စပ်စုချင်ရေ စိတ်နန့် "အဂုပြောစွာ အသူပါလေ" လို့ပြန်မိန်းလိုက်တေ။ တဖက်ကလည်း "အဂုပြောစွာ အသူ ပါလေ" "အဂုပြောစွာ အသူပါလေ" "အဂုပြောစွာ အသူပါလေ"... လို့ ဆက်တိုက်ပြန်မိန်းသံကိုကြားရရေ။
အချေက တောင်တန်းဖက်ကို လှည့်ပနာ "ကကောင်းထူးဆန်းရေ လူပါကား" လို့အော်လိုက်တေ။ တဖက်က လည်း "ကကောင်းထူးဆန်းရေ လူပါကား" "ကကောင်းထူးဆန်းရေ လူပါကား" "ကကောင်းထူးဆန်းရေ လူပါ ကား"... လို့အဆက်မပြတ် အော်သံကို ကြားလိုက်ရရေ။
အချေက စိတ်တိုလာပနာ"အရူး" လို့အော်လိုက်ပြန်ရေ။ တဖက်ကလည်း "အရူး" "အရူး" "အရူး"... လို့ဆက် တိုက်ပြန်အော် ပြန်ရေ။
အချေက အဖသယ်ကို ဇဝေဇ၀ါနန့်ကြည့်ပနာ "ပါပါ ဇာဖြစ်စွာပါလေ" လို့လှမ်းမိန်းလိုက်တေ။
အဖသယ်ကပြုံးပနာ "သားချေ တခေါက်နားထောင်ဂါး။" ဆိုပနာ "မင်းက ကောင်းတော်ရေ ချန်ပီယံပါ" လို့ အော် လိုက်တေ။ တဖက်ကလည်း "မင်းက ကောင်းတော်ရေ ချန်ပီယံပါ" "မင်းက ကောင်းတော်ရေ ချန်ပီ ယံပါ" "မင်းက ကောင်းတော်ရေ ချန်ပီယံပါ" ...လို့ ပြန် အော်သံတိကြားရရေ။
အချေက ကကောင်းအံ့သြနိန်ရေ။ ဇာဖြစ်လို့ ယင်းပိုင်ဖြစ်ရလေဆိုစွာကို တော့ခါ နားမလည်။
ယင်းခါ အဖသယ်က"သားချေ၊ အေပိုင်ဖြစ်စွာကို ပဲ့တင်သံလို့ လူတိကခေါ်ပါရေ။ သားချေ သတိထားရဖို့စွာ က ဘ၀ဆိုစွာလည်း အေပိုင်ပါဗျာယ်။ ကိုယ်လုပ်သမျှစွာ ကိုယ့်ဘားကို ပြန်လာတတ်ပါရေ။ လူတစ်ယောက် လက်ရှိဘ၀စွာ ယင်းလူလုပ်ခရေ လုပ်ရပ်တိ ရောင်ပြန်ဟပ်ပနာ ဖြစ်နိန်ရရေ အခြေအနေ တမျိုးပါရာ။ လူ ချစ်လူခင်များချင်ကေ ကိုယ့်နှလုံးသားမှာ လူတိကို အယင်ချစ်ခင်တတ် အောင်ကြိုးစားရပါရေ။ လူတကာ ထက်တော်ချင် တတ်ချင်ကေ ကိုယ့်အရည်အသွေးကို လူတကာထက် ပိုကောင်းလာအောင်လုပ် ရပါရေ။ အေဆက် နွယ်မှုကို ဘ၀လုပ်ရပ်တိုင်းမှာ ကျင့်သုံးလို့ရပါရေ။ ဘ၀ဆိုစွာ ကိုယ့်ပီးခသမျှ ကိုယ့်ကိုပြန်ပီး စွာ ပါရာလတ်" လို့ ပြောပြလိုက်တေ။
ဘ၀သင်ခန်းစာ။ ။ကိုယ့်လက်ရှိကြုံတွိနိန်ရရေ ဘ၀စွာ ဖြစ်ချင်တိုင်းဖြစ်လာစွာ မဟုတ်ဘဲ၊ ကိုယ်လုပ် ရေကိုယ့်လုပ်ရပ်တိ ရောင်ပြန်ဟပ်ပနာ ဖြစ်တည်နိန်ရေ ဖြစ်စဉ်တစ်ခုရာ ဖြစ်တေဆိုစွာကို သတိထား ကတ် ပါ သူငယ်ချင်းရို့။
KWKhaing (AMP)
No comments:
Post a Comment