ပန်းသဇင် ပင်ယံမြင့်မှာ၊ မတောင့်တယ်နိုင်ဗျာယ်၊ ဇာတာကံဆိုး၊ တိုင်းတပါးအငြိုးကြောင့်၊ ကိုယ့်ပြည်ရွာကို စွန့် ရေခြားမြေခြားမှာ၊ လူလုံးမလှဖြစ်ခစွာ၊ ရင်နာဖို့ကောင်းရေ...။
လှောင်ပိတ်ခံဘ၀မှာ၊ လွတ်လပ်စွာပျံသန်းနိုင်ဖို့ကိုရာ မျှော်ယင်း၊ ရှည်လျားရေမိုင်တိုင်တိကို ကျော်ဖြတ် ယင်း၊ အသက်သွီး ပီးဆပ်ခကတ်တေ၊ အဖိုးအဖီးရို့အတွက်၊ တန်ဖိုးမရှိရေ သွီးရည်ကြိုင်တိကို၊ ဖောက်ထုတ် ပစ်ကတ်မေ။
ဇန်န၀ါရီမှာ ရွာရေမိုး၊ ဓါးမိုး၊ လှံမိုး၊ မျက်ရည်မိုး၊ သွီးမိုး၊ အရောင်အသွီးစုံလင်ရေ မိုး...။
ဘ၀ကို ဘ၀နန့်ရင်းလို့ပီးဆပ်၊ အသက်ကို အသက်နန့် ထပ်တူပီးဆပ်၊ ဆပ်ပြီးယင်းဆပ်...။
အစားဆန်ရီပေါပါလျက်နန့်၊ အငတ်ငတ် အပြတ်ပြတ်ဟန်ချက်မညီရေဘ၀၊ ခံစားရသူရို့ရင်ထဲမှာ၊ ဖတ်ပြီးခရေ စာအုပ်ထဲက မိန့်လို့မရရေ စာမျက်နှာကို အကြိမ်ကြိမ် သတိရနိန်ဖို့က အသင့်ရာ...။
နှင်းချိုလှိုင်(မြောက်ဦး)
5.12.2011
(227th Anniversary) အဖြစ် မြောက်ဦးကဗျာရှင်များ စုစည်းထုတ်ဝေသည့် "၁၁/မဥန(နိုင်)၀၀၁၁၄၆" ကဗျာစုမှ-
No comments:
Post a Comment