"ရွှေမဲ"ခွန်၏ အနုပိုင်ညာ

http://arakanscientia.blogspot.com မှာဖော်ပြထားသည့် "ရွှေမဲ"ခွန်၏ အနုပိုင်ညာ အပိုင်း(၁)ကနေ (၄)အထိအား တစုတပေါင်းတည်း ပြည်လည်တင်ပြထားခြင်းဖြစ်ပါသည်။

ကမ္ဘာ့ စွမ်းအင် လိုအပ်ချက်ရေ တရက်ထက်တရက်၊ တဆထက်တဆ ကြီးမားလာရေ အတွက် ရီနံနာင့် သဘာဝဓာတ်ငွေ့တိရေ ဈီးကောင်းလာပါရေ။ ယင်းအတွက်နာင့် ရီနံကို black gold (ရွှေမဲ)လို့ တင်စား ကတ်ပါရေ။ ယင်းရွှေမဲရေ တိုင်းပြည်ကို အကျိုးဟိနိုင်ရေပိုင် ယင်းရွှေမဲကြောင့် နိုင်ငံတိ စစ်ဖြစ်၊ အခြမ်းခြမ်း ကွဲပြီးကေ အသက်အိုးအိမ်တိ ပျက်စီးကတ်စွာ သာဓက တိကလည်း ဟိပါရေ။ ၂၀၀၈ ခုနှစ်က ထုတ်တေ “ကမ္ဘာ့နိုင်ငံရေး၏ ဖြစ်ပျက်နိန်မှုနာင့် ပြောင်လဲမှုများ” (World Politics: Trend and Transformation) စာအုပ်မှာ ချားစ်ကက်လီ (Charles Kegley)က “နိုင်ငံတစ်ခု၏ နယ်မြေတစ်ခုမှာ ကြွယ်ဝရေ သဘာဝအရင်း အမြစ်တည်ဟိနိန် ကေ ယင်းနယ်မြေရေ ယင်းနိုင်ငံက ခွဲထွက်ဖို့ များ၏။ ယင်းအကျိုးဆက်အဖြစ် ပြည်တွင်း စစ်ကို ဖြစ်စီနိုင်သည်”လို့ ရွီးသားထားပါရေ။ ယင်းသူကပျာယ် ကမ္ဘာ့ဘဏ်က အချက်အလက်တိကို ကိုးကား ပြီးကေ “၀င်ငွေနည်းပါးရေ နိုင်ငံတိသည် ၀င်ငွေကြီးရေ နိုင်ငံတိထက် ပြည်တွင်းစစ်ဖြစ်ဖို့၁၅ဆ ပိုများသည်” လို့ ဆက်ရွီးထားပါရေ။

ဗမာပြည်နာင့် ပြည်တွင်းစစ်၊ လက်ဟိရခိုင်ပြည်အခြေအနေ စရေ အကြောင်းတိကတော့ အားလုံးသိဂတ် တေ အတိုင်းပါပျာယ်။ အေနိန်ရာမှာ အကျယ်ချဲ့ပြီးကေတော့ ပြောစရာမဟိပါ။ အကျယ်ချဲ့ပြီး ကေ ပြောဖို့ လိုစွာက ရခိုင်သားတိမှာ “အနာမှာ တုတ်ကျ”ဆိုရေပိုင် အေလောက် အဘက်ဘက်မှာ ဆုံးရှုံးမှုတိ ကြုံနိန်ရ ရေ အချိန်မှာ နောက်ထပ်ကိုယ်ရို့အကျိုးဖြစ်သင့်ရေ ရွှေမဲတိပါ ဆုံးရှုံးနိန်ရပါရေ။

ရခိုင်သူ၊ ရခိုင်သားတိက ဗမာပြည်နာင့် ဆက်ပြီးကေ တစ်နိုင်ငံတည်းမှာ နိန်ကတ်ဖို့ဆိုကေ တွိဟိရေ ရွှေမဲ ကြောင့် ရခိုင်နာင့် ပြည်မအာဏာရအစိုးရကြားမှာ အငြင်းပွားမှု၊ အ၀ီမတည့်မှုတိဖြစ်နိုင်ပါရေ။ အဂုဆိုကေ အ၀ီမတည့်ဖို့နိန်နိန်သာသာ တပြားလေ့တောင် မရပါ။ ရခိုင်ပြည်ကြီးက ရွှေမဲထွက်ကေလေ့ ရခိုင်ပြည်က ပြည်မဲ (သို့) မတိုးတက်ရေ၊ အမှောင်ကျရေ ပြည်တစ်ခုအဖြစ် ရပ်တည်နိန်ဆဲပါ။ ရခိုင်ပြည်က ထွက်ဟိရေ သဘာဝသယံဇာတကို ရခိုင်သားတိခံစားခွင့်ဟိပါမှ တရားမျှတပါဖို့။ ဇာပိုင်နည်းလမ်းတိနာင့် ကိုယ့်ရပိုင်ခွင့် ကို တောင်းယူရဖို့လဲ ဆိုစွာကို သိနိုင်ဖို့ ရီနံထွက်ဟိရေ နိုင်ငံတိကို ဥပမာထားပြီးကေ လေ့လာကတ်ရပါဖို့။ ၂၀၀၂ ခုနှစ်က နိုင်ငံတကာ ငွေကြေးဘဏ်(International Monetary Fund)၏ဦးစီးပံပိုးမှုနာင့် ပညာရှင် နှစ်ယောက်က နိုင်ငံအသီးသီးမှာ ယင်းရီနံခွန်ကို ဇာပိုင်မျှဝီကတ်လဲ ဆိုစွာကို သုတေသနပြုထားရေ စာတမ်း တစ်ခု ထွက်ဟိခပါရေ။ ယင်းစာတမ်းကို ရခိုင်သူ၊ ရခိုင်သားတိ ဥာဏ အကျိုးဟိစီဖို့ အပိုင်းခွဲပြီးကေ ဝေငှ လိုက်ရပါရေ။

အေနိန်ရာ စကားချပ်အနိန်နာင့် ပြောစရာ စကားက ဟိလာပါရေ။ နံပါတ်တစ်အနိန်နာင့် - အေဆောင်းပါး ရေ ရီနံခွန်ကို ဥပမာထား စောင်းပီးပြီးကေ ရွီးထားကေလေ့ နောက်သယံဇာတ အရင်းအမြစ်တိကိုလည်း ရည်ရွယ်ပါရေ။ဥပမာ-ရီအားလျှပ်စစ် စွမ်းအင်တိကို ရောင်းချလို့ ရရေအခွန်နာင့်၊ရောင်းငွေတိပိုင်ပါ။ နောက် တစ်ခုက ရီနံခွန်နာင့် ရီနံရောင်းငွေတိကို “မျှဝီဖို့”လို့ ရွီးထားရေ အတွက်ကြောင့် ရခိုင်ပြည်ရေ ဗမာပြည်၏ အစိတ်အပိုင်း နယ်မြေဆိုရေ ရှုထောင့်က ရွီးထားစွာဖြစ်ပါရေ။ တကယ်လို့ ရခိုင်ပြည်သည် ရခိုင်နိုင်ငံဆိုရေ ရှုထောင့်ကရွီးဖို့ဆိုကေ “မျှဝီဖို့”ဆိုရေ ကိစ္စက လိုအပ်ဖို့မဟုတ်ပါပျာယ်။ (စာရွီးသူရေ အသိပညာပီးရေးကို အခြေခံလို့ရွီးထားစွာဖြစ်ပါရေ။ ဇာရှုထောင့်ကိုမှ ထင်ဟပ်လိုလို့ ရွီးထားခြင်းမဟုတ်ပါ။) နောက်တစ်ခုအနိန် နာင့် ရခိုင်ပြည်မှာ ရခိုင်တိကိုကိုယ်စားပြုဖို့ Subnational Governments (SNGs)လို့ခေါ်ရေ ဒေသခံ အစိုး ရမဟိသိပါ။ ရခိုင်သားတိ လက်ထဲမှာ ပါဝါ တစိချေ၊ တဖဲ့ချေလေ့ မဟိပါ။ ယင်းအတွက်ကြောင့် အောက်မှာ ရွီးသားချက်တိရေ ရခိုင်ပြည်၏ ရသင့်ရေ အခွင့်အရေးတိကို မီးမောင်းထိုးပြချင်ရေ ရည်ရွယ်ချက်နာင့်ရာ ရွီးသားရခြင်းဖြစ်ပါရေ။ အဂေါင့်ဂေါင့် ရအောင်ယူဖို့အတွက်က အနည်းဆုံး ရခိုင်ကိုယ်စားပြု SNG သို့မ ဟုတ် ပြည်ထောင်စု မြန်မာနိုင်ငံ၏ အခြေခံဥပဒေကို ရခိုင်ကို အကျိုးပြုနိုင်ရေ အခြေခံဥပဒေပြင်ဆင်ချက် (Constitution Amendments)တိနာင့် ဖြည့်စွက်ဖို့ လိုအပ်ပါဖို့။

ရီနံခွန် လေ့လာမှုစာတမ်း၊ နိုင်ငံတိ၏ အတွေ့အကြုံနာင့် ကြုံတွေ့ရသော အခက်အခဲတိ

စာတမ်းအချုပ်

နိုင်ငံတိ၏ အတွေ့အကြုံကို အခြေခံပြီးကေ အေစာတမ်းရေ ဒေသခံ အစိုးရ (SNG)တိကို ရီနံခွန်ပီးအပ် ရာမှာ တွေ့ရှိရရေ ပေါ်လစီလမ်းကြောင်းတိကို လေ့လာထား၏။သက်ဆိုင်ရာစာပီတိက ရီနံခွန်ကို ဗဟိုအစိုး ရကရာ ထိန်းချုပ်မျှဝီခြင်းကို အကြံပြုကြ၏။ ယေကေလေ့ နိုင်ငံရေးဆိုင်ရာ စီးပွားရေး (Political Economy) တိကို စိုင်းစားပြီးကေ အကြံပြုရကေ တည်ငြိမ်မှုဟိရေ ရီနံခွန်ကိစ္စရပ်တိကို သက်ဆိုင်ရာ ရီနံထုတ်လုပ်တေ ဒေသခံအစိုးရတိကို တာဝန် ပီးအပ်ခြင်းရာ ဖြစ်သင့်သည်။ ဗဟိုအစိုးရက လိုအပ်စွာတိကို ပူးပေါင်းဖြည့်စွက် ကူညီသင့်သည်။ ရီနံခွန် မျှဝီခြင်း (Oil Revenue Sharing)ရေ နိုင်ငံတိမှာ များသောအားဖြင့် သုံးနိန်ဂတ် ကေလေ့ အေလုပ်ရပ်ရေ ရီနံခွန် ကိစ္စရပ်တိကို လုပ်ဆောင်ရာမှာ အကြံ မပြုလိုရေ လုပ်ရပ် တစ်ခုဖြစ်သည်။ ဇာကြောင့်လဲဆိုကေ ယင်းလုပ်ရပ်က နိုင်ငံ၏ စီးပွားရေး စီမံခန့်ခွဲမှုတိကို ရှုပ်ထွီးစီပြီးကေ ဘဏ္ဍာရေး မတည် ငြိမ်မှုတိကို ဖြစ်ပေါ်စီနိုင်သောကြောင့် ဖြစ်သည်။ ရီနံခွန်မျှဝီခြင်းရေ ရီနံထွက်တေ ဒေသခံတိ၏ ခွဲထွက်ရေး လုပ်ရပ်တိကို မဟန့်တားနိုင်ပေ။ အကြောင်းမှာ ဒေသခံတိရေ ခွဲထွက်လိုက်ကေ သူရို့အခွန်ကို ပြည်မနာင့် မျှဝီစရာမလိုဘဲ ပိုလို့တောင် အပြည့်အ၀ရဟိနိုင်ဖို့ အတွက်ကြောင့် ဖြစ်သည်။

(က) နိဒါန်း

နိုင်ငံတစ်နိုင်ငံ၏ အစိုးရ အဆင့်ဆင့်ထဲမှာ ရီနံခွန်ကို ခန့်ခွဲခြင်းရေ မလွယ်ရေ ကိစ္စတစ်ရပ်ဖြစ်သည်။
အခက်အခဲအမျိုးမျိုးကို ဖြစ်ပေါ်စီနိုင်သည်။ ဥပမာ - ရီနံထွက်ဟိရေ ဒေသခံအစိုးရSNGမှာ သဘာဝအရင်း အမြစ်တိက ရဟိရေ အခွန်ငွေကို တိုးကောက်ပိုင်ခွင့်ဟိခြင်း၊ ရီနံဈီးအတက်အကျကို တုန့်ပြန်ရေအခါမှာ ဒေသခံအစိုးရ၏ တရားရေးလုပ်ပိုင်ခွင့်(Subnational Jurisdictions)နာင့် ဗဟိုအစိုးရ အကြား လုပ်ထုံး လုပ်နည်းဆိုင်ရာ အငြင်းပွားနိုင်ခြင်း၊ အပြန်အလှန်တရားရေး လုပ်ပိုင်ခွင့်ညီမျှမှု(Equity)နာင့် ပြန်လည်ဖြန့် ၀ီမှု (Redistribution)၊ သဘာဝပတ်ဝန်းကျင်ဆိုင်ရာ စိုးရိမ်မှု စရေကိစ္စတိက တကယ်တမ်းလုပ်ရရေခါ အစိုးရအဆင့်ဆင့်အကြား မပြေလည်မှုတိကို ဖြစ်ပေါ်စီသည်။ ရီနံထွက်ဟိရေ ဒေသတိက ရီနံခွန် ရှယ်ယာ ကို တိုက်ရိုက် တောင်းဆိုလာရေခါ နိုင်ငံ၏ စီးပွားရေး ယန္တရားကို ချုပ်ကိုင်ထားရေ လူတိနာင့် မပြေလည်မှု တိ ဖြစ်စီနိုင်ပါသည်။ ယင်းအတွက်ကြောင့် ရီနံခွန်တိကို စီမံခန့်ခွဲရေအခါမှာ ယင်းမပြေလည်မှုတိ နည်းနိုင် သလောက် နည်းအောင် ကြိုးစားကြရမည်။ ယင်းအပြင် ထိရောက်မှု၊ တည်ငြိမ်မှု၊ ပြန်လည်ဖြန့်ေ၀၀ီငှမှုတိ ပါဝင်ရေ စီမံမှုတိကို ပြုလုပ်ရမည်ဟု စာပီရပ်တိက ဖော်ပြကြသည်။

အေစာတမ်းသည် နိုင်ငံအသီးသီးမှာ ရီနံခွန်ကို အစိုးရ၏ အုပ်ချုပ်ရေး အဆင့်ဆင့်အတွင်း ဇာပိုင်ခန့်ခွဲမှု ပြုဂတ်ဖို့လဲဆိုစွာကို ဖော်ပြထားသည်။ နိုင်ငံအသီးသီးလို့ဆိုစွာမှာ အမေရိကန်ပြည်ထောင်စုပိုင် ကြီးမားရေ ဖယ်ဒရယ်ပြည်ထောင်စုတိ ပါဝင်ရေပိုင် Unitary Stateဟုခေါ်ရေ ကူဝိတ်နိုင်ငံရို့ပိုင် ဒေသခံအစိုးရချေ တိနည်းပြီးကေ အာဏာအများစုက ဗဟိုအစိုးရပါးမှာ ဟိနိန်ရေ နိုင်ငံတိလည်း ပါဝင်သည်။ လေ့လာမှုပြု ထားရေ နိုင်ငံတိကို အခြေခံပြီးကေ သူရို့၏ရီနံခွန် စီမံခန့်ခွဲပုံကို အမျိုးအစားခွဲ၍ တင်ပြထားသည်။ တချို့ နိုင်ငံတိက အားလုံးကို ဗဟိုကအပြည့်အ၀စီမံရေ ပုံစံ(Full Centralization)ကိုသုံးရေပိုင်၊ တချို့ကလည်း ဗဟိုက ထိန်းချုပ်မှုကင်းမဲ့ရေ ပုံစံ(Full Decentralization)၊ တချို့ကလည်း ရီနံနာင့် ပတ်သက်တေ အခွန်တိ ကို ပုံစံအမျိုးမျိုးနာင့် ကောက်ခံခြင်း၊ ရီနံခွန်မျှဝီခြင်း (Revenue Sharing)စရေ ပုံစံပေါင်းစုံကို သုံးကတ် သည်။

အေစာတမ်းသည် ရီနံထုတ်တေနိုင်ငံအများအပြားကို လေ့လာသုံးသပ်ထားကေလေ့ ကနေဒါ၊ ကိုလံဘီယာ၊ အင်ဒိုနီးရှား၊ မက်စီကို၊ နိုင်ဂျီးရီးယား၊ ရရှား၊ ယူအေအီး၊ အမေရိကန်ပြည်ထောင်စု၊ ဗင်နေဇွဲလားစရေ နိုင်ငံတိကိုတော့ခါ အသေးစိတ်လေ့လာသမှု ပြုထားသည်။

ဗဟိုကအပြည့်အ၀စီမံခြင်း (Full Centralization)

ဗဟိုအစိုးရသည် နိုင်ငံတစ်နိုင်ငံ၏ အကြီးမားဆုံး အစိုးရ ဖြစ်တေအတွက်ကြောင့် ယင်းအစိုးရက ကောက်ခံ နိုင်ခွင့်ဟိရေ အခွန်စနစ်သည် ဒေသခံအစိုးရ၏ အခွန်စနစ်ထက် ပိုကြီးကေ ကျယ်ပြန့်သည်။ တနည်းအား ဖြင့်ဆိုရကေ ဗဟိုအစိုးရသည် ရီနံခွန်အပြင် တခြား အိမ်ခွန်၊ ၀င်ငွေခွန် စရေ အခွန်တိကိုပါ ရီနံထွက်ဟိရေ ဒေသကရာမက တစ်နိုင်ငံလုံးက ကောက်ခံနိုင်ရေအတွက်ကြောင့် ရီနံဈီးနှုန်း အတက်အကျကြောင့် ဖြစ်ပေါ် လာမည့် အခွန်ငွေ အပြောင်းအလဲတိကို ခံနိုင်ရည် ပိုရှိသည်။ တကယ်လို့ ရီနံထွက်ဟိရေ ဒေသခံ အစိုးရက ရီနံခွန်အများစုကို ရဟိပြီးကေ ကောက်ခံနိန်ကျ အခွန်တိကို လျှော့ချလိုက်ကေ နိုင်ငံတွင်းမှာ beggar-thy -neighborလို့ခေါ်ရေ ပြဿနာတိကို ဖြစ်ပေါ်စီနိုင်ပါသည်။ (Beggar-thy-neighborဆိုစွာက နိုင်ငံတကာ စီးပွားကုန်သွယ်မှုတိမှာ ဖြစ်ပေါ်နိန်ကျ ဖြစ်တေ ဖြစ်စိုင်တစ်ခုပါ။ ဥပမာ - တရုတ်နိုင်ငံပိုင် နိုင်ငံက သူ့၏ ယွမ်ငွေတန်ဖိုးကို လျှော့ချခြင်းဖြင့် ပြည်ပဈီးကွက်မှာ သူ့ထုတ်ကုန်တိကို တခြားနိုင်ငံက ဈီးပေါပေါနာင့် ၀ယ်နိုင်အောင် တမင်တကာ ပြုလုပ်ထားပိုင်ပါ။ အခြားတစ်ဘက်မှာလည်း လူများနိုင်ငံတိက သွင်းကုန်တိကို သွင်းကုန်ခွန် တိုးမြှင့်ထားခြင့်ဖြင့် သွင်းကုန်ပစ္စည်းတိကို လူတိမ၀ယ်ချင်အောင် ဈီးကြီးအောင်လုပ်ထားပိုင် ပါ။ အေနိန်ရာမှာလည်း ရီနံထွက်တေ ရခိုင်ဒေသက ရီနံခွန်အများကြီးရနိန်လို့ တခြား ဥပမာ-အိမ်ခွန်ကို လျှော့ကောက်တေ ဆိုပါဖိ။ ယေကေ တခြား မကွေးတိုင်း၊ ဧရာဝတီတိုင်းက လူတိက ရခိုင်ပြည်မှာ အိမ်ခွန် သက်သာလို့ အိမ်လာဝယ်ကတ်ပါဖို့။ ယေခါ ယင်းတိုင်းတိက ဒေသခံအစိုးရတိ၏ အခွန်ငွေ ပမာဏကို ကျ ဆင်းစီပါဖို့။ ယင်းတိုင်းတိမှာ လုပ်စရာ လုပ်ငန်းတိ (ဥပမာ-လမ်းခင်းခြင်း) ကို ဒေသခံအစိုးရမှာ ဖဲ့ချာမဟိ လို့ မလုပ်ဖြစ်တေ ကိစ္စတိဟိလာပါဖို့။ ပြဿနာတိဖြစ်လာပါဖို့။ ယင်းချင့်ကို Beggar-thy-neighbor ပြဿ နာတိလို့ခေါ်ပါရေ။) ဗဟိုအစိုးရသည် ရီနံက ရဟိလာသော အခွန်ငွေကို ရီနံထွက်ဒေသနှာင့် ရီနံမထွက် တေ ဒေသကြားမှာ မျှမျှတတဖြစ်အောင် လုပ်ဆောင်နိုင်သည်။ ရီနံသည် အမြဲတမ်းထွက်ဟိနိုင်ရေ အရင်း အမြစ်တစ်ခု မဟုတ်သည့် အတွက်ကြောင့် ဒေသခံ အစိုးရတိအနိန်ဖြင့် ရေရှည်အခွန်ငွေ ၀င်နိုင်သည့် ၀င် ပေါက် တစ်ခုအဖြစ် သဘောမထားသင့်ပေ။

ဒေသခံအစိုးရတိမှ ရီနံခွန်ကို စီမံခြင်း

ရီနံခွန်ကို ဒေသခံအစိုးရတိမှ စီမံခန့်ခွဲရခြင်းမှာ အဓိကအားဖြင့် နိုင်ငံရေးအကြောင်းကြောင့် ဖြစ်သည်။ ဒေသခံအစိုးရက စီမံနိုင်အောင် နိုင်ငံတော်၏ အခြေခံဥပဒေက ဒေသခံအစိုးရကို ၄င်းဒေသက ထွက်ဟိ သော သယံဇာတတိကို ပိုင်ဆိုင်ခွင့် ပီးထားခြင်း၊ ၀င်ငွေ(သို့) တခြားကဏ္ဍတိတွင် အခွန်ကောက်ခံနိုင်ခွင့် အာဏာကို ပီးအပ်ထားခြင်းတိကြောင့်ဖြစ်သည်။ ဒေသခံအစိုးရကို အေပိုင် စီမံခွင့်ပီးရခြင်း၏ ဖြစ်လေ့ဖြစ်ထ အကြောင်းရင်းခံ ကတော့ ဗဟိုအစိုးရက သယံဇာတ ပေါကြွယ်ရေ ဒေသတိ ပြည်ထောင်စုထဲက ခွဲထွက် မလားအောင် ဆိုပြီးကေ ဒေသခံအစိုးရနာင့် ပြည်သူတိ ကျေနပ်အောင်လုပ်ပီးခြင်းဖြစ်သည်။ အေပိုင်လုပ် ခြင်း၏ ဆိုးကျိုးနာင့် ကောင်းကျိုးကို အောက်တွင် နိုင်ငံအလိုက်သုံးသပ်မှုတိမှာ တင်ပြလားပါမည်။

အေစာတမ်းသည် ရီနံခွန် စီမံမှုပုံစံ အမျိုးမျိုး၏ နိုင်ငံစီးပွားရေး ယန္တရားကို တည်ငြိမ်မှု ဟိနိုင်မဟိနိုင်၊ ငွေ ကြေးဈီးကွက်ကို ဇာပိုင်ထိရောက်နိုင် စရေ အားသာချက်နာင့် အားနည်းချက်တိကို လေ့လာသုံးသပ်ထား သည်။ အေစာတမ်းသည် ဗဟိုကချုပ်ကိုင်သော စနစ်၊ ဒေသခံအစိုးရတိကို ရီနံခွန်မဟုတ်တေ တခြားအခွန် အမျိုးအစားတိ ကောက်ခံခွင့်ပီးခြင်း၊ တရားမျှတအောင် ရီနံခွန်ကို ဖြန့်ဖြူးပီးခြင်းတိကို ထောက်ခံသည်။ (သို့ သော် ဗဟိုအစိုးရသည်သမာသမတ် ဟိသော ဗဟိုအစိုးရဖြစ်ရမည်။)နောက်တစ်နည်းကတော့ ရီနံနာင့်ပတ် သက်တေအခွန် အမျိုးအစားတိထဲက ပိုပြီးကေ တည်ငြိမ်မှုဟိရေ အခွန်အမျိုးအစားတိ (ဥပမာ-ရီနံထုတ်လုပ် ရေးကုမ္ပဏီတိပါးက ရီနံထုတ်လုပ်ပိုင်ခွင့် လိုင်စင်ခွန်)ကို ရီနံထွက်ဟိရေ ဒေသခံ အစိုးရကို လုပ်ခွင့်ပီးခြင်း၊ ရီနံခွန်အချို့ကို ရီနံမထွက်တေ ဒေသခံ အစိုးရတိကို သူရို့ဒေသမှာ ပြည်သူ့ဝန်ဆောင်မှု (ဥပမာ - မီးသတ် ဌာန) ကိစ္စတိကို အနည်းဆုံး ဆောင်ရွက်နိုင်အောင် ဝေငှခြင်း နည်းဖြစ်သည်။ အထက်ကနည်းတိနာင့် မဖြစ် နိုင်လျှင် နောက်ဆုံး ဒေသခံအစိုးရတိကို လုပ်ပိုင်ခွင့် အားလုံးပီးပြီးကေ ရီနံခွင့်ကို မျှယူကတ်ခြင်းဖြစ်ပါသည်။ ဗဟိုအစိုးရလက်ထဲကနိန် အခွန်ငွေအမြောက်အမြားကို လွှဲယူလိုက်သည့်အတွက်ကြောင့် အေနည်းသည် နိုင်ငံစီးပွားရေး စီမံခန့်ခွဲမှုတိကို များစွာ ရှုပ်ထွီးစီနိုင်သည်။ မျှဝီမှုစနစ် အချိုးအစား ပေါ်မူတည်ပြီးကေ ရီနံ မထွက်တေ ဒေသတိအတွက် အခွန်ရဟိမှု နည်းပါးနိုင်မည်။ ရီနံဈီး အတက်အကျကြောင့် ဖြစ်ပေါ်လာနိုင် မည့် ဂယက်ကို ဒေသခံအစိုးရတိအနိန်နာင့် ကိုင်တွယ်နိုင်မှု ခက်ခဲနိုင်သည်။ ယင်းအပြင် အေရီနံမျှဝီရေး နည်းသည်တကယ်တမ်းတွင် ဒေသခံအစိုးရ၏ ခွဲထွက်ရေး လုပ်ငန်းတိကို လျှော့ပါးမလားနိုင်ပေ။ အကြောင်း မှာ ရီနံထွက်ဟိရေ ဒေသတိအနိန်နာင့် ခွဲထွက်လားကေ တောင် ရီနံခွန် ၁၀၀ ရာခိုင်နှုန်းပြည့်ကို ရဟိနိုင် သောကြောင့် အဂေါင့်ဂေါင့် ခွဲထွက်လိုပါက ခွဲထွက်ကြမည်သာ ဖြစ်သည်။

(ခ) ရီနံခွန်စီမံခန့်ခွဲခြင်း အတွေ့အကြုံ

အစိုးရ အုပ်ချုပ်မှု အဆင့်ဆင့်အလိုက် ရီနံခွန်နာင့် ပတ်သက်တေ ခွဲဝီမှုအချက်အလက်တိမှာ နည်းပါးလှ သည်။ ၁၉၉၇ ခုနှစ်ကနိန် ၂၀၀၀ ခုနှစ်အတွင်း ရီနံထုတ်လုပ်တေ နိုင်ငံအသီးသီးက ရဟိရေ အချက်အလက် တိကို သုံးသပ်လိုက်ကေ ရီနံခွန်သည် အစိုးရကောက်ခံရဟိရေ အခွန်အားလုံးထက် အတက်အကျဖြစ်နိုင်မှု အများဆုံးဖြစ်သည်ကို တွိရသည်။ နိုင်ငံအသီးသီးအလိုက်ကွဲပြားခြားနားမှုတိကိုလည်း တွိရှိရသည်။ Unitary Stateလို့ခေါ် ရေ ဗဟိုက ချုပ်ကိုင်မှုများရေ အစိုးရ အချင်းချင်းမှာတောင် အီရန်၊ အင်ဒိုနီးရှား၊ ကိုလံဘီယာ စရေ နိုင်ငံတိက တခြား Unitary Stateဖြစ်တေ ဆော်ဒီအာရေဗီးယား၊ ကူဝိတ်တိထက် ရီနံဈီးအတက် အကျဖြစ်မှု ပိုများစွာကို တွိရှိရသည်။ ယင်းချင့်တိက ဇာကို ရည်ညွှန်းလဲဆိုကေ သက်ဆိုင်ရာ အစိုးရတိ၏ ရီနံဈီး အကျအတက်ကို ထိန်းကွပ်ပီးနိုင်မှုစွမ်းရည် ကောင်းမကောင်းကို ဖော်ထုတ်နိန်သည်။ ယင်းပိုင်ဖြစ်စိုင် ကို Unitary Stateမှာတင် မကဘဲ တခြား ဖယ်ဒရယ်ပြည်ထောင်စု တိမှာလည်း တွိရှိရပါသည်။ နိုင်ဂျီးရီး ယား၊ အမေရိကန် ပြည်ထောင်စု၊ ဗင်နီဇွဲလားစရေ ဖယ်ဒရယ်နိုင်ငံတိက မက်စီကို၊ ရရှား၊ ယူအေအီးရို့ထက် ရီနံဈီး အတက်အကျကို ထိန်းကွပ်နိုင်မှု မဟိစွာကိုလည်း တွိရှိရပါသည်။

နောက်အချက်အလက်တိက “အစိုးရ၏အခွန်တိထဲမှာ ရီနံခွန်ပါဝင်မှုရာခိုင်နှုန်းများလီ၊ ရီနံခွန်အတက်အကျ ဂယက်ရိုက်မှုကို ခံရမှုများလီ”ဟု ညွှန်ပြသည်။ အထူးသဖြင့် ရီနံက ရဟိရေ အခွန်ကို အများကြီးမှီခိုနိန်ကတ် တေ နိုင်ငံ (သို့)ဒေသခံအစိုးရတိက ယင်းဂယက်ရိုက်မှုကို ပိုခံရတတ်ပါသည်။

အထက်မှာ ဖော်ပြခရေပိုင် Unitary Stateနာင့် ဖယ်ဒရယ်နိုင်ငံတိမှာ ရီနံခွန်စီမံပုံ ၄မျိုး ရှိပါသည်။ ၄င်းရို့မှာ ဗဟိုအစိုးရ ထိန်းချုပ်မှုကင်းသော စနစ် (Full decentralization)၊ ဗဟိုအစိုးရ အပြည့်အ၀ ထိန်းချုပ်သော စနစ်(Full Centralization)၊ အခွန်ကောက်ခံရေ နိန်ရာတိကို မျှဝီခြင်းနာင့် အကြိမ်ထပ်ကောက်ခံခြင်း (Overlapping/Shared Revenue Bases)၊ ကောက်ခံရဟိရေ အခွန်ငွေကို မျှဝီခြင်း(Revenue Sharing) ရို့ ဖြစ်ပါသည်။

Unitary State အများစုဖြစ်တေ အယ်ဂျီးရီးယား၊ အဇာဘိုင်ဂျန်၊ ဘာရိန်း၊ အင်ဒိုနီးရှား (၂၀၀၀ခုနှစ်ထိ)၊ အီရန်၊ အီရတ်၊ ကူဝိတ်၊ လစ်ဗျား၊ နော်ဝေး၊ အိုမန်၊ ကာတာ၊ ဆော်ဒီအာရေဗီးယား၊ အင်ဂလန်၊ ယေမန် နိုင်ငံရို့က Full Centralization စနစ်ကို သုံးသည်။ တခြား Unitary Stateဖြစ်တေ ကိုလံဘီယာ၊ ကာဇတ် စတန်၊ အက်ကွေဒေါ၊ အင်ဒိုနီးရှား (၂၀၀၁ခုနှစ် ကနိန်)ရို့က Revenue Sharingစနစ်ကို သုံးကတ်သည်။ ဖယ်ဒရယ် ပြည်ထောင်စုတိထဲက ဆိုကေ ကနေဒါ၊ အမေရိကန်ရို့က Shared Revenue Basesစနစ် ကို သုံးပြီးကေ ယူအေအီးက Full decentralizationကိုသုံးသည်။ မက်စီကို၊ နိုင်ဂျီးရီးယား၊ ရရှား၊ ဗင်နင်ဇွဲလား ရို့ ကတော့ Revenue Sharing စနစ်ကို သုံးကတ်စွာကို တွိရသည်။

Unitary Stateချေ အများစုမှာ ရီနံခွန်ကိုဗဟိုကချုပ်ကိုင် စီမံခန့်ခွဲသည်ကိုတွိရသည်။ အကြောင်းမှာ ဒေသခံ အစိုးရဌာနတိသည် အရေးကြီးရေ သုံးငွေကိစ္စရပ်တိနာင့် ပတ်သက်ပြီးကေ လုပ်ပိုင်ခွင့်မဟိခြင်း၊ အခွန်ဝင် ပေါက်(Revenue Source)တိ မဟိခြင်းရို့ကြောင့်ဖြစ်သည်။ ယင်းနိုင်ငံတိမှာ ကြုံရတတ်တေ အခက်အခဲတိ ကတော့ ရီနံမဟုတ်တေ တခြားအခွန်ရရှိနိုင်ဖို့ နိန်ရာတိကို ရှာဖွေဖော်ထုတ်ရခြင်း၊ အတက်အကျဖြစ်လွန်း ရေ ရီနံခွန်တိကို နိုင်ငံတော်အဆင့်မှာ စုဆောင်းခြင်းနာင့် တည်ငြိမ်မှုရှိအောင် လုပ်ရခြင်းရို့ ဖြစ်သည်။

Unitary Stateကြီးတိ (ဥပမာ - ကိုလံဘီယာ၊ အင်ဒိုနီးရှား)ကျခါ ရီနံခွန်ကို ဗဟိုအစိုးရက အပြည့်အ၀ မထိန်းချုပ်ဘဲ ဒေသခံအစိုးရတိနာင့် မျှဝီအောင် ဖိအားပီးခြင်း ခံရတတ်သည်။ ယင်း၏ အကျိုးဆက်အဖြစ် နိုင်ငံစီးပွားရေး စီမံခန့်ခွဲခြင်းတိမှာ နဂိုကလုပ်ထုံး လုပ်နည်းတိနာင့် ကမောက်ကမ ဖြစ်စီသည်။ ယင်းအပြင် ယေဘုယျအားဖြင့် ရီနံထွက်နယ်မြေ၏ ဒေသခံအစိုးရတိသည် ယင်းမျှဝီပုံ အချိုးအစား၊ ပုံစံ တိကို မကျေနပ် ဖြစ်လေ့ရှိပြီးကေ နိုင်ငံတွင်း နိုင်ငံရေး မတည်ငြိမ်မှုတိကိုလည်း ဦးတည်စီသည်။

ယင်းပြဿနာတိသည် Unitary Stateတိရာ ဖြစ်စွာမဟုတ်ဘဲ ဖယ်ဒရယ်နိုင်ငံတိမှာလည်း ဖြစ်တတ်သည်။ အထူးသဖြင့် နိုင်ဂျီးရီးယားနိုင်ငံမှာ ရီနံကရရှိရေ အခွန်ကို အလွန်အမင်းမှီခိုနိန်ပြီးကေ တခြားကဏ္ဍတိက ရရှိရေ အခွန်တိက နည်းလို့ ဒေသခံအစိုးရတိ အနိန်နာင့် ငွေကြေးမတည်ငြိမ်မှုတိ၊ ရီနံဈီးနှုန်း အတက်အ ကျ ဂယက်ရိုက်မှုတိကို မခံနိုင်ဖြစ်နိန်သည်။ နိုင်ငံတွင်း ပဋိပက္ခတိကလည်း ရှိနိန်ပါသည်။ (နိုင်ဂျီးရီးယား၏ နိုင်ဂျာမြစ်ဝကျွန်းပေါ် ဒေသမှာ ရီနံအများကြီး ထွက်ပါရေ။ ၂၀၀၀ခုနှစ် အချက်အလက်တိအရ နိုင်ငံGDP၏ ၄၀ ရာခိုင်နှုန်းရေ ရီနံထုတ်လုပ်ရေးက လာပါရေ။ ယေကေလေ့ ယင်းရီနံ ထုတ်လုပ်ရေးက ထွက်ရှိလာရေ အကျိုးအမြတ်တိကို ဒေသခံလူမျိုးစုတိက ရဟိမှုနည်းလို့ လက်နက်ကိုင် ပြဿနာတိ အများကြီးဖြစ်နိန် ကတ်ပါရေ။ ရီနံနာင့် ဘေးထွက် အညစ်အကြေးတိကြောင့် သဘာဝပတ်ဝန်းကျင် ညစ်ညမ်းမှုတိကလည်း ကောင်းဆိုးရွားနိန်ရေလို့ လေ့လာသိရှိရပါရေ။)

ဖယ်ဒရယ် ပြည်ထောင်စုနှစ်ခုဖြစ်တေ ကနေဒါနာင့် အမေရိကန် ပြည်ထောင်စုရို့ကတော့ ရီနံခွန်ကို ဗဟိုက ကောက်ခံပြီးမှ ပြန်လည်ဝီမျှဖို့အစား ဒေသခံအစိုးရတိကို ရီနံခွန်ကိစ္စတိနာင့် ပတ်သက်လို့ တာဝန်ပီးထား သည်။ ယင်းပိုင် တာဝန်ပီးထားခြင်းဖြင့် ဒေသခံအစိုးရတိ မှန်မှန်ကန်ကန် လုပ်မလုပ် ဗဟိုအစိုးရက စောင့် ကြပ်ပီးထားသည်။ ကနေဒါမှာဆိုကေ ရီနံ မထုတ်တေဒေသတိနာင့် ပတ်သက်တေ အခွန် မညီမျှမှုတိကို အမျိုးသား ညီမျှရေးစနစ် (National Equalization System) တစ်ခုထားရှိပြီးကေ ဗဟိုအစိုးရက ကူညီ ဆောင်ရွက်ပီးသည်။ ဗဟိုကထိန်းချုပ်မှု လုံးဝကင်းမဲ့ရေစနစ်ကို သုံးစွဲရေ နိုင်ငံဆိုလို့ ယူအေအီးနိုင်ငံ တစ်နိုင်ငံရာ ရှိပါသည်။ ယင်းနိုင်ငံမှာ Upward Revenue Sharing Arrangement လို့ခေါ်ရေ “အောက် ကနိန်အထက်ကို တက်လားရေ အခွန်စနစ်”ကို ကျင့်သုံးစွာကို တွိရှိရပါသည်။ တနည်းအားဖြင့် ရီနံခွန်နာင့် ပတ်သက်တေ လုပ်ပိုင်ခွင့်တိကို အထက်နိုင်ငံတော် အဆင့်အစား အောက်ဒေသခံ အစိုးရတိကို ပီးအပ် ထားပါသည်။

ကမ္ဘာ့ ရီနံအများစု ထုတ်လုပ်တေနိုင်ငံတိ (၂၀၀၇ ခုနှစ်)။
အစိမ်းရောင် - ကနေဒါနိုင်ငံ၏ ရီနံထုတ်လုပ်ရာ ပြည်နယ်တိ။
အပြာရောင် - အိုပက်အဖွဲ့ဝင် နိုင်ငံတိ။
ပန်းရောင် - အမေရိကန်ပြည်ထောင်စု၏ ရီနံထုတ်လုပ်ရာ ပြည်နယ်တိ။
အ၀ါရောင် - မြောက်ပင်လယ်ဒေသ၏ ရီနံထုတ်လုပ်ရာ နိုင်ငံတိ။
အနီရင့်ရောင် - တခြား ရီနံထုတ်လုပ်ရာ နိုင်ငံတိ။

(ဂ) Unitary States

အပိုင်း(၁)မှာ ဖော်ပြခရေပိုင် unitary stateချေတိသည် ရီနံခွန်ကို ဗဟိုကထိန်းချုပ်တေ full centralization model ကို သုံးဂတ်သည်။ ရီနံတူးဖော်ခြင်း၊ ရီနံထုတ်လုပ်ခြင်းတိက ရရှိရေ အခွန်ငွေတိကို ဗဟိုအစိုးရ၏ အထွေထွေ အခွန်အဖြစ် ပီးဂတ်ရသည်။ ယင်းစနစ်ကို ကျင့်သုံးရေ နိုင်ငံတိကတော့ Gulf Cooperation Council (GCC)လို့ ခေါ်ရေ ပင်လယ်ကွေ့ဒေသ ပူးပေါင်းဆက်သွယ်ရေး ကောင်စီဝင် နိုင်ငံတိဖြစ်တေ ဘာရိန်း၊ ကူဝိတ်၊ အိုမန်၊ ကာတာ၊ ဆော်ဒီအာရေဗီးယား၊ ယေမန် နိုင်ငံတိဖြစ်သည်။ တခြား ရီနံထုတ် unitary stateကြီး တိဖြစ်တေ အယ်ဂျီးရီးယား၊ အာဇာဘိုင်ဂျန်၊ အီရန်၊ အီရတ်၊ လစ်ဗျား၊ နော်ဝေး နာင့် အင်ဂလန်ရို့ကလည်း အထက်ပါ စနစ်ကို သုံးဂတ်သည်။

ယင်းဖော်ပြပါ စနစ်၏ ကောင်းကျိုးတိမှာ -

၁။ ဗဟိုအစိုးရမှာ ရီနံအပြင် တခြားအခွန်တိလည်း ကောက်ခံထားလို့ ရီနံခွန်အတက်အကျ ဂယက်ကို ပိုခံ နိုင်ခြင်း၊

၂။ နိုင်ငံတွင်း ဒေသတိအကြား မညီမျှမှုတိကို ကြပ်မတ်ပီးနိုင်ခြင်း၊

၃။ ဒေသအစိုးရတိအကြား ရီနံခွန်မဟုတ်တေ တခြားအခွန်တိ အပြိုင်အဆိုင် လျှော့ကောက်ခြင်းကို လျှော့ချ နိုင်ခြင်း ရို့ဖြစ်သည်။

(ဂ-က)Unitary Stateချေတိ၏ အခက်အခဲတိ

၁။ ရီနံထုတ်လုပ်တေ နိုင်ငံအများစုသည် ရီနံအပြင် တခြားအခွန်ကောက်ခံခြင်းတိကိုလည်း လုပ်ဆောင်ဂတ် ရဖို့ ဆိုစွာကို အသိအမှတ်ပြုဂတ်သည်။ ယေမှရာ ရီနံခွန် တစ်ခုတည်းကိုရာ မှီခိုနိုင်စရာမလိုဘဲ ရီနံခွန် အတက် အကျကြောင့် ရိုက်ခတ်လာနိုင်ရေ ဘဏ္ဍာငွေ နည်းပါးမှုတိကို ကာမိနိုင်ဖို့ဖြစ်သည်။ ယင်းအပြင် တချို့နိုင်ငံတိဆိုကေ World Trade Organization (WTO) ခေါ် ကမ္ဘာ့ကုန်သွယ်ရေးအသင်းကြီးကို ၀င်ခွင့် ရဖို့ စောင့်စားနိန်ချိန်မှာ သွင်းကုန်ခွန်တိကို လျှော့ကောက်ခဂတ်ပါသည်။ ယင်းပိုင် လွန်ခရေ ဆယ်နှစ် အတွင်းမှာ ရဟိခရေ သွင်းကုန်ခွန် နည်းပါးမှုတိကိုလည်း ကာမိနိုင်ဖို့ဖြစ်သည်။ အာဇာဘိုင်ဂျန်နာင့် တခြား နိုင်ငံတိဆိုကေ Value Added Tax (VAT)လို့ခေါ်ရေ အခွန်တိကို ကောက်ခံပြီးကေ ရီနံခွန်မတည်ငြိမ် မှု ဂယက်ကို တတ်နိုင်သလောက် နည်းပါးအောင် လုပ်စွာတိကိုလည်း တွိရပါသည်။ (VATဆိုစွာက sale tax လို့ ခေါ်ရေ အ၀ယ်ခွန်နာင့် မတူပါ။ VATက ပစ္စည်းတစ်ခုကို လက်အပြောင်းအလဲလုပ်တေ လူတိတိုင်းပါးက ယင်းပစ္စည်းတန်ဖိုးအပြောင်းအလဲ (value) ကို မူတည်လို့ ပီးရစွာပါ။ ဥပမာ - ငပိတစ်ပိဿာကို ပထမ လူတစ်ယောက်က ၁၀၀၀ နာင့် ၀ယ်လိုက်ပြီးကေ နောက်တစ်ယောက်ကို ၁၁၀၀နာင့် ရောင်းကေ ယင်းအပို ငွေ၁၀၀ထက်မှာ သင့်လျော်ရေ အခွန်ကို ကောက်စွာမျိုးပါ။ ယင်းငပိကိုလက်လဲလက်ပြောင်း ရောင်းနိန်သမျှ ကာလပတ်လုံး အခွန်ကလည်း လိုက်ကောက်နိန်ပါဖို့။)

၂။ တချို့ နိုင်ငံတိ ဆိုကေလည်း ပဒေသာပင် စိုက်ထူပြီးကေ ရီနံခွန် အတက်အကျနာင့် အသုံးစရိတ် (Expenditures) မလုံလောက်နိုင်မှုတိကို ကာကွယ်ဖို့ကြိုးစားဂတ်သည်။ ယင်းပိုင် နိုင်ငံတိဖြစ်တေ နော်ဝေး၊ အာဇာဘိုင်ဂျန်၊ ကူဝိတ်ရို့မှာ Reserve Fundဆိုပြီးကေ အရန်ပဒေသာပင် တိကို စိုက်ထူထားဂတ်သည်။ ယင်းပိုင်စီမံခြင်း၏ အားနည်းချက် တစ်ခုကတော့ သုံးနိန်ကျ ဘားဂျတ်(Budget)ပိုင် စောင့်ကြည့်မှု နည်းပါး ရေ မျဉ်းပြိုင် ဘားဂျတ်စီမံချက်တစ်ခု ပေါ်ပေါက်လာနိုင်ခြင်းဖြစ်သည်။ အေပိုင် အားနည်းချက်တိကို အထူး သဖြင့် ဖွံဖြိုးဆဲနိုင်ငံတိမှာ ဟိရေ ဒေသပိုင်းဆိုင်ရာ အစိုးရတိအဆင့်မှာ တွိဟိရသည်။ ယင်းပိုင် ဘားဂျတ် ပိုင်းဆိုင်ရာ ရှုပ်ထွီးမှုတိကို ရှောင်ရှားနိုင်ဖို့အတွက် နော်ဝေးနိုင်ငံမှာဆိုကေ ယင်းပိုင် အရန်ငွေပဒေသာပင် ထဲကို ၀င်လာရေ ဖဲ့ချာတိကို ပါလီမန်သို့ အစီရင်ခံရသည်။ ယင်းပဒေသာပင်ကနိန် အစိုးရဘားဂျတ်ထဲကို ငွေလွှဲချင်ရေဆိုကေလည်း ပါလီမန်က ခွင့်ပြုချက် ပါမှရသည်။ ယေပြီးခါမှရာ သုံးစရာဟိစွာတိကို အစိုးရ ဘားဂျတ်ကနိန်တဆင့် ယူသုံးဂတ်ရသည်။

၃။ တချို့ကလည်း ရီနံ နောက်ဆုံးထုတ်လုပ်နိုင်ဖို့ နှစ်ကို ခန့်မှန်းပြီးကေ (ရီနံရေ အမြဲတမ်းဟိနိန်ဖို့ သဘာ ၀ သယံဇာတမဟုတ်ဘဲ အချိန်တန်ကေ ခန်းခြောက်လားသည်။) ကောက်ခံရဟိလာရေ နှစ်စိုင် ရီနံခွန်ထဲက တချို့တ၀က်ကို အတိုးရနိုင်ရေ ပဒေသာပင် (Saving Fund)တိ စိုက်ပြီးကေ နောက်လာဖို့ မျိုးဆက် သစ်တိအတွက် ကြိုလုပ်ပီးထား ဂတ်သည်။ ဥပမာ - ကူဝိတ်နိုင်ငံက The Kuwaiti Reserve Fund for Future Generations (RFFG)ပိုင် ပဒေသာပင် စိုက်ထူခြင်းမျိုးကို ဆိုလိုသည်။ (ယေကေလေ့ ကူဝိတ်ကို အီရတ်က ၀င်သိမ်းပြီးနောက် ယင်းပဒေသာပင်က ဖဲ့ချာတချို့ကို နိုင်ငံပြန်လည်တည်ဆောက်ရေး စီမံကိန်း တိ အတွက် သုံးလိုက်ရသည်။)

Reserve Fundပဲထားထား၊ Saving Fundပဲထားထား ယင်းနိုင်ငံ၏ ငွေကြေးပေါ်လစီမကောင်းကေတော့ နိုင်ငံ၏ အစိုးရဘားဂျတ်၊ အစိုးရ စုဆောင်းငွေတိကို တည်ငြိမ်စီဖို့ကလည်း ခဲယဉ်းသည်။ တခါတလီ ယင်း ပိုင် ငွေပဒေသာပင်တိ စိုက်ထူခြင်းသည် မှန်းချက်နာင့် နှမ်းထွက်မကိုက် ဖြစ်တတ်တေအတွက်ကြောင့် စထူထောင်စခါ ဂရုတစိုက် စောင့်ကြည့်လေ့လာ သုံးသပ်နိန်ဖို့လိုသည်။

(ဂ-ခ) Unitary Stateကြီးရို့၏ အဖြစ်အပျက်တိ

နိုင်ငံချေတိက ရီနံခွန် အတက်အကျ ဂယက်ရိုက်ခံရမှု နည်းအောင် လုံးပန်းနိန်ဂတ်တေပိုင် နိုင်ငံကြီးတိက လည်း ရီနံထွက် ဒေသတိနာင့် ကောက်ခံရဟိရေ ရီနံခွန်မျှဝီရေး (သို့) ရီနံခွန် ကောက်ခံရေ နိန်ရာတိမျှဝီ ခြင်း စရေ ကိစ္စတိနာင့် လုံးချာလည်နိန်ဂတ်ရသည်။ နိုင်ငံကြီးတိသည် ပုံမှန်ပြဿနာတိအပြင် တခြားရီနံခွန် မျှဝီရေး ကိစ္စတိမှာ အခက်အခဲတိအများကြီးနာင့် ရင်ဆိုင်ဂတ်ရသည်။

၁။ ဇာဒေသက အခွန်ပိုရသင့်လဲဆိုရေ အငြင်းပွားမှု၊ ဇောဒကတက်မှုတိက အမြဲတမ်းနီးပါး ဟိတတ်သည်။ ခရိုင်၊ မြို့နယ်တိမှာဆိုကေ ပိုဆိုးသည်။ ခရိုင်၊ မြို့နယ်တိကို မြီထက်မှာ နယ်နိမိတ် စည်းတားပြီးကေ သတ် မှတ်လို့ ရကေလေ့ မြီအောက် ပြဿနာတိက တက်လာတတ်သည်။ ဥပမာ - ပထမခရိုင်မှာဟိရေ ရီနံတွင်း က ရီနံတည်ဟိမှုသည် ဒုတိယခရိုင်မှာ အရန်ထားရေ ရီနံတွင်းနာင့် ဆက်စပ်နိန်စွာမျိုး ဖြစ်တတ်သည်။ ယေခါ ပထမခရိုင်မှာ ဟိရေ တွင်းထဲက ရီနံကို စုပ်ထုတ်လိုက်ကေလေ့ ဒုတိယခရိုင်မှာဟိရေ အရန်ရီနံတိ ပါလခပိုင်လည်း ဖြစ်နိန်သည်။

၂။ ယင်းပိုင် ဒေသတိကို ဗဟိုက မထိန်းချုပ်ဘဲ ရီနံခွန်ကောက်ခံခွန် ပီးလိုက်ကေ ပြဿနာတိက ယှင်းမရ ဖြစ်တတ်သည်။ ဒေသတွင်း အခွန် မညီမျှမှုတိကို ဖြစ်ပေါ်စီနိုင်သည်။

၃။ ပထမပိုင်းမှာ ဖော်ပြခရေပိုင် တခြားရီနံမဟုတ်တေ ပစ္စည်းခွန်တိ အပြိုင်အဆိုင် လျှော့ကောက်ဂတ်ကေ လည်း ဒေသတွင်း တိုးတက်မှု မညီမျှခြင်းတိကို ဖြစ်စီနိုင်သည်။

၎။ ယင်းကိစ္စတိက ဗဟိုအစိုးရ၏ ဂယက်ရိုက်မှုတိကို ဖြေယှင်းဖို့ ကြိုးစားချက်တိကို အနှောက်အယှက် ဖြစ်စီနိုင်သည်။

ဒေသခံ အစိုးရတချို့က ရီနံခွန် အမြောက်အမြားကို ရနိန်ကေ တစ်နိုင်ငံလုံး အတိုင်းအတာအရ ငွေကြေး ပေါ်လစီပိုင်းဆိုင်ရာ လုပ်ဆောင်စွာတိမှာ အခက်အခဲ ဖြစ်နိုင်သည်။ ဖွံ့ဖြိုးဆဲနိုင်ငံတိက အစိုးရတိသည် ရီနံ ဈီးနှုန်းတက်နိန်ရေ အချိန်မှာ အသုံးအစွဲကြီး တတ်သည်။ သုံးစွဲရေအချိန်မှာလည်း သုံးစွဲမှုတိကို စနစ်တကျ အကျိုးဟိဟိ သုံးမသုံး စောင့်ကြည့်မှုတိ ပြုလုပ်ရဖို့ဖြစ်သည်။ ယေကေလေ့ ယင်းစောင့်ကြည့်မှုတိက ဗဟိုအဆင့်တောင်မက ဒေသခံ အစိုးရအဆင့်မှာပါ အားနည်းသည်။ အထူးသဖြင့် ဒေသခံ အစိုးရအဆင့်မှာ ဆိုကေ အစိုးရ အသုံးအစွဲစီမံခြင်း၊ သုံးစွဲမှုတိကို စနစ်တကျ မှတ်တမ်းတင်ခြင်းတိက အလွန်တရာ အားနည်း တတ်သည်။ ယင်းအချက်တိက ရီနံခွန် အတက်အကျဂယက် အဂေါင့်ဂေါင့် ရိုက်လာရေခါ လိုအပ်လာဖို့ ဘားဂျတ်ကို ထိခိုက်စီသည်။

တကယ်လို့ ဒေသခံအစိုးရတိက ရီနံစရေ သဘာဝ အရင်းအမြစ်တိ ထုတ်ယူဖို့အတွက် အခြေခံအဆောက် အအုံ (ဥပမာ - ရီနံတင် ကားကြီးတိအတွက် ဟိုက်ဝေးလမ်းမကြီးတိ)၊ ၀န်ဆောင်မှုလုပ်ငန်းတိ စိုက်ထုတ်ပီး ရရေဆိုကေ ရီနံခွန်တိ၏ တစိတ်တခြမ်းကို အသားတင်အလွတ် ပီးသင့်သည်။ ယင်းပိုင်ပျာယ် တခြား ထုတ် လုပ်ရေးနာင့် ပတ်သက်တေ အခွန်တိ၊ နစ်နာကြေးခွန်(Severance taxes)တိကိုလည်း ပီးဆောင်သင့်သည်။ ယင်းပိုင် လုပ်ဆောင်ချက်တိရေ ကောက်ခံရဟိရေ အခွန်ငွေကို အသလွတ် မျှဝီစွာထက် စီးပွားရေး ပိုင်ဆိုင်ရာအရ ပိုပြီးကေ တည်ငြိမ်မှု ဟိနိုင်ပြီးကေ ဒေသခံ အစိုးရတိအတွက်လည်း တရားမျှတမှု ဟိနိုင် သည်။

ရီနံထုတ်လုပ်ရီး (oil production) လုပ်ဆောင်ချက် တစ်ခုတည်းက ကောက်စွာရေ ဒေသခံအစိုးရတိအ တွက် အခွန်အများကြီးကို ဖန်တီးနိုင်မှု နည်းပါးနိုင်သည်။ အထူးသဖြင့် ဗဟိုအစိုးရကို ရီနံထွက်တေ ဒေသခံ အစိုးရက မယုံကြည်ကေ အခွန်ငွေရဟိနိုင်ဖို့ လမ်းကြောင်းတိကို ဒေသခံအစိုးရက ကြိုးစားရဖို့ဖြစ်သည်။ နိုင်ငံ၏ နိုင်ငံရေးဆိုင်ရာ စီးပွားရေး (Political Economy) စိုင်းစားချက်တိကို အခြေခံပြီးကေ ယင်းဒေသ၏ အရင်းအမြစ် သုံးစွဲမှု အခွန်တိကို ဒေသခံအစိုးရကို ကောက်ခံခွင့် ပီးနိုင်သည်။ အောက်မှာ အင်ဒိုနီးရှား၊ ကိုလံဘီယာနာင့် နိုင်ဂျီးရီးယားနိုင်ငံရို့ကို ဥပမာထား လေ့လာပြီးကေ အထက်ဖော်ပြပါ ပြဿနာတိကို တင်ပြလားပါမည်။

အင်ဒိုနီးရှား

အင်ဒိုနီးရှားနိုင်ငံမှာ ၂၀၀၀ ခုနှစ်အထိ ရီနံနာင့် သဘာဝဓာတ်ငွေ့က ရဟိလာရေ အခွန်တိကို ဗဟိုအစိုးရ ဘားကိုရာ ပီးဆောင်ရပြီးကေ ဒေသခံပြည်နယ်၊ ခရိုင်အစိုးရတိနာင့် ဇာအခွန်ကိုလေ့ မျှဝီခြင်း မဟိခ ကြောင်း သိဟိရသည်။ ၁၉၉၇ နာင့် ၂၀၀၀ ခုနှစ်ကြား ရဟိရေ ရီနံနာင့်သဘာဝဓာတ်ငွေ့ အခွန်သည် အစိုး ရ ရဟိရေ အခွန်ဝင်ငွေ စုစုပေါင်း၏ ၃၃ ရာခိုင်နှုန်းထိဟိခသည်။ တနည်းအားဖြင့် ယင်းငွေ ပမာဏသည် နိုင်ငံ့GDP၏ ၅ ဒသမ ၆ ရာခိုင်နှုန်းနာင့် ညီမျှသည်။

၂၀၀၁ခုနှစ်က စပြီးကေ ဗဟိုအစိုးရသည် ရဟိရေ အခွန်တိကို ပညာရေး၊ ကျန်းမာရေးနာင့် တခြား အခြေခံ အဆောက်အအုံတိအတွက် ဒေသခံ အစိုးရချေတိဘားကို ၀ီမျှလာသည်။ ၂၀၀၁ ခုနှစ်က စပြီးကေ ကုန်းမြီ ထွက်(ပင်လယ်ကမ်းလွန်က မဟုတ်တေ) ရီနံတိက ရဟိလာရေ အခွန်စုစုပေါင်း၏ ၁၅ ရာခိုင်နှုန်းနာင့် ကုန်း မြီထွက် သဘာဝဓာတ်ငွေ့က ရဟိလာရေ အခွန်စုစုပေါင်း၏ ၃၀ ရာခိုင်နှုန်းရို့ကို အရင်းအမြစ်တည်ဟိရာ ဒေသ၏ ပြည်နယ်အစိုးရတိ၊ ခရိုင်အစိုးရတိကို မျှဝီပီးလာပါသည်။ အမေရိကနာင့် ကနေဒါနိုင်ငံရို့မှာဆိုကေ ပြည်နယ်အစိုးရတိက သူ့ပြည်နယ်မှာထွက်ဟိရေ သယံဇာတတိကို သူရို့ပိုင်ပြီးကေ သူ့ရို့ကိုယ်တိုင် အခွန်ကောက်ပါခွင့် ဟိသည်။ ယေကေလေ့ အင်ဒိုနီရှားနိုင်ငံမှာတော့ခါ ယင်းသယံဇာတတိကို ဗဟိုအစိုးရ၏ ပိုင်ဆိုင်မှုအဖြစ် သတ်မှတ်ထားသည်။

နိုင်ငံ၏ နိုင်ငံရေးဆိုင်ရာ စီးပွားရေး(Political Economy)ရှုထောင့်က သုံးသပ်ရဖို့ဆိုကေ ဗဟိုအစိုးရရေ သယံဇာတပိုင်ဆိုင်ရေ ဒေသခံတိ၏ တောင်းဆိုချက်တိကို မဖြစ်မနေ လိုက်နာရဖို့အခြေအနေမှာ ဟိနိန် သည်။ ရီနံထွက်တေ ဒေသတိက ဗဟိုအစိုးရနာင့် မပေါင်းဘဲ သီးသန့်ခွဲထွက်လာကေ အခွန်ငွေအားလုံးကို ရဟိပြီးကေ ပိုပြီးအကျိုးဖြစ်စီနိုင်သည်။ ယင်းအတွက်ကြောင့် မျှဝီရေးပုံစံတစ်ခုခုကို ဗဟိုအစိုးရအနိန်နာင့် လိုက်နာနိန်ရသည်။ ၂၀၀၁ ခုနှစ်ကဆိုကေ ခွဲထွက်ဖို့ ကြိုးစားနိန်ရေ အာချေးပြည်နယ်က ဗဟိုအစိုးရနာင့် ရီနံခွန်မျှဝီရေး သဘောတူညီချက်တစ်ခုကို ရယူခသည်။ ယင်းသဘောတူညီချက်အရ ရီနံခွန်၏ ၅၅ ရာခိုင် နှုန်းနာင့် သဘာဝဓာတ်ငွေ့ခွန်၏ ၄၀ ရာခိုင်နှုန်းကို ဒေသခံအာချေးအစိုးရက ရဟိဖို့ဖြစ်သည်။ ယင်းပိုင် မျှဝီရေးနည်းတိသည် ဗဟိုနာင့် ဒေသခံ အစိုးရတိအကြားမှာ ဟိရေ မကျေမလည်မှုတိကို ထာဝရပြေလည် နိုင်ဖို့ မဟုတ်ဆိုစွာကို သုံးသပ်ရသည်။ အနာဂတ်မှာ ယင်းမကျေမလည်မှုတိက ဖြစ်နိုင်စမြဲပင်ဖြစ်သည်။ ယင်းတင်းမာမှုတိကို လျှော့ချစီနိုင်ဖို့ ဗဟို အစိုးရဘက်က အမျိုးသား စည်းလုံးမှုတိဟိအောင် မဖြစ်မနေ လုပ်ဆောင်သင့်သည်။ ကာကွယ်ရေး၊ အမျိုးသားရေ လက္ခဏာ (National Identity)၊ ဗဟိုက လုပ်ပီးရေ ၀န်ဆောင်မှုတိ စရေ ကဏ္ဍတိမှာ ဗဟိုအစိုးရအနိန်နာင့် တတ်နိုင်သလောက် အထိရောက်ဆုံး လုပ်ပီးနိုင်ဖို့ လိုသည်။

ရီနံနာင့် သဘာဝဓာတ်ငွေ့က ရဟိလာရေ အခွန်တိသည် ပြည်နယ်တချို့တ၀က်ထဲမှာရာ တည်ဟိနိန်ကေ ဒေသတွင်း တိုးတက်မှုမညီမျှခြင်းတိကို ဖြစ်ပေါ်စီနိုင်သည်။ အင်ဒိုနီးရှားနိုင်ငံမှာဆိုကေ ပြည်နယ် ၅ ပြည် နယ်သည် ၀ီမျှလိုက်တေ ၀ီစု စုစုပေါင်း၏ ၄ ပုံ ၅ ပုံ(4/5)ကို ရဟိပြီးကေ ကျန်ရေ ပြည်နယ် ၂၅ ပြည်နယ်က အနည်းချေ (သို့) လုံးဝ မရစွာကို တွိဟိရသည်။ ယင်းအတွက်ကြောင့် ဗဟိုအစိုးရ အနိန်နာင့် ပြည်နယ် အချင်းချင်း ညီညီမျှမျှ ဖြစ်အောင် ကြိုးစားလားရမည်။

ကိုလံဘီယာ

ကိုလံဘီယာရေ unitary republic ဖြစ်ကေလေ့ အာဏာတိက ဗဟိုအစိုးရဘားမှာဂျီး ဟိမနိန်ဘဲ ဒေသခံ အစိုးရတိဘားမှာလည်း ဟိစွာကို တွိဟိရသည်။ အခွန်နာင့် အသုံးအစွဲကိစ္စတော်တော်များများကို ခရိုင်နာင့် မြူနီစပယ်အစိုးရတိဘားကို ၁၉၉၁ အခြေခံဥပဒေအရ ပီးအပ်ထားစွာကို တွိရသည်။ ယင်းပိုင်သျှောင် မြူနီ စပယ်အစိုးရတိသည် အရေးကြီးရေ ကိစ္စတော်တော်များများကို လုပ်ကိုင်နိုင်သည်။ ဒေသခံတိ၏ ပညာရေး၊ ကျန်းမာရေး အသုံးစရိတ်ကိစ္စတိကို ယင်းမြူနီစပယ် အစိုးရတိကိုပဲ အဓိက လုပ်ပိုင်ခွင့်ပီးထားသည်။

အခြေခံဥပဒေက ဗဟိုအစိုးရသည် ရဟိရေ အခွန်တချို့ကို ဒေသခံ အစိုးရတိဘားကို မဖြစ်မနိန် လွှဲပြောင်း ပီးရမည်လို့ ဆိုထားသည်။ ၂၀၀၂ ခုနှစ်မှာ ဗဟိုအစိုးရက အခွန်ဝင်ငွေ စုစုပေါင်း၏ ၄၆.၅ ရာခိုင်နှုန်းကို ဒေသခံအစိုးရတိဘားကို လွှဲပြောင်းပီးခသည်။ တဘက်မှာ ယင်းပိုင်လုပ်လိုက်လို့ ဗဟိုအစိုးရ အနိန်နာင့် ငွေကြေးပေါ်လစီတိကို တစ်နိုင်ငံလုံး အတိုင်းအတာအရ ဆောင်ရွက်စွာတိမှာ အနှောင့်အယှက် အများကြီး ဖြစ်လားခရသည်။ ဒေသခံအစိုးရတိရေ ယင်းရို့၏ အခွန်ကောက်ခံခွင့်အာဏာကို အပြည့်အ၀ မသုံးခဂတ် စွာကို တွိရသည်။ ယင်းအတွက်ကြောင့် ဒေသခံအစိုးရတိသည် ယင်းရို့၏အခွန်ဝင်ငွေ ထက်ဝက်နီးပါး လောက်ကို ဗဟိုအစိုးရနာင့် ပြည်သူပိုင်လုပ်ငန်းဘားက အဆင်သင့် ယူနိန်ခဂတ်သည်။ ၂၀၀၁ ခုနှစ်ကို ရောက်လာရေခါ ယင်းပိုင် ဗဟို  အစိုးရဘားမှာ အခွန်ငွေ အဆင့်သင့် ယူနိန်ဂတ်စွာကို ကန့်သတ်ဖို့အတွက် အခြေခံဥပဒေ ပြင်ဆင်ချက်တစ်ရပ်ကို အတည်ပြုခဂတ်သည်။

၁၉၉၇-၂၀၀၀ခုနှစ် စာရင်းအရ ရီနံခွန်သည် နိုင်ငံ GDP၏ ပျမ်းမျှ ၂ ဒသမ ၆ ရာခိုင်နှုန်းဟိစွာကို တွိရသည်။ ယင်းအခွန်ကို အစိုးရ အဆင့်ဆင့်နာင့် ပြည်သူပိုင် လုပ်ငန်းတိကြားမှာ မျှဝီဂတ်သည်။ ယင်းအခွန်ထဲမှာ အစိုးရ ရီနံကုမ္ပဏီ Ecopetrol၏ လုပ်ငန်း လည်ပတ်မှု အပိုငွေ (Operating Surplus)နာင့် Ecopetro၏ FAEPလို့ ခေါ်ရေ ပဒေသာပင်ထဲကို တိုက်ရိုက်ပီးအပ်တေ ငွေပမာဏလည်း ပါဝင်သည်။ (FAEPသည် ရီနံ ငွေ အတက်အကျကြောင့် ဖြစ်ပေါ်လာနိုင်ရေ ဂယက်ရိုက်ခတ်မှုကို တတ်နိုင်သလောက် နည်းအောင် စီမံ ထားရေ ပဒေသာပင်ဖြစ်သည်။) လုပ်ငန်းလည်ပတ်မှု အပိုငွေ၏ တချို့တ၀က်ကို ဗဟိုအစိုးရက ရဟိပြီးကေ နောက်တချို့ကို ရီနံထွက်ရာဒေသတိ၊ ဆိပ်ကမ်းတိ၊ ပိုက်လိုင်း လမ်းကြောင်းဖြတ်သန်းလားရေ ဒေသတိက ပိုင်ရှင်ကြေး(royalty) အဖြစ်ရဟိဂတ်သည်။ FAEP Fundက ဖဲ့သာတိကိုကျခါ ဥပဒေမှာ ပြဌာန်းထားရေ ပုံသေနည်းအရ တွက်ချက်ပြီးကေ ဒေသခံ အစိုးရအားလုံးနာင့် Ecopetrol ရို့က ၀ီယူဂတ်သည်။ ယင်း ဥပဒေပါ ပုံသေနည်းသည် လူဦးရေ၊ အခွန်ကောက်ခံနိုင်မှု စရေ အချက်အလက်တိကို မူတည်ထားသည်။ အချုပ်ပြောရဖို့ဆိုကေ ရီနံခွန်အများစုသည် ဒေသခံအစိုးရလက်ထဲကို FAEP Fundထဲကနိန် တိုက်ရိုက် သော် လည်းကောင်း၊ royalty အဖြစ် သော်လည်းကောင်း ရောက်ဟိနိန်သည်။

ရီနံခွန် သုံးစွဲမှုတိမှာ နိုင်ငံရေး ဘက်လိုက်မှုတိ ကင်းယှင်းနိုင်အောင်ဆိုပြီးကေ ရီနံခွန်ဝီမျှရေး ဥပဒေကို ရွီး သားပြဌာန်း ခဂတ်သည်။ ယေကေလေ့ ဒေသခံအစိုးရတိက သူရို့ပီးနိုင်စွာထက်များရေ ဖဲ့သာတိကို လားချီး စွာတိလည်း ရှိတတ်သည်။ ယေခါ ယင်းရီနံ ၀ီမျှရေးစနစ်သည် တစ်နိုင်ငံလုံးဆိုင်ရာ ငွေကြေးပေါ်လစီ အပေါ်မှာ ဆိုးကျိုးတိကို ဖြစ်စီသည်။ ကိုလံဘီယာနိုင်ငံမှာ ဒေသခံ အစိုးရအများစုသည် ဒေ၀ါလီခံရဖို့ တဒါး ချေ ဖြစ်ခဂတ်သည်။ ၂၀၀၁ ခုနှစ်ထဲမှာပင် ပြည်နယ် ၇ ခုနာင့် မြူနီစပယ် ၂ ခုရို့သည် သူ့ရို့၏ အကြွီးတိ ကို ပြန်ဆပ်ဖို့ အသီအလဲ ကြိုးစားခဂတ်ရသည်။ ယင်းအပြင် ရီနံခွန်မျှဝီခြင်း၊ ပိုင်ရှင်ကြေး ပီးဆောင်ခြင်း တိသည် ရီနံထွက်ဒေသတိကို ချမ်းသာစီပြီးကေ တခြားရီနံမထွက်တေ ဒေသတိနာင့် မညီမျှခြင်းတိကို ဖြစ်စီ သည်။ ရီနံထွက်ဒေသတိသည် သူရို့ဒေသကထွက်တေ ရီနံ၏ အကျိုးကို ခံစားဂတ်ရသည်။ (ရခိုင်ပြည်က ထွက်တေ ရီနံ၏အကျိုးကိုလည်း ရခိုင်သားတိ ခံစားခွင့်ရဟိရမည်။)

(ဃ)ဖယ်ဒရယ်ပြည်ထောင်စုတိ

ဖယ်ဒရယ်ပြည်ထောင်စုတိ အများစုသည် ကောက်ခံရဟိရေ အခွန်ငွေ မျှဝီခြင်း (သို့) အခွန်ကောက်ခံ နိန်ရာ မျှဝီခြင်း စရေ ပုံစံတစ်မျိုးမျိုးကို သုံးဂတ်သည်။ အခွန်ငွေ မျှဝီခြင်းပုံစံမှာ အခွန်ငွေကို ဗဟိုအစိုးရက ကောက်ခံပြီးကေ (ယူအေအီး ပြည်ထောင်စုမှာဆိုကေ ဒေသခံအစိုးရတိက ကောက်ခံသည်။) တခြားအစိုးရ အဆင့်ဆင့်ဘားကို သတ်မှတ်ထားရေ ဥပဒေအရသော် လည်းကောင်း၊ ပုံသေနည်းသုံးပြီးကေ တွက်ချက်ပြီး ကေသော်လည်းကောင်း ပြန်လည်ဝီမျှပီးခြင်းကို ဆိုလိုသည်။ အခွန်ကောက်ခံနိန်ရာ မျှဝီခြင်းပုံစံမှာ ဆိုကေ အခွန်ကောက်ခံရေ နိန်ရာတိထဲက တချို့ကို ဒေသခံအစိုးရတိက တာဝန်ယူ ကောက်ပီးစွာကို တွိရသည်။ ကောက်တေအခွန် အမျိုးအစားတိထဲက တချို့တိကို အခွန်နာမေ တစ်ခုတည်း အောက်မှာသော် လည်း ကောင်း၊ နာမေအမျိုးမျိုး အောက်မှာသော် လည်းကောင်း ထားပြီးကေ ကောက်ခံဂတ်သည်။

(ဃ-က) အခွန်ငွေ မျှဝီခြင်း

အခွန်ငွေမျှဝီခြင်း ပုံစံအမျိုးမျိုးရှိသည်။ တချို့နိုင်ငံတိက အစိုးရ၏ ပုံမှန်ငွေကြေး လွှဲပြောင်းနိန်ကျပုံစံ (ဗဟို အစိုးရကနိန် ဒေသခံ အစိုးရတိဘားကို ပုံမှန်ဖဲ့ချာ လွှဲပီးတတ်တေပုံစံ)အတိုင်း ရီနံခွန်ကိုမျှဝီပြီးကေ တချို့က လည်း သီးခြား ပုံသေနည်းတိ သုံးပြီးကေ တွက်ချက် မျှဝီဂတ်သည်။ တချို့ကလည်း Derivation Principle လို့ခေါ်ရေ ဒေသတစ်ခု၏ အခွန်ရှယ်ယာသည် ယင်းဒေသက ကောက်ခံရဟိရေ အခွန်ပမာဏ အပေါ် မူတည်ရမည် ဆိုရေ ပုံစံကို သုံးဂတ်သည်။ တချို့ပုံစံတိက လူဦးရေ၊ လိုအပ်ချက်၊ အခွန်ကောက်ခံနိုင်မှု စွမ်းအား တိကို ထည့်သွင်းစိုင်းစားပြီးကေ မျှဝီဂတ်သည်။ တချို့ပုံစံတိက ရဟိရေ ရီနံခွန်အများအပြားကို ဒေသခံ အစိုးရတိဘားကို ပီးပြီးကေ တချို့ကလည်း အနည်းချေရာ ပီးစွာကို တွိရသည်။ ယင်းပိုင် ဒေသခံ အစိုးရတိကို အများကြီးပီးရေ ဒေသတိကတော့ နိုင်ဂျီးရီးယား၊ ရရှား၊ ကိုလံဘီယာနာင့် ဗင်နီဇွဲလားရို့ပိုင် နိုင် ငံတိဖြစ်သည်။ အနည်းချေရာ ပီးတတ်ရေ နိုင်ငံတိကတော့ အက်ကွေဒေါ၊ အင်ဒိုနီးရှား နာင့် မက်စီကိုရို့ပိုင် နိုင်ငံတိဖြစ်သည်။

ယင်းပိုင် အခွန်ငွေဝီမျှခြင်း၏ အားသာချက်တစ်ခုက ဒေသခံ အစိုးရတိဘားကို ဖဲ့ချာလွှဲပြောင်းရစွာ လွယ်ကူ ခြင်းဖြစ်သည်။ အထူးသဖြင့် ရီနံခွန်က အဓိက အစိုးရ အခွန်တော်ငွေ ဖြစ်နိန်ကေ ပိုတောင်လွယ်သည်။ ယင်းပိုင် အခွန်ငွေမျှဝီခြင်းသည် ရီနံခွန်အပေါ်မှာ ဗဟိုက ထိန်းချုပ်မှုတိကို နည်းပါးစီသည်။ ဒေသခံ အစိုးရတိဘားကို ဖဲ့ချာတိ၊ လိုအပ်ချက်တိ ပြန်လည်ဖြန့်ဖြူးပီးဖို့ နည်းလမ်းတစ်ခု ဖြစ်လားခသည်။ ဒေသခံ အစိုးရတိအကြားမှာ ညီညီမျှမျှ ဖြစ်အောင်သော် လည်းကောင်း၊ ဒေသတချို့မှာ အထူးလိုအပ်ချက်တိ ဟိလာ ခကေသော်လည်းကောင်း မျှဝီပုံ မျှဝီနည်းကို အတိုးအလျော့ ပြုလုပ်နိုင်သည်။

ရီနံခွန်မျှဝီခြင်း၏ အားနည်းချက်တိကတော့ နိုင်ငံ့စီးပွားရေး စီမံခန့်ခွဲမှုကဏ္ဍတိနာင့် ငွေကြေးပေါ်လစီတိကို အနှောက်အယှောက် ဖြစ်စီခြင်းပင်ဖြစ်သည်။ ယင်းအပြင် အခွန်ငွေ မျှဝီခြင်းသည် နိုင်ငံရေးဆိုင်ရာ အငြင်း ပွားစရာတိ များပြီးကေ တည်ငြိမ်မှုကင်းမဲ့တတ်သည်။

အထက်မှာ ဖော်ပြခရေပိုင် အခွန်မျှဝီခြင်း (Revenue Sharing)ကို မသုံးချင်ကေ Assigning Revenue Bases လို့ ခေါ်ရေ အခွန်ဝင်ပေါက်တချို့ကို ဒေသခံ အစိုးရတိကို ကောက်ခံခွင့်ပီးရေ ပုံစံကိုလည်း သုံးနိုင် သည်။ ဥပမာ- မိမိဒေသက ထုတ်လုပ်တေ လုပ်ငန်းတိအပေါ်မှာ ကောက်တေအခွန်(Production Excises) ပိုင် အခွန်မျိုးကို ဒေသခံ အစိုးရတိကို ကောက်ခွင့် ပီးခြင်းမျိုး ဖြစ်သည်။ ရီနံဈီးအပေါ်မှာ အခွန်ကောက်စွာ ထက် ရီနံထုတ်လုပ်ရေး လုပ်ငန်းပေါ်မှာ အခွန်ကောက်စွာက ဒေသခံ အစိုးရတိအတွက် ပိုတည်ငြိမ်ရေ အခွန်ဝင်ငွေကို ရဟိစီဖို့ ဖြစ်သည်။ ယင်းပိုင် ကောက်ခံကေ ရီနံထုတ်လုပ်ရေး ကုမ္ပဏီတိက သဘာဝပတ် ၀န်းကျင်ဆိုင်ရာ ထိခိုက် ပျက်စီးမှုတိကို ကျူးလွန်မိခကေ (မတော်တဆပဲဖြစ်ဖြစ်) ယင်းကုမ္ပဏီတိပါးက လျော်ကြေးလည်း တောင်းနိုင်ဖို့ဖြစ်သည်။ အမေရိကန် ပြည်ထောင်စုနာင့် ကနေဒါနိုင်ငံရို့မှာဆိုကေ ယင်း ပိုင် ပုံစံမျိုးလုပ်ထားစွာကို တွိရသည်။

မက်စီကို (ရီနံခွန်ကို ကန့်သတ်မျှဝီခြင်း)

မက်စီကိုနိုင်ငံမှာဆိုကေ ရီနံခွန်သည် ပြည်သူပိုင် လုပ်ငန်းတိ၏ အခွန်ရှယ်ယာ တော်တော်များများကို ကိုယ် စားပြုထားသည်။ ၁၉၉၇-၂၀၀၀ ခုနှစ်စာရင်းတိအရ သုံးပုံတစ်ပုံနီးပါးခန့် ရှိသည်။ ရီနံတူးခွင့်(Extraction Rights)ကို ငှားလို့ရရေ ဖဲ့ချာ၊ အပိုရှိနိန်ရေ ရီနံကို ရောင်းလို့ရလာရေ ဖဲ့ချာ နာင့် အစိုးရပိုင် ရီနံကုမ္ပဏီ၏ အသားတင်ဝင်ငွေတိ အားလုံးပေါင်းသည် နိုင်ငံGDP၏ ၅ ဒသမ ၃ ရာခိုင်နှုန်းနာင့် ညီမျှနိန်စွာကို တွိရ သည်။

ရီနံခွန်အများစုသည် ဗဟိုအစိုးရလက်ထဲကို လားကေလေ့ တချို့အနည်းစုကို ဒေသခံအစိုးရတိဘားကို ဥပဒေ ပြဌာန်းချက်တိနာင့် အညီ ပီးအပ်စွာကိုတွိရသည်။ ရီနံတူးခွင့် လိုင်စင်အဖြစ်ရဟိရေ ဖဲ့ချာ၏ ၂၀ ရာ ခိုင်နှုန်းကို ဗဟိုအစိုးရ အောက်မှာဟိရေ အစိုးရချေတိအတွက် အထွေထွေ ငွေပဒေသာပင်ထဲကို ထည့်ပီး ထားသည်။ ယင်းပဒေသာပင်ထဲကမှ ဒေသခံ အစိုးရချေတိက သူ့ဒေသအသီးသီးအလိုက် အနည်းအများ ရဟိဂတ်သည်။ ရီနံတူးခွင့်လိုင်စင်အဖြစ်ရရေ ဖဲ့သာ၏ နောက်ထပ် ၃ ဒသမ ၁၇ ရာခိုင်နှုန်းကိုတော့ ရီနံ ထုတ်လုပ်တေ ဒေသ (သို့) ရီနံကို ပြည်ပတင်ပို့ရာဒေသရို့က မြူနီစပယ် အစိုးရတိကို ရီနံတူးခြင်း၊ ရီနံတင် ပို့ရောင်းချခြင်း တိကြောင့် ဖြစ်ပေါ်နိုင်ရေ သဘာဝပတ်ဝန်းကျင် ပျက်စီးမှုတိအတွက် လျော်ကြေးပီးသည်။

မက်စီကိုနိုင်ငံမှာ ရီနံခွန်မျှဝီခြင်းနာင့် ပတ်သက်ပြီးကေ လွန်ခရေ နှစ်တိမှာ အငြင်းပွားမှုတိ မဟိသလောက် နည်းပါးစွာကို တွိရသည်။ အကြောင်းမှာ ရဟိလာရေ အခွန်တိကို လမ်းကြောင်း အမျိုးမျိုးကနိန် မြင်သာ ထင်သာဟိရေ ပုံသေနည်း (Transparent Formula)တိသုံးပြီးကေ မျှဝီ ဖြန့်ဖြူးပီးနိန်လို့ ဖြစ်သည်။ မြူနီ စပယ်အစိုးရတိကို ရီနံထုတ်လုပ်ခြင်း၊ ပြည်ပတင်ပို့ခြင်းနာင့် ပတ်သက်ပြီးကေ အခွန်တဖဲ့ချေကို တိုက်ရိုက် ပီးစွာကလွဲလို့ ရီနံထုတ်လုပ်တေ ဒေသခံအစိုးရနာင့် အထွေထွေရီနံခွန် မျှဝီခြင်းတိပုံစံကြားမှာ တိုက်ရိုက် ပတ်သတ်မှုတိ မရှိစွာကို တွိရသည်။ ယင်းအပြင် ရီနံခွန်သည် ဒေသခံအစိုးရတိ၏ အခွန်ငွေ အနည်းအကျဉ်း ကိုရာ ကိုယ်စားပြုရေအတွက်နာင့် အထက်ဖော်ပြပါ ရီနံခွန် မျှဝီခြင်းစနစ်ရေ ဗဟိုအစိုးရ၏ နိုင်ငံငွေကြေး ပေါ်လစီတိကို မတည်ငြိမ်မှု ဖြစ်ပေါ်ခြင်း မရှိစွာကို လေ့လာသိရှိရပါသည်။

နိုင်ဂျီးရီးယား

ရီနံရေ နိုင်ဂျီးရီးယားနိုင်ငံ၏ အဓိက၀င်ငွေဖြစ်သည်။ ၂၀၀၀ ခုနှစ်စာရင်းတိအရ အစိုးရအခွန်ငွေစုစုပေါင်း၏ ၈၂ ရာခိုင်နှုန်းကို ရီနံက ရရှိပါသည်။ တနည်းအားဖြင့် နိုင်ငံGDP၏ ၄၀ ရာခိုင်နှုန်းနာင့် ညီမျှသည်။ ၁၉၉၉ ခုနှစ် အခြေခံဥပဒေက အခွန်ကောက်ခံမှုနာင့် ထိန်းချုပ်မှုတိကို ဖယ်ဒရယ် အစိုးရလက်ထဲကို လွှဲပြောင်း ပီးထားပြီးကေ ကမ်းထက်ရီနံထုတ်လုပ်ရေးက ကောက်ခံရရှိရေ ရီနံခွန်၏ အသားတင် ၁၃ ရာခိုင်နှုန်းကို ရီနံထုတ်လုပ်တေ ဒေသတိကို လွှဲပီးထားစွာကို တွိရသည်။ ဗဟိုဖယ်ဒရယ် အစိုးရက First Chargesလို့ ဆိုပြီးကေ ဗဟိုအစိုးရအတွက် အခွန်တချို့တ၀က်ကို ယူပြီးလို့ကျန်စွာ အခွန်တိကို ပြည်နယ်နာင့် ဒေသခံ အစိုးရချေတိကြားမှာ ပါလီမန်က ဆုံးဖြတ်တေ ပုံသေနည်းအတိုင်း တွက်ချက်ခွဲယူဂတ်သည်။ ယင်းပုံသေ နည်းကို ၅ နှစ်တစ်ခါစီ ပြန်ပြောင်းသုံးသပ်ပြီးကေ ပုံသေနည်းကို ပြောင်းသင့်မပြောင်းသင့် ဆုံးဖြတ်ဂတ် သည်။ ပြောင်းသင့်က ပြောင်းလဲသည်။ အစိုးရအသုံးစရိတ်ဘားဂျတ်ကိုပယ်လို့ ကျန်ရေအခွန်ငွေတိကို အထက်မှာ ဖော်ပြခရေ နည်းအတိုင်းဗျာယ် ရီနံထွက်ရေ ဒေသတိကို ၁၃ ရာခိုင်နှုန်း ပီးပနာ ကျန်စွာကို တခြားပြည်နယ်နာင့် ဒေသခံအစိုးရချေတိကို ပြန်ပြီးကေ ၀ီမျှပီးသည်။

ပုံသေနည်းကို အစိုးရဘားဂျတ် အစီရင်ခံစာတိမှာပါရေ ခန့်မှန်းခြေ ရီနံဈီးနှုန်းအပေါ်မှာ မူတည်ပြီးကေ ပြုလုပ်သည်။ တကယ်လို့ ရီနံဈီးရေ အယင်ခန့်မှန်းခရေဈီးထက် များနိန်လို့ အခွန်ငွေလည်း ခန့်မှန်းခြေ ထက် ပိုရကေ ပိုရရေအခွန်ငွေတိကို အစိုးရတိကြားမှာ ၀ီမျှပီးတတ်သည်။ ၀ီမျှမပီးကေတောင်မှ နောင်လာ ဖို့ နှစ်တိမှာ သုံးဖို့ စုထားပီးတတ်သည်။ ရီနံဈီးက ခန့်မှန်းထားစွာထက် နည်းနိန်ကေလည်း ရသင့်ရေဖဲ့ချာ ပမာဏကို ဖြန့်ဝီပီးသည်။

ပြည်နယ်နာင့်ဒေသခံမြို့၊ ရွာအစိုးရတိသည် ဖယ်ဒရယ်အစိုးရ၏ အခွန်ငွေမျှဝီခြင်းအစီအစိုင်တိပေါ်မှာ အများကြီးမှီခိုနိန်ဂတ်ရသည်။ ၁၉၉၉ ခုနှစ်စာရင်းအရ Value Added Tax (VAT)ပိုင် အခွန်တိအပါအ၀င် ပြည်နယ်အစိုးရ ရဟိရေ အခွန်ဝင်ငွေ စုစုပေါင်း၏ ၇၅ ရာခိုင်နှုန်းသည် ဗဟိုအစိုးရ၏ အခွန်ငွေမျှဝီခြင်းက ရဟိခြင်းဖြစ်သည်။ ဒေသခံ မြို့၊ ရွာတိရဟိရေ အခွန်ငွေ စုစုပေါင်း၏ ၉၄ ရာခိုင်နှုန်းဆိုကေလည်း ဗဟိုအစိုးရ၏ အခွန်ငွေမျှဝီခြင်းကပဲ လာစွာပင်ဖြစ်သည်။ ယင်းအခွန်တိအများစုသည် ရီနံနာင့်ပဲ ပတ်သက်နိန်တတ်သည်။ ဖယ်ဒရယ်အစိုးရက ဒေသခံအစိုးရတိကို မျှဝီပီးရေ အခွန်တိသည် ၁၉၉၉ ခုနှစ်က နိုင်ငံGDP၏ ၇ ဒသမ ၄ ရာခိုင်နှုန်းဟိခစွာကနိန် ၂၀၀၁ ခုနှစ်ရောက်တေခါ ၁၅ ဒသမ ၃ ရာခိုင်နှုန်းအထိ တက်လားခစွာကို တွိရသည်။

နိုင်ဂျီးရီးယားနိုင်ငံမှာ သုံးနိန်ရေ အခွန်မျှဝီရေးပုံစံ၏ အားနည်းချက်နှစ်ရပ်ကတော့ ရီနံအရင်းအမြစ်တိ အပေါ်မှာ အငြင်းပွားမှုတိများခြင်း၊ ဒေသခံအစိုးရတိ၏ ငွေကြေးဆိုင်ရာ စီမံမှုများတွင် စည်းမဲ့ကမ်းမဲ့နိုင် လွန်းခြင်းရို့ ဖြစ်သည်။ ရီနံမျှဝီပုံမျှဝီနည်းတိသည် Derivation Principleလို့ခေါ်ရေ ဒေသတစ်ခု၏ အခွန် ရှယ်ယာသည် ယင်းဒေသက ကောက်ခံရဟိရေ အခွန်ပမာဏ အပေါ်မူတည်ရမည် ဆိုရေ မူကိုသုံးရေပိုင် အားလုံးကို ဖြန့်ဝီသင့်သည်(Distribution Principle)ဆိုရေ မူကိုလည်း သုံးထားစွာကို တွိရသည်။ ယင်း အတွက်ကြောင့် အငြင်းပွားစရာ၊ သဘောမတူစရာတိလည်း ဖြစ်ဖို့များသည်။ ပထ၀ီ အနိန်အထားအရ ကလည်း ကမ်းလွန်နာင့် ကမ်းထက် ရီနံသိုက်တိမှာ နိုင်ငံ၏ ပြည်နယ် ၃၆ ပြည်နယ်ထဲက ပြည်နယ် တချို့မှာရာ စုပြုံပြီးကေ တည်ဟိနိန်ပါသည်။ ရီနံထုတ်တေ ပြည်နယ်တော်တော်များများကလည်း ရဟိရေ အခွန်ငွေအပေါ်မှာ အလုံးစုံ စီမံထိန်းချုပ်ပိုင်ခွင့်ကို လိုချင်ဂတ်သည်။ တခြားရီနံထုတ်လုပ်တေ ပြည်နယ်တိ ကလည်း လက်ဟိကမ်းထက်ရီနံက ရဟိရေ ၁၃ ရာခိုင်နှုန်းရှယ်ယာ အပြင် ကမ်းလွန်ရီနံ ထုတ်လုပ်ရေး ကလည်း ၁၃ ရာခိုင်နှုန်းရသင့်ရေလို့ တောင်းဆိုဂတ်သည်။ (ကမ်းလွန်ရီနံရေ ရီနံခွန်စုစုပေါင်း၏ ၄၀ ရာခိုင် နှုန်းနာင့် ညီမျှသည်။) ယင်းအတွက်ကြောင့် နိုင်ဂျီးရီးယားနိုင်ငံမှာ ရီနံထုတ်လုပ်တေ ပြည်နယ်တိက ရှယ် ယာ ပိုရဟိရေးကို တောင်းဆိုနိန်ဂတ်တေပိုင် ရီနံမထွက်တေ ဒေသတိကလည်း ဗဟိုအစိုးရပါးက ၀ီစုပိုရဖို့ အတွက် တောင်းဆိုနိန်ဂတ်စွာကို တွိရသည်။

နိုင်ဂျီးရီးယားနိုင်ငံမှာ အောက်ခြေ အစိုးရချေတိနာင့် ပတ်သက်လို့ ငွေကြေးဆိုင်ရာ စည်းမျဉ်းစည်းကမ်း တိကို တရားဝင် ပြဌာန်းထားခြင်းမဟိစွာကို တွိရသည်။ ၂၀၀၀-၂၀၀၁ ခုနှစ် ရီနံဈီး တက်ရေအချိန်က ဒေသ ခံအစိုးရတိ (အထူးသဖြင့် ရီနံထွက်တေ ပြည်နယ်တိ)သည် ခါတိုင်းထက်ပိုပြီးကေ အခွန်ငွေ ရရှိခသည်။ ယေကေလေ့ ရရှိရေ ဖဲ့ချာကို ဇာပိုင် စနစ်တကျ အကျိုးဟိဟိ သုံးစွဲဂတ်ရဖို့ဆိုရေ စည်းကမ်းသတ်မှတ်ချက် တိကိုကျခါ တခါတည်းထည့်သွင်း မပီးခစွာကို တွိရသည်။ ယေခါ ရဟိရေ ဖဲ့ချတိကို ဒေသခံအစိုးရတိက မဆင်မခြင် သုံးစွဲပလိုက်သည်။ ယင်း၏ အကျိုးဆက်အဖြစ် ကုန်ပစ္စည်းဈီးတိ တက်လားခြင်း၊ ငွေကြေး ဖောင်းပွလာခြင်း စရေ မလိုလားအပ်တေ ဆိုးကျိုးတိကို ဖြစ်ပေါ်စီခသည်။

ရီနံခွန်မျှဝီရေးသည် နိုင်ဂျီးရီးယားနိုင်ငံ၏ ငွေကြေးပေါ်လစီပိုင်းကို မရုန်းနိုင်မလွတ်နိုင် အခက်အခဲထဲကို ပို့ပလိုက်ပိုင် ဖြစ်စီသည်။ နိုင်ငံ၏ ငွေကြေး ထက်ဝက်ကျော်ကို ဖြန့်ဝီ ပီးပလိုက်တေ အတွက်ကြောင့် ဖယ်ဒ ရယ်အစိုးရမှာ နိုင်ငံ့စီးပွားရေး လမ်းစိုင်တိကို အကောင်အထည် ဖော်ရေအခါမှာ အခက်အခဲတိ အများကြီး တွိလာရသည်။

အဖြစ်သင့်ဆုံးက ပြည်နယ်နာင့် ဒေသခံအစိုးရတိကို ပီးရေ ဘဏ္ဍာရေး အရင်းအမြစ်တိရေ ရီနံဈီး အတက် အကျ၏ ရိုက်ခတ်မှုတိက ကင်းဝီးနိန်ရမည်။ ယင်းအစိုးရတိသည်လည်း လက်ခံရဟိရေ ဘဏ္ဍာရေး အရင်း အမြစ်တိကို ထိထိရောက်ရောက် သုံးစွဲနိုင်ရေ အရည်အချင်း ဟိနိန်ရမည်။ တနည်းအားဖြင့်ပြောရကေ အေ ပိုင် အတက်အကျဟိတတ်တေ အခွန်ငွေတိကို ဗဟိုအစိုးရကနိန် အလွဲအပြောင်းလုပ်ပြီးကေ မျှဝီစွာထက် ဒေသခံအစိုးတိ၏ ပြည်သူ့ ၀န်ဆောင်မှုလုပ်ငန်းတိကို အတတ်နိုင်ဆုံး လုပ်ဆောင်ပီးနိုင်ရေ၊ တည်ငြိမ်မှုဟိ ရေ ဘဏ္ဍာငွေ ပီးအပ်မှု စနစ်ကို ကျင့်သုံးသင့်ပါသည်။

ရရှား

ရရားနိုင်ငံမှာ ရီနံနာင့် သဘာဝဓာတ်ငွေ့က ရဟိရေ အခွန်ငွေတိသည် အသင့်အတင့်များသည်။ ဖယ်ဒရယ် အစိုးရအဆင့်မှာဆိုကေ ရီနံတစ်ခုတည်းက ရဟိရေအခွန်သည် စုစုပေါင်းအခွန်၏ ၂၅ ရာခိုင်နှုန်းနီးပါး၊ ရီနံ နာင့် သဘာဝဓာတ်ငွေ့ နှစ်ခုပေါင်းက ရဟိရေ အခွန်သည် ၄၅ နာင့် ၅၀ ရာခိုင်နှုန်းကြား ဟိသည်။ ယင်းအ ထဲမှာ ရီနံနာင့် သဘာဝဓာတ်ငွေ့လုပ်ငန်းက ရဟိရေ အမြတ်ခွန် (profit taxes)၊ Value Added Tax (VAT)၊ ပြည်တွင်း ထုတ်ကုန်ခွန် (excises)၊ ပို့ကုန်ခွန်နာင့် မြီထွက် အရင်းအမြစ်ခွန် (resource mineral taxes)တိ ပါဝင်ကြောင်း သိဟိရသည်။ အခွန်အများစုကို ဖယ်ဒရယ်အစိုးရက ကောက်ခံပြီးကေ ရဟိစွာ အခွန်တိကို ဒေသခံအစိုးရတိနာင့် အတိုင်းအတာ တစ်ရပ်အထိ မျှယူဂတ်သည်။ မျှယူစွာမှာလည်း တခါတ လီ ညှိပြီးကေ တွက်ချက်ခွဲဝီဂတ်တေပိုင် တခါတလီလည်း တရသီနှုန်း (fixed rate)အတိုင်း ခွဲဝီဂတ်သည်။ ယေကေလေ့ သဘာဝ အရင်းအမြစ်ခွန် (natural resources taxes)တိကို ဒေသခံ အစိုးရတိက အဓိက ကောက်ခံသည်။ ယင်းအခွန်သည် ရီနံထွက်ဒေသတိ၏ အရေးကြီးရေ အခွန်ဝင်ပေါက် တစ်ခုလည်း ဖြစ် သည်။ ယင်းအခွန်ထဲမှာ ရီနံထုတ်လုပ်ရေး ပိုင်ရှင်ကြေး (royalties)၊ မြီထွက် သယံဇာတသိုက်တိ သုံးခနာင့် ရှာဖွေခ(Exploration Tax) စရေ အခွန်အမျိုးအစားတိ ပါဝင်သည်။

ရီနံစရေ သဘာဝ အရင်းအမြစ်တိရေ နိန်ရာတချို့မှာရာ စုပြုံတည်ဟိနိန်တတ်တေ အတွက်ကြောင့် ရီနံ ထွက် ဒေသခံအစိုးရတိကို အခွန် ကောက်ခံခွင့်ပီးခြင်းသည် နိုင်ငံတွင်း အခွန်ဝင်ငွေ မညီမျှမှုတိကို ဖြစ်ပေါ် စီသည်။ ၁၉၉၇ ခုနှစ်စာရင်းတိအရ စုစုပေါင်းလူဦးရေ၏ ၅ ဒသမ ၅ ရာ နိန်ထိုင်ရေ အချမ်းသာဆုံး ဒေသ ၅ ခုသည် ဒေသခံ အစိုးရတိအားလုံးပေါင်း ၀င်ငွေ၏ ၅၃ ရာခိုင်နှုန်းကို ရဟိခသည်။

သဘာဝအရင်းအမြစ် ပေါကြွယ်ရေ ဒေသတိက သူရို့ဒေသက သယံဇာတတိကို လက်ရှိအခြေအနေထက် ပိုပြီးကေ ထိန်းချုပ် လုပ်ကိုင်ချင်နိန်ဂတ်သည်။ အခြားတဘက်မှာလည်း စီးပွားရေးဆိုင်ရာ သုံးသပ်ချက်တိက နိုင်ငံတွင်း ညီမျှမှုတိကို ဖန်တီးပီးနိုင်အောင် ဗဟိုဖယ်ဒရယ်အစိုးရကနိန်ပြီးကေ ရီနံခွန် ကဏ္ဍကို အေထက်ပို လို့ ထိန်းချုပ်လားဖို့စွာကို လိုလားဂတ်သည်။ နိုင်ဂျီးရီးယားနိုင်ငံ  ပုံစံပိုင် ကောက်ခံရဟိရေ ရီနံခွန် မျှဝီခြင်း ရေ ရရှားနိုင်ငံအတွက်လည်း အကောင်းဆုံး အဖြေ မဖြစ်နိုင်ကြောင်း သုံးသပ်ရသည်။ ဒေသတွင်း ထုတ်လုပ် ခွန် (production excises) စရေ အခွန်ဝင်ပေါက်တိကို ဒေသခံအစိုးရတိကို တာဝန်ခွဲအပ် ကောက်ခံခိုင်း ခြင်းနာင့် အားကိုးလောက်တေ ငွေကြေး လွဲပြောင်းမှုပုံစံတိကို သုံးစွဲခြင်းရို့ကရာ ရီနံဈီးအတက်အကျ ဂယက်ကို ပိုပြီးကေ ခံနိုင်ပြီးကေ ခိုင်မာရေ ဘဏ္ဍာရေးစနစ်တစ်ခုကို ဖန်တီးပီးနိုင်မည်ဟု သုံးသပ်ရသည်။

ဗင်နီဇွဲလား

ရီနံခွန်သည် ဗင်နီဇွဲလားနိုင်ငံ ဗဟိုအစိုးရ၏ ကြီးမားရေ အဓိက အခွန် ၀င်ပေါက်တစ်ခုဖြစ်သည်။ ၁၉၉၇ - ၂၀၀၀ ခုနှစ်စာရင်းတိအရ စုစုပေါင်း အခွန်ငွေ၏ ပျမ်းမျှ ၄၇ ရာခိုင်နှုန်းဟိသည်။ တနည်းအားဖြင့် နိုင်ငံ GDP၏ ၉ ရာခိုင်နှုန်းနာင့် ညီမျှသည်။ ယင်းအခွန်တိထဲမှာ ပိုင်ရှင်ကြေး၊ ၀င်ငွေခွန် (income taxes)၊ ဗဟို အစိုးရက ရဟိရေ ရှယ်ယာတိ၏ အမြတ်(dividends)တိလည်း ပါဝင်သည်။

ဒေသခံ အစိုးရတိသည် ဗင်နီဇွဲလားနိုင်ငံ၏ ငွေကြေးပေါ်လစီ ကဏ္ဍမှာ အရေးကြီးရေ နိန်ရာက ပါဝင်နိန် သည်။ ဒေသခံအစိုးရတိသည် ဗဟိုအစိုးရ သုံးငွေ၏ သုံးပုံတစ်ပုံခန့်ကို သုံးစွဲဂတ်သည်။ အခွန်ငွေအများစု သည် ဗဟိုအစိုးရ၏ အခွန် မျှဝီရေးအစီအစိုင်တိက လာရေအတွက်ကြောင့် ဗဟိုအစိုးရ အပေါ်မှာ အများကြီး မှီခိုနိန်ရသည်။ ဒေသခံအစိုးရ ရဟိရေ အခွန်ငွေ၏ ထက်ဝက်ခန့်(ခန့်မှန်းခြေ) ကို ရီနံက ရဟိသည်။ ဒေသ ခံအစိုးရတိသည် စုစုပေါင်းရဟိရေ Value Added Taxes (VAT)၏ ၁၅နာင့် ၂၀ ရာခိုင်နှုန်းကြားအပါအ၀င် တခြားအခွန် ၀င်ပေါက်တိကနိန် တဆင့် စုစုပေါင်းအခွန်ငွေ၏ ၂၀ နာင့် ၂၅ ရာခိုင်နှုန်းကြားကို ရဟိသည်။ ယင်းအပြင် စုစုပေါင်းရဟိရေ ပိုင်ရှင်ကြေး(royalties)၏ ၂၀ နာင့် ၃၀ ရာခိုင်နှုန်းကြားကိုလည်း ဒေသခံ အစိုးရတိက ဗဟိုအစိုးရကနိန်ရဟိသည်။

အခွန်ငွေမျှဝီခြင်း အစီအစိုင်တိသည် နိုင်ငံရေးနာင့် ငွေကြေးဆိုင်ရာ အငြင်းပွားမှုတိကို အမြဲတစေ ဖြစ်စီ သည်။ ဒေသခံ အစိုးရတိကို ပီးနိန်ရေ အခွန်ငွေသည် များလွန်းသည်လို့ ဗဟိုအစိုးရက ထင်သည်။ ပီးလိုက် တေ အခွန်ငွေကို ဒေသခံအစိုးရတိက အကျိုးရှိရှိ မသုံးလို့ ဗဟိုအစိုးရက ထင်နိန်သည်။ ဗဟိုအစိုးရက ယင်း အခွန်ငွေတိအပေါ်မှာ ပိုပြီးကေ ထိန်းချုပ်ကြိုးကိုင် လုပ်လိုသည်။ အခြားတဘက်မှာလည်း ပြည်နယ်နာင့် ဒေသခံအစိုးရတိက ဗဟိုအစိုးရဘားကနိန်ပြီးကေ အခွန်ငွေဝီစုကို အေထက်မက ပိုရချင်သည်။

ယူအေအီး (United Arab Emirates)

ယူအေအီးပြည်ထောင်စုနိုင်ငံကို ၁၉၇၁ ခုနှစ်မှာ ဒေသ ၇ ခုနာင့် တည်ထောင်ခပါသည်။ ဒေသတစ်ခုစီမှာ သူ့ မူဆလင် ဂေါင်းဆောင်နာင့်သူဟိပြီးကေ စီးပွားရေး နာင့် နိုင်ငံရေး လွတ်လပ်ခွင့်တိ အထိုက်အလျောက် ဟိသည်။ ကိုယ့်ဒေသကထွက်ဟိရေ ရီနံတိအပေါ်မှာလည်း ကိုယ်ပိုင်အုပ်ချုပ်ကိုင်တွယ်ခွင့် ဟိသည်။ ၁၉၉၇ -၂၀၀၀ ခုနှစ်စာရင်းတိအရ နိုင်ငံတစ်ခုလုံးက ကောက်ခံရဟိရေ အခွန်စုစုပေါင်း၏ ထက်ဝက်ခန့်ကို ရီနံ နာင့် သဘာဝဓာတ်ငွေ့ကဏ္ဍက ရဟိသည်။ တနည်းအားဖြင့် နိုင်ငံGDP၏ ၁၈ ရာခိုင်နှုန်းနာင့် ညီမျှသည်။

သက်ဆိုင်ရာ ဒေသအစိုးရတိသည် ရီနံနာင့် သဘာဝဓာတ်ငွေ့ခွန်တိကို ပိုင်ရှင်ကြေး၊ ကုမ္ပဏီအမြတ် လွှဲ ပြောင်းမှု (Company Profit Transfers)၊ ၀င်ငွေခွန် ဖြတ်ပိုင်း (Income Tax Receipts)တိကနိန်တဆင့် ရဟိသည်။ နိုင်ငံ၏ အကြီးမားဆုံးဒေသဖြစ်တေ အဘူ ဒါဘီ (Abu Dhabi)ဆိုကေ ၁၉၉၇ နာင့် ၂၀၀၀ကြား မှာ-

ဒေသအခွန်ငွေစုစုပေါင်း၏ ပျမ်းမျှ ၅၈ ရာခိုင်နှုန်းကို ရီနံစိမ်းပိုင်ရှင်ကြေး (crude oil royalties)နာင့် တခြား အခွန်တိကနိန်တဆင့် ရဟိသည်။

ဖယ်ဒရယ်အစိုးရသည် အပိုင်း(၁)မှာ ဖော်ပြခရေပိုင် အောက်ကနိန်အထပ်ကိုတက်လားရေ အခွန်မျှဝီခြင်း စနစ်ကို ကျင့်သုံးသည်။ တနည်းအားဖြင့်ပြောရကေ အဘူဒါဘီ၊ ဒူဘိုင်း(Dubai)၊ ရှာဂျ(Sharjah)စရေ ရီနံ ထုတ်လုပ်တေ ဒေသတိက ဗဟိုအစိုးရကို ဖဲ့ချာ(cash)သတ်သတ်သော်လည်းကောင်း၊ ဖဲ့ချာနာင့် တခြား ပံ့ပိုးမှုတိပေါင်းပြီးကေသော်လည်းကောင်း ပီးဆောင်ဂတ်သည်။ ဖယ်ဒရယ်အစိုးရသည် အခွန်ငွေ သုံးပုံ နှစ်ပုံခန့်ကို ယင်းပိုင် ပီးဆောင်ခြင်းတိ၊ ၀န်ဆောင်မှုလုပ်ငန်းတိစီစိုင်ပီးခြင်းတိက ရဟိသည်။ (ဗဟိုအစိုးရ အခွန်ဝင်ငွေ၏ သုံးပုံနှစ်ပုံသည် ရဟိရေ နှစ် အပေါ်မှာ မူတည်ပြီးကေ အဘူဒါဘီဒေသ ရီနံခွန်၏ ၆၀ နာင့် ၁၀၆ ရာခိုင်နှုန်းကြားမှာ ဟိတတ်သည်။) ဖယ်ဒရယ်အစိုးရအတွက် ပီးရဖို့အခွန်ပမာဏအတိအကျကို နှစ် စိုင် ဖယ်ဒရယ်အစိုးရနာင့် ဒေသအာဏာပိုင် အစိုးရတိကြားမှာ အမြဲတမ်းညှိပြီးကေ ဒေသအာဏာပိုင်အစိုးရ တိက ပီးဆောင်ဂတ်သည်။ ဖယ်ဒရယ် အစိုးရသည် တည်ငြိမ်မှုဟိရေ အခွန်ငွေ အများကြီးကို ပိုင်ဆိုင်ရေ အတွက်ကြောင့် ရီနံဈီး အတက်အကျဟိကေလေ့ အခွန် မျှဝီခြင်းလုပ်ငန်းစိုင်တိက အခက်အခဲမဟိပဲ ချော မွေ့ နိန်တတ်စွာကို တွိဟိရပါသည်။

(ဃ-ခ) အခွန်ဝင်ပေါက်မျှဝီခြင်းနာင့် ထပ်ခါတလဲကောက်ခံခြင်း (မြောက်အမေရိက)

ကောက်ခံရဟိရေ အခွန်ငွေကို မျှဝီစွာထက်စာကေ ဒေသခံအစိုးရတိဘားကို အခွန်ဝင်ပေါက်တိထဲက တချို့ ကို လွှဲပြောင်းပီးဗြီးကေ ကောက်ခံခိုင်းစွာက ပိုကောင်းသည်။ ယင်းပိုင် အခွန်ဝင်ပေါက်တိကို မျှဝီရေနိန်ရာ မှာလည်း အခွန် တစ်မျိုးတည်းကိုပျာယ် အုပ်ချုပ်ရေး အဆင့်ဆင့်ကြားမှာ ထပ်ခါတလဲ ကောက်ခံလို့သော် လည်းကောင်း၊ အခွန်နာမေတိ အမျိုးမျိုးပြောင်းဗြီးကေသော် လည်းကောင်း ကောက်ခံနိုင်သည်။ ကနေဒါနိုင် ငံနာင့် အမေရိကန် ပြည်ထောင်စုရို့သည် အထက်ဖော်ပြပါ စနစ်ကို သုံးဂတ်သည်။ ယေကေလေ့ ကနေဒါ နိုင်ငံပုံစံက full decentralizationလို့ခေါ်ရေ ဗဟိုဖယ်ဒရယ်အစိုးရ ထိန်းချုပ်မှုလုံးဝနီးပါး ကင်းမဲ့ရေ စနစ် ကို သုံးသည်။

အမေရိကန်ပြည်ထောင်စု

အမေရိကန် ပြည်ထောင်စု၏ ဖယ်ဒရယ် ဗဟိုအစိုးရသည် နိုင်ငံဧရိယာ၏ ၃၀ ရာခိုင်နှုန်းကို ဖယ်ဒရယ်အစိုး ရပိုင်မြီ (Federally owned land)အဖြစ်သတ်မှတ်ထားသည်။ ဥပမာ-အမျိုးသားပန်းခြံ (National Parks)၊ အမျိုးသားသစ်တော (National Forests)၊ ဖယ်ဒရယ် အကျဉ်းထောင် (ဖယ်ဒရယ်ပြစ်မှု ကျူးလွန်သူတိ၊ ၀ါ ရှင်တန်ဒီစီမြို့ထဲမှာ ပြစ်မှုကျုးလွန်သူတိ စရေ အကျဉ်းသားတိကို ချုပ်နှောင်ထားရေ နိန်ရာ) စရေ နိန်ရာတိ ပါဝင်သည်။ ယင်း ဖယ်ဒရယ်အစိုးရပိုင် နယ်မြီတိက လွဲလို့ တခြားနိန်ရာတိကို ယင်းရို့၏ သက်ဆိုင်ရာ ပြည် နယ်တိက ပိုင်ဆိုင်သည်။ ယင်းပြည်နယ်တိသည် ဗဟိုအခြေခံဥပဒေအရ အချုပ်အခြာအာဏာပိုင် ပြည်နယ် တိဖြစ်တေအတွက် ပြည်နယ်တစ်ခုက ထွက်ရှိရေ သယံဇာတ ပစ္စည်းမှန်သမျှကို ယင်းပြည်နယ်က ပိုင်ဆိုင် သည်။ ဗဟိုအစိုးရနာင့် ၀င်ငွေတိကိုတော့ မျှဝီကောက်ခံဂတ်သည်။ အမေရိကန်ပြည်ထောင်စု၏ အနောက် မြောက်အစွန်ဆုံးမှာ သယံဇာတပေါကြွယ်ရေ အလက်စကာ ပြည်နယ်တည်ဟိသည်။ ယင်းပြည်နယ်မှာ ဆို ကေ ပြည်နယ်အခွန် စုစုပေါင်း၏ ၅ပုံ ၄ပုံကို ရီနံကပဲ ရရှိသည်။ ယင်းအတွက်ကြောင့် ယင်းပြည်နယ်၏ အခွန်ကောက်ခံခြင်းနာင့် ဆိုင်ရေ လုပ်ပုံကိုင်ပုံတိသည် စိတ်ဝင်စားစရာ၊ လေ့လာစရာ သာဓကတစ်ခု ဖြစ် သည်။

အလက်စကာပြည်နယ်သည် ရီနံအပေါ်မှာ ပိုင်ဆိုင်ခွန်(Property tax)၊ ရီနံစည် တစ်စည်စီမှာ ၁၂ ဒသမ ၂၅ ရာခိုင်နှုန်းကနိန် ၁၅ ရာခိုင်နှုန်းအထိ ကောက်ခံတတ်တေ နစ်နာကြေး(Severance tax)၊ ပိုင်ရှင်ကြေး (Royalties)၊ အန္တရာယ်ဖြစ်စီတတ်တေ ပစ္စည်း မှောက်ကျစွာတိ အတွက်ပါ ထည့်သွင်း ကောက်ခံထားရေ ထုတ်လုပ်ခွန်၊ ကုမ္ပဏီကြီးတိ၏ ၀င်ငွေခွန် စရေ အခွန်အမျိုးအစားတိကို အများကြီးကောက်ခံသည်။ ကုမ္ပဏီ ကြီးတိ၏ ၀င်ငွေခွန်ကို ကောက်ခံရေ နိန်ရာမှာ ယင်းကုမ္ပဏီကြီးတိ၏ တကမ္ဘာလုံးက ရရေ ၀င်ငွေနာင့် အလက်စကာပြည်နယ်က ရရေ ၀င်ငွေ အချိုးအစားကို ကြည့်ပြီးကေ ကောက်ခံသည်။ 

ယင်းပိုင်ကောက်ခံရေနိန်ရာမှာ အချက်သုံးချက်ဖြစ်တေ

 ၁။ အလက်စကာပြည်နယ်မှာ ဟိရေ ကုမ္ပဏီကြီးတိက ထုတ်လုပ်လိုက်တေ ရီနံနာင့် ရီနံထွက်ပစ္စည်း ရောင်း ငွေနာင့် သွင်းကုန်ခွန် ရာခိုင်နှုန်း၊

၂။ အလက်စကာပြည်နယ်က ထုတ်လုပ်လိုက်တေ ရာခိုင်နှုန်း

၃။ အလက်စကာပြည်နယ်က ပိုင်ဆိုင်ရေ ပိုင်ဆိုင်ပစ္စည်း ရာခိုင်နှုန်းတိအပေါ်မှာ အဓိက အလေးထား စိုင်း စားသည်။ ပြည်နယ်အစိုးရက ကောက်ခံရေအခွန်နာင့် ပိုင်ရှင်ကြေးတိအပေါ်မှာ ဖယ်ဒရယ်အစိုးရက ထပ်ပြီး ကေ အခွန်ကောက်ခွင့်မဟိစွာကို တွိရသည်။

အထက်ဖော်ပြပါစနစ်သည် ဒေသခံအစိုးရတိကို ရီနံခွန်နာင့် ယင်းအခွန်ငွေတိ သုံးစွဲခြင်း၊ စုဆောင်းခြင်းနာင့် ပတ်သတ်ပြီးကေ အပြည့်အ၀ အာဏာပီးအပ်ထားသည်။ ပီးအပ်ထားရေ အာဏာကိုလည်း ဒေသခံအစိုးရတိ က တာဝန်သိသိ လုပ်ဆောင်နိုင်ရန် စီမံထားသည်။ မလုပ်ဆောင်နိုင်က ဒေသခံအစိုးရဘားမှာ အပြစ်ပုံကျ သည်။ အလက်စကာပြည်နယ်မှာလည်း ရီနံခွန်ထဲက တချို့တ၀က်ကို နောက်မျိုးဆက်သစ်တိအတွက် ပဒေ သာပင်အဖြစ် စိုက်ထူထားဟိစွာကို တွိရသည်။ The Alaska Permanent Fund လို့ခေါ်ရေ အလက်စကာ အမြဲတမ်းပဒေသာပင်ကို ၁၉၇၆ ခုနှစ်မှာ စတင်ထူထောင်ခသည်။ ဒေသရီနံခွန်၏ ၅ ပုံ ၁ ပုံလောက်ကို ယင်းပဒေသာပင်ထဲကို ထည့်သွင်းစီပြီးကေ ယင်းအထဲက တချို့ကို ဒေသခံပြည်သူတိဘားကို နှစ်စိုင် အကျိုး အမြတ်အဖြစ် ခွဲဝေပီးသည်။ ၂၀၀၁ နှစ်ကုန်စာရင်းအရ ယင်းပဒေသာပင်ထဲမှာ ဒေါ်လာဘီလီယံ ၂၅ နီးပါးဟိနိန်သည်ဟု သိရသည်။ (အမေရိကန် ပြည်ထောင်စုက ရီနံအများကြီးထွက်တေ ပြည်နယ်တစ်ခုဖြစ် တေ တက္ကဆက်(Texas)မှာ ဆိုကေလည်း Permanent University Fund (PUF)လို့ခေါ်ရေ အမြဲတမ်း တက္ကသိုလ်ရံပုံငွေ ကို ထားဟိပြီးကေ ယင်းပြည်နယ်ထဲက တက္ကသိုလ်တိကို ထောက်ပံ့ထားစွာကို တွိရသည်။ ယင်းပိုင် ထောက်ပံ့ထားလို့ ဒေသခံ ပြည်နယ်သားတိအနေနာင့် အဆင့်မြင့်ပညာရေးကို ဈီးနှုန်းသက်သက် သာသာနာင့် တက်နိုင်စွာကို တွိရသည်။ ယင်းပြည်နယ်က Texas A & M University at College Station နာင့် University of Texas at Austin ရို့သည် အမေရိကန်ပြည်ထောင်စု၏ ထိပ်တန်း ရီနံအင်ဂျင်နီယာ (Petroleum Engineering) တက္ကသိုလ်တိဖြစ်သည်။)

ကနေဒါ 

ကနေဒါနိုင်ငံမှာဆိုကေ သဘာဝ အရင်းအမြစ်ခွန်တိ (များသောအားဖြင်း ရီနံဆီခွန်)ကို ဒေသခံပြည်နယ် အစိုးရတိက ကောက်ခံခွင့်ဟိသည်။ အခွန်အမျိုးအစားတိ ခွဲပြီးကေ ကောက်ခံထားသည်။ ပိုင်ရှင်ကြေးကို လည်း ကောက်ခံသည်။ ယင်းအတွက်ကြောင့် ရီနံထွက်ရေ ဒေသတချို့သည် ရီနံခွန်အများစုကို ကောက်ခံရ ဟိသည်။ နိုင်ငံ၏ အယ်ဘာတာ(Alberta)တိုင်း ဆိုကေ သဘာဝပစ္စည်းတိ ပေါကြွယ်ဝလှသည်။ တစ်နိုင်ငံ လုံး ရီနံခွန်၏ လေးပုံတစ်ပုံကို ယင်းတိုင်းတစ်ခုတည်းက ကောက်ခံရဟိသည်။ ဆက်ဆကတ်ချီဝန် (Saskat -chewan) တိုင်း ဆိုကေလည်း တစ်နိုင်ငံလုံး ရီနံခွန်၏ ၁၀ ပုံ ၁ ပုံကို ကောက်ခံရဟိသည်။ ယေကေလေ့ အားလုံးကို ခြုံငုံကြည့်လိုက်ကေ ရီနံခွန်သည် ဒေသခံ အစိုးရတိဝင်ငွေ၏ ၃ ဒသမ ၅၀ ရာခိုင်နှုန်းကိုရာ ကိုယ်စားပြုသည်။ ယင်းအတွက်ကြောင့် ရီနံထွက်ဟိရေ ဒေသတိအနိန်နာင့် မိမိဒေသထွက်ရီနံက ရီနံခွန် တိကို ပိုရကေလေ့ တခြားဗဟိုအစိုးရက ပီးအပ်တေ ထောက်ပံ့ကြေး(grants)တိကိုကျကေ အရနည်းသည်။ ယင်းပိုင် ဗဟိုအစိုးရက တိုင်းအသီးသီး၏၀င်ငွေ မျှတအောင် ကြားက ချိန်ခွင်ညှိပီးသည်။

အခြားတဘက်မှာ အေပိုင်ရီနံနာင့် သဘာဝဓာတ်ငွေ့တိအပေါ်မှာ ပိုင်ရှင်ကြေး ကောက်ခံခြင်း၊ ဒေသခံအစိုး ရတိအပေါ်မှာ အပြည့်အ၀ အာဏာ ခွဲဝီပီးခြင်းတိရေ သက်ဆိုင်ရာ စီးပွားရေး လုပ်ငန်းရပ်တိ အပေါ်မှာ အခွန် အလွန်အကျွံ ကောက်ခံခြင်းတိကို ဖြစ်ပေါ်စီနိုင်သည်။ ယင်း၏ အကျိုးဆက်အဖြစ် မိမိဒေသသို့ ရောက်ဟိလာဖို့ ရင်းနှီး မြှုပ်နှံမှုတိကို နည်းပါးစီနိုင်သည်။ ရီနံထွက်ဟိရေ ဒေသတိက ၀င်ငွေခွန်နာင့် ရောင်းကုန် ခွန်တိကို လျှော့ချကောက်ခံခြင်းဖြင့် တခြားပြည်နယ်တိက လူတိ ရီနံထွက်ဟိရေ ဒေသတိုင်းတိ ကို ပြောင်းရွေ့ နိန်ထိုင်လာနိုင်သည်။ ယင်းအကျိုးဆက်အဖြစ် တခြားပြည်နယ်တိမှာ အခွန်ရဟိမှု နည်းပါး ခြင်းပြဿနာတိကို ဖြစ်ပေါ်စီနိုင်သည်။ ကနေဒါနိုင်ငံ၏ စီးပွားရေး ပညာရှင်တိက တိုင်းဒေသမှာဟိရေ သဘာဝ အရင်းအမြစ်က ရဟိရေ အခွန်တိကို ဗဟိုအစိုးရပါးကို လွှဲပြောင်းထားချင်ကတ်သည်။ ယေကေ လေ့ အခြေခံဥပဒေက တိုင်းဒေသတိကို ပီးအပ်ထားရေ အခြေခံအခွင့်အရေးတိနာင့် နိုင်ငံရေးဆိုင်ရာ ကန့် သတ်ချက်တိ ဟိနိန်ရေအတွက် ဗဟိုအစိုးရပါးကို အခွန်ငွေတိ ပီးအပ်ထားဖို့ဆိုရေ ကိစ္စမှာ လောလော ဆယ် ဖြစ်နိုင်ဖွယ်မဟိစွာကို တွိရသည်။

ကနေဒါနိုင်ငံနာင့် အမေရိကန်ပြည်ထောင်စုရို့သည် ဒေသခံအစိုးရတိဘားကို ရီနံခွန် ကောက်ခံခွင်အာဏာ အပြည့်အ၀ ပီးထားသည်။ ယင်းပိုင် ပီးထားခြင်းကြောင့် ဖြစ်ပေါ်လာနိုင်ရေ အခက်အခဲပြဿနာတိ နည်းနိုင် သမျှနည်းအောင်လည်း ကြိုးစားကာကွယ်ထားစွာကို တွိရသည်။ ဥပမာ- ယင်းနိုင်ငံတိက ရီနံထွက်ဟိရေ ပြည်နယ်၊ တိုင်းတိသည် ရီနံခွန်တိထဲက တချို့တ၀က်ကို ပဒေသာပင်အဖြစ် သတ်သတ်ထားဟိပြီးကေ အစိုး ရတိက အလွန်အကျွံ ဖဲ့ချာမသုံးစွဲနိုင်အောင် စီမံထားသည်။ ယင်းပိုင် လုပ်ထားခြင်းကြောင့် ရီနံဈီး အတက် အကျကြောင့် ရိုက်ခတ်လာနိုင်ရေ အခွန်ငွေ အတိုးအလျော့ ပြဿနာတိကိုလည်း ကာကွယ်ပီးထား ပြီး သားဖြစ်နိန်သည်။ ယင်းအပြင် ဗဟိုအစိုးရက ရီနံထွက်ဟိရေ ဒေသတိကို တခြားထောက်ပံ့ကြေးပီးခြင်းတိကို ကန့်သတ်ထားသည်။ ယင်းအတွက်ကြောင့် တိုင်း၊ ပြည်နယ်တိကြားမှာ အခွန်ငွေ မမျှမတဖြစ်မှုကို အတတ် နိုင်ဆုံး ညှိပီးထားသည်။ ဖယ်ဒရယ်အစိုးရ၏ အခွန် ၀င်ပေါက်တိအပေါ်မှာ ပြည်နယ်အစိုးရအသီးသီးက မိမိ ပြည်နယ်သူ ပြည်နယ်သားတိ ပီးအပ်ရဖို့ ဖယ်ဒရယ်အခွန် နှုန်းထားတိကို သတ်မှတ်ပီးနိုင်ခြင်းဖြင့် ပိုမိုတည် ငြိမ်မှုဟိရေ ဒေသအခွန်ငွေပမာဏကို ပိုင်ဆိုင်နိုင်အောင်လည်း စီမံထားပေသည်။

အထက်ဖော်ပြပါ နိုင်ငံအားလုံးကို လေ့လာခြင်းဖြင့် ရီနံနာင့် သဘာဝ အရင်းအမြစ် ပေါကြွယ်ရေ ဒေသက ပြည်သူတိရေ မိမိဒေသက ထွက်ဟိရေ သယံဇာတ၏ အသီးအမြစ်ကို အနည်းနာင့်အများ ခံစားခွင့် ဟိသည် ကို တွိရသည်။ သဘာဝ သယံဇာတပစ္စည်းများကို ယှာဖွေ ခွင့်ပီးစွာမှာသော် လည်းကောင်း၊ မြီပြင်ယှာဖွေ လေ့လာမှုတိ ပြုလုပ်တေ နိန်ရာမှာသော် လည်းကောင်း၊ တူးဖော်စွာမှာ သော်လည်းကောင်း၊ ရောင်းချရာ မှာ သော်လည်းကောင်း၊ အကျိုးအမြတ်တိခွဲဝေဖို့ ဆုံးဖြတ်ရာ စကားဝိုင်းမှာသော်လည်းကောင်း အနည်း နာင့်အများ ပါဝင်ခွင့် ဟိကြသည်။ ယင်းနိုင်ငံများနာင့် ဆန့်ကျင်ပြီးကေ ဗမာစစ်အစိုးရသည် ရခိုင်ပြည်မှ ထွက်ဟိရေ သဘာဝ အရင်းအမြစ်တိကို မည်သည့် ရခိုင်ပြည်သူ၊ ရခိုင်ကိုယ်စားပြု ပုဂ္ဂိုလ်၊ အဖွဲ့အစည်း အလိုမပါပဲ ယင်းရို့စိတ်ကြိုက် စီမံနိန်ကတ်စွာကို ရင်နာစရာ တွိဟိရသည်။ ပြည်ထောင်စုစိတ်ကို အရင်းခံ ရေ စစ်မှန်ရေ ဖယ်ဒရယ်ဒီမိုကရေစီစနစ်ကို တည်ဆောက်ချင်ကေ လက်ဟိအစိုးရ (သို့) နောက်တက်လာ ဖို့ အစိုးရတိသည် အောက်ပါအချက်တိကို နားလည်အကောင်အထည်ဖော်ရန် အရေးကြီးသည်။

၁။ ရခိုင်ပြည်က သယံဇာတိကို ရခိုင်သားတိကရာ ပိုင်ဆိုင်သည်။ ယင်းကို ဗဟိုအခြေခံဥပဒေမှာ အတိအ လင်း ဖော်ပြထားဖို့ လိုသည်။

၂။ ရခိုင့်သယံဇာတတိအပေါ်မှာ ရခိုင်ပြည်သူတိကို ကိုယ်စားပြုရေ ရခိုင်ပြည်အစိုးရကရာ အခွန်ကောက် ခံခွင့်ဟိသည်။

၃။ ထွက်ဟိရေ သယံဇာတတိကို ရခိုင်ပြည်သူတိကို ကိုယ်စားပြုရေ ရခိုင်ပြည်အစိုးရကရာ ရောင်းချခွင့် ဟိ သည်။

၎။ ရီနံတွင်းတူးလုပ်ငန်း၊ ထုတ်လုပ်ရေးလုပ်ငန်း၊ ပို့ဆောင်ရေးလုပ်ငန်း စရေ လုပ်ငန်းလုပ်ကိုင်ဖို့အတွက် လိုင်စင်ကို ရခိုင်ပြည်သူတိကို ကိုယ်စားပြုရေ ရခိုင်ပြည်အစိုးရကရာ ထုတ်ပီးခွင့်ဟိသည်။ လိုင်စင်ခွန်နာင့် အလုပ်သမားဝင်ငွေခွန်စရေ အခွန်တိကို ရခိုင်ပြည်သူတိကို ကိုယ်စားပြုရေ ရခိုင်ပြည်အစိုးရကို ပီးဆောင် ရမည်။ ဗဟိုအစိုးရကို အနည်းအကျဉ်းပီးဆောင်ခြင်းကိုလည်း နားလည်ပီးရမည်။

၅။ ရခိုင်ပြည်ကိုယ်စားပြုအစိုးရကို ထွက်ဟိရေ သယံဇာတတိအပေါ်မှာ သဘာဝအရင်းအမြစ်ခွန်(natural resource taxes)နာင့် ပိုင်ရှင်ကြေး (Royalties)တိ ပီးဆောင်ရမည်။

၆။ ရဟိလာရေ အခွန်ငွေတိထဲက တချို့တ၀က်ကို အတိုးနှုန်းပုံမှန် ရနိုင်ရေ saving fund တစ်ခုပြုလုပ်ပြီး ကေ နောက်မျိုးဆက်သစ်တိအတွက် စီမံထားရမည်။ ယင်း fundထဲက ဖဲ့ချာကို ရီနံခွန်အတက်အကျကြောင့် ဖြစ်ပေါ်လာနိုင်ရေ ဂယက်ရိုက်မှုနာင့် သက်ဆိုင်ရေ ကိစ္စရပ်တိမှာရာ သုံးရမည်။ မည်သည့်သုံးစွဲမှုကိုမဆို ရခိုင့်ပါလီမန်မှ မဲခွဲခွင့်ပြုပြီးခါမှရာ သုံးစွဲဖို့ဖဲ့ချာကို ရခိုင်ပြည်အစိုးရ ဘားဂျတ်ထဲသို့လွှဲပြောင်းပြီးကေ သုံးစွဲရ မည်။

၇။ ရဟိရေအခွန်တိကို လတ်တလော မဆင်မခြင် မသုံးစွဲပဲ ရေရှည်လည်း ကောင်းအောင်၊ နိုင်ငံ၏ ငွေကြေး ပေါ်လစီဆိုင်ရာ ဆိုးကျိုးတိကိုလည်း မဖြစ်အောင် စနစ်တကျ၊ ပါးပါးနပ်နပ် သုံးစွဲရမည်။

၈။ ရဟိလာရေ အခွန်ငွေတိထဲက တချို့တ၀က်ကို Education Fund တစ်ခုပြုလုပ်ပြီးကေ ပညာရေးကိစ္စရပ် တိမှာ သုံးစွဲရမည်။ အဆင့်မှီတက္ကသိုလ်တိ တည်ဆောက်ပြီးကေ ဆင်းရဲချမ်းသာမရွေး ရခိုင်ပြည်သူပြည် သားတိအတွက် ပညာရေးကို ဈီးပေါပေါနာင့် တက်ရောက်သင်ယူနိုင်အောင် စီမံထားရမည်။ ပညာရေးနာင့် မသက်ဆိုင်သော ကိစ္စရပ်တိမှာ မသုံးစွဲရ။ ဒေသခံအစိုးရ ဘားဂျတ်နာင့် တတွဲတည်းထားကေ နိုင်ငံရေး၊ စီးပွားရေး စရေ တခြား ဘားဂျတ် အတက်အကျ ရိုက်ခတ်မှုကို ကြုံရနိုင်ရေအတွက် Education Fundကို သီးသန့်ပညာရေးရံပုံငွေအဖြစ်ထားဟိလားရမည်။

၉။ အခွန်တိထဲက တချို့တ၀က်ကို သဘာဝပတ်ဝန်းကျင်ပျက်စီးမှုတိဖြစ်ပေါ်ရေ နိန်ရာတိအတွက် လျော် ကြေးငွေအဖြစ် သီးသန့်ရန်ပုံငွေ တစ်ရပ်ထားရှိရမည်။

Kyaw Htoo Aung

မှီငြမ်းချက်

1. Ahmad, Ehtisham.; Mottu, Eric.; Oil Revenue Assignments: Country Experiences and Issues, http://www.imf.org/external/pubs/ft/wp/2002/wp02203.pdf, accessed January 26, 2010.

2. Wikipedia, Niger Delta, http://en.wikipedia.org/wiki/Niger_delta, accessed January 26, 2010.

3. Niger Delta Congress, Understanding the Derivation Principle, http://www.nigerdeltacon gress.com/uarticles/understanding_the_derivation_pri.htm, accessed January 26, 2010.

4. Wikipedia, Value Added Tax, http://en.wikipedia.org/wiki/Value_added_tax, accessed January 26, 2010.

5. History.com, Federally Owned Land by State, http://www.history.com/encyclopedia.do? articleId=227229, accessed January 28, 2010.

6. Federal Bureau of Prison, Protecting Society and Crime, http://www.bop.gov/, accessed January 28, 2010.

7. TSHA Online, Permanent University Fund, http://www.tshaonline.org/handbook/online/articles/PP/khp2.html, accessed February 10, 2010.

8. Wikipedia, Alaska Permanent Fund, http://en.wikipedia.org/wiki/Alaska_Permanent_Fund, accessed February 11, 2010.

9. Canada Maps, Detailed Saskatchewan Map, http://www.canada-maps.org/saskatchewan-map.htm, accessed February 11, 2010.

www.မူလကူးယူထားသောနေရာ.com