီး၏ Non Co-oporate လမ်းစဉ်မျိုးကို ရခိုင်သားတိလိုက်နာဖို့ မကောင်းပါလား။ အေလမ်းစဉ်စွာ ရခိုင်ပြည်မာ ဇလတ္တာစောမွန်ဘုရင်၊ မင်းဘာဘုရင်ရို့ လက်ထက်ကပင် ကျင့်သုံးခရေ လမ်းစဉ်မျိုးဖြစ်ပါရေ။ ဘာသာခြားတိနန့် ဆက်ဆံရေခါ "ရွှေမျိုင်း ဓမ္မသတ်"လာ ညွှန်ကြားချက်အတိုင်း လိုက်နာကျင့်သုံးရပါရေလတ်။ ရွှေမျိုင်းဓမ္မသတ်မာပါရေ အချက်တိထဲက အမှတ်(၂၄)မာ အေပိုင်ယှောင်ရီးထားပါရေ။

    "တပါးသော အနွယ်ဝံသတို့က လှည့်ပတ်ဖျားယောင်းငြားသော်လည်း မိမိတို့ အမျိုးဇာတိတရားတို့သည် ပျက်စီးပျောက်ကွယ်ခြင်းသို့ မကျရောက်စေရန် ၀ဲစွာရှောင်ကြဉ်ရခြင်းသည်လည်း တစ်ပါး။"

    အထက်တင်ပြချက်ကို ရာဇ၀င်ဆရာကြီး ဦးသာထွန်းအောင်၏ "ရခိုင်မဟာရာဇ၀င်တော်ကြီး" စာအုပ်က ရစွာပါ။ ယင်းစာအုပ်မာပင် အေဥပဒေကို အဓိပ္ပါယ်အကျယ် ဖွင့်ထားပါသီးရေ။

    "..... ဇလတ္တာစောမွန်သည် သက္ကရာဇ် (၈၈၇)ခုကစ၍ ရွှေမျိုင်းဓမ္မသတ်ကို တိုင်းပြည်၊ ခရိုင်၊ နိုင်ငံတော်အတွင်းတွင် အတည်ပြုတော်မူပြီးလျှင် ရခိုင်အမျိုးလေးပါးတို့နှင့် မဆက်ဆံမူ၍ ဆုံးဖြတ်တော်မူလာသည့်အတိုင်း အထူးအားဖြင့် စောင့်ရှောက်တော်မူကြသည်မှာ မိမိတို့ အမျိုးလေးပါးနှင့် သူတပါး၏ အနွယ်ဝံသတို့နှင့် ဆက်ဆံခြင်း၌ ရှောင်ကြဉ်ရာ၏။ အကယ်၍ မိမိတို့ စောင့်ရှောက်ခြင်းဖြင့်ရှိသော ဇာတ်ဇာတိကို ချိုးဖဲ့ဖျက်ဆီးလျက် သူတပါးတို့၏ အနွယ်ဝံသတို့နှင့် ဆက်ဆံလျက် ပေါင်းသင်းသော သူတို့အား မိမိတို့၏ ဇာတ်ဇာတိပျက်စီးလေသော သူ၏အဖြစ်ဖြင့် အမျိုးကောင်းသားတို့သည် အတူတကွ စားသောက်ခြင်းမှစ၍ သူတို့နှင့် ဆက်လက်လျက် ပေါင်းရှည်ခြင်းကို ရှောင်ကြဉ်ရာသည်"(သာထွန်းအောင် ၁၂၈၈၊ ၄၈၊ ၆၆)၄*

    ရခိုင်မဟာရာဇ၀င်တော်ကြီး ဖော်ပြချက်ကို ချုပ်ပျာကြည့်ကေ "ရခိုင်အမျိုးလေးပါးရို့စွာ ဘာသာမတူရေ မျိုးခြားတိနန့် မပေါင်းဖော်ရ။ မဆက်ဆံရ။ ယင်းယှင့်ကို မလိုက်နာကေ မလိုက်နာသူကို အတူတကွ စားသောက်နီထိုင် ဆက်ဆံခြင်း မပြုရ။ ၀ိုင်းပယ်ရဖို့"ဆိုရေ အဓိပ္ပါယ်ထွက်လာပါရေ။ အေအချက်စွာ အင်္ဂလိပ်နယ်ချဲ့ အစိုးရနန့် လက်မတွဲဘဲ ၀ိုင်းပယ်ရေ ဂန္ဒီကြီး၏ လမ်းစဉ်နန့် စွပ်ပစ်တူနီပါထော။ ဆရာမြ၀ါ၊ မဟာပညာကျော်စရေ ရခိုင်ပညာဟိတိ ချမှတ်ပီးခရေ ၀ံသာနုရက္ခိတ တရားရေ အေနိထိ ခေတ်မှီနီသီးရေတရားလို့ ဆိုနိုင်ဖို့ထင်ပါရေ။ အေတရားကို လိုက်နာကျင့်ကြံဖို့ ရခိုင်သားတိုင်းမာ တာဝန်ဟိပါရေ။ မလိုက်နာကေ လူမျိုးပျောက်ဖို့ လမ်းကို တဆတ်ဆတ်လှမ်းလာရေပိုင် ဖြစ်နီရေလို့ မြင်မိပါရေ။ မောင်တောနန့် ဘူးသီးတောင်မြို့နယ်စွာ ဇာအနီအထားရောက်နီယာလေးဆိုဟာကို ဂရုပြုမိဂတ်ပါယင့်လား။ "မြေမျို၍ လူမျိုးမပျောက်၊ လူမျိုမှ လူမျိုးပျောက်မည်" ဆိုရေ ဆောင်ပုဒ်ကိုလေးသော့ နှလုံးပိုက်ထားဖို့ လိုပါရေ။

    ယေဇူးနန့် ဆရာမြ၀ါ၏ "မျိုးစောင့်တရား"ကို လိုက်နာအောင် ဟောပြောလှုံ့ဆော်ဖို့ ရဟန်းတော်ရို့က အစ၊ လူကြီးမိဘအလယ်၊ လူထု လူတန်းစား ကိုယ်စားလှယ်အဆုံး အားလုံးမှာ တာဝန်ဟိပါကြောင်း တင်ပြလိုက်ရပါရေ။

    ရခိုင်သား

၁*။ Smart, R.B, Burma Gazetteer, Akyak District, Vol.A, 1917, reprint; Goverment Press, Rangoon, 1957.
၂*။ Ba Tha, Roewangyars in Arakan, the Grardian, Burma National Magazine, May, 1960.
၃*။ လုပ်သားပြည်သူ့နေ့စဉ်သတင်းစာ၊ ရန်ကုန်၊ ဖေဖော်ဝါရီ (၂၀)၊ ၁၉၉၂။
၎*။ ဦးသာထွန်းအောင်၊ ရခိုင်မဟာရာဇ၀င်တော်ကြီး၊ ရခိုင်ပြည် သတင်းစာပုံနှိပ်တိုက်၊ စစ်တွေမြို့၊ ၁၂၈၈။

ပစ္ဆိမရပ်ဝန်း မဂ္ဂဇင်း အမှတ်(၁)မှ-