ဆုံးဖြတ်ချက်

၁၈၈၆ ခုနှစ်မှာ တီထွင်ကြံဆတတ်တေ အိန်ဂျင်နီယာ ဂျွန် ရိုးဘလိန်းက နယူးယောက်မြို့နန့် လွင်းအိုင်လန် ကို ဆက်ဖို့တန်းထားတခုကို ဆောက်ဖို့ အကြံရလာပါရေ။ တကဗာလုံးမှာရှိရေ တန်းထားဆောက် ကျွမ်း ကျင် ရေ အိန်ဂျင်နီယာတိက အယင်ကလည်း ယင်းပိုင်တန်းတား တခါလည်း မလုပ်ဖူး ၊ ဆောက်လည်း မဆောက် ဖူး၊ လုပ်ကေလည်း လက်တွိအကောင်အထည် တခုပိုင်လည်း ဖြစ်လာဖို့ မဟုတ်။ ယင်းစိတ်ကူး စိတ်သန်းကို မိန့် ပလိုက်လို့ အကြံပီးကတ်ပါရေ။

ဂျွန် ရိုးဘလိန်းက သူ့စိတ်ကူးစိတ်သန်းကို တခုပိုင်လည်း မိန့်လို့ မရပါ။ တနိန့်နိန့် ဖြစ်ကို ဖြစ်လာရဖို့လို့ ဆုံး ဖြတ်ချက် ချထားပါရေ။ သူ့စိတ်ကူး စိတ်သန်းကို တယောက်ကိုတော့ခါ အမြဲတမ်း ပြောပြပါရေ။ အကြိမ် ကြိမ် ဆွေးနွေးဖျောင်းဖျပြီးရေ နောက်ပိုင်းမှာ သူ့သားဝါရှိန်တန်စွာ အိန်ဂျင်နီယာ တယောက် ဖြစ်လာပါရေ။ ယင်းပိုင်နန့် တန်းထား စီမံကိန်းလည်း အကောင်အထည် ပေါ်လာပါရေ။

ပထမခြီလှမ်းအနိန်နန့် တန်းထားကို ဇာပိုင် ဖြစ်အောင် လုပ်ဖို့နန့် အခက်အခဲတိကို ဇာပိုင် ကျော်လွှားနိုင် ဖို့လဲ ဆိုရေ အချက်အလက်တိကို စုဆောင်းကတ်ပါရေ။ အခက်အခဲတိကို ရင်တမမနန့် ကျော်လွှားဖို့ ကြိုး စားကတ်ယင်း လိုအပ်တေ အလုပ်သမားတိကို ငှားပနာ အိမ်မက်တန်းထားကို ရုပ်လုံးဖော်ဖို့ စပြင်ဆင်ကတ် ပါရေ။

စီမံကိန်းစလို့ တလနှစ်လလောက်ရာ ရှိပါသိမ့်ရေ။ အက်ဆီးဒန့်တခုဖြစ်ပနာ ဂျွန် ရိုးဘလိန်း အသက် ပါလား ခပါရေ။ သားသယ် ၀ါရှိန်တန်လည်း အပြင်းအထန် အနာတရ ဖြစ်လားပနာ ဦးနှောက် တစိတ်တပိုင်း ပျက်စီး လားပါရေ။ ရလဒ်က စကားလည်း မပြောနိုင်၊ လမ်းလည်း မလျှောက်နိုင်၊ လှုပ်တောင် မလှုပ်နိုင် ဖြစ်လားခ ပါရေ။

"ငါရို့ အစကပင် ပြောရေမလား။ စကားက နားမထောင်ကတ်။" " အရူးတိမလား။ မဖြစ်နိုင်စွာကို လုပ်ချင် နိန်ကတ်တေ။"

လူတိက မကောင်းရေ မှတ်ချက်တိရာ အမျိုးမျိုး ပီးနိန်ကတ်ပနာ စီမံကိန်းလည်း ဂျွန် ရိုးဘလိန်း အသက်နန့် အတူ ပါလားခဗျာယ်လို့ ထင်နိန်ကတ်ပါရေ။ တကိုယ်ခန္ဓာလုံး သီလားခရေ ၀ါရှိန်တန် စိတ်ကူးအိမ်မက်က မပျောက်လားရေအပြင် ဗြီးအောင်ဆောက်ဖို့ဆိုရေ စိတ်က ပိုတောင် ပြင်းထန်လာပါသိမ့်ရေ။

စိတ်ကူးအိမ်မက်ကို သူငယ်ချင်းတိနန့် အကောင်အထည် ဖော်ချင်ကေလည်း သူငယ်ချင်းတိ အားလုံးက လုပ်ရဖို့စွာကို တွန့်နိန်ကတ်ပါရေ။ ဆေးရုံအခန်းထဲက ကဒင်ထက်မှာ ပက်လက်လန်ယင်း အဖြူရောင် လိပ် ကာပြားတိကြားက ဖြတ်ပနာ အပြာရောင် မိုးကောင်းကင်ကိုရာ ကြည့်ပနာ အမြဲတမ်း တွေးနိန်တတ်ပါရေ။

ဇာဖြစ်ဖြစ် လက်မလျှော့ဖို့ ကိုယ့်စွာကို အမြဲတမ်း အားပီးနိန်ယင်းနန့် အကြံတခု ချက်ချက်း ရလာပါရေ။ လက် ချောင်းချေ တချောင်းက လှုပ်နိုင်သိမ့်စွာပါကိုး။ အေလက်ကို ရအောင်အသုံးချဖို့လို့ ဆုံးဖြတ်လိုက် ပါရေ။ ယင်းလက်ချောင်းချေကို လှုပ်ယင်းနန့် မယားသယ်ကို နားလည်အောင် သင်္ကေတတိ လုပ်ပနာ ဆက် ဆံဖို့ ကြိုးစားပါရေ။

မယားသယ် လက်မောင်းကို လက်ချောင်းချေနန့် ထိုးယင်း အိန်ဂျိန်နီယာတိကို တခေါက် ပြန်ခေါ် ပီးပါ လို့ ပြောလိုက်ပါရေ။ ယင်းနည်းနန့် အိန်ဂျိန်နီယာတိကို ဇာလုပ်ပါလို့ နည်းလမ်း ပီးတတ်လာပါရေ။ အရူးပိုင် လုပ် နိန်ရေလို့ ထင်ရကေလည်း တန်းထားစီမံကိန်း ပြန်စလာစွာကို တွိလာရပါရေ။

၁၃ နှစ်ကြာ မယားသယ် လက်မောင်းကို ယင်းပိုင်ထောက်ပနာ နည်းလမ်းပီးယင်းနန့် တန်းထားလည်း အအောင်မြမြင် ပြီးမြောက်လားပါရေ။ ယင်းတန်းထားက အဂုလက်ရှိ တွိနိန်ရရေ အထင်ကရ နယူးယောက် နန့် လွင်းအိုင်လန်ကြားက ဘရုတ်ကလိန်တန်းထား (Brooklyn Bridge)ပါ။

ဘ၀သင်ခန်းစာ။           ။ အဂု ဘရုတ်ကလိန်တန်းထား (Brooklyn Bridge)က လူတယောက် စိတ်ထဲမှာ ကိန်းအောင်းနိန်ရေ ခိုင်မာရေ ဆုံးဖြတ်ချက် တခုကို ဇာအခြေအနေပင် ဖြစ်ဖြစ် လုပ်ဖို့လို့ရာ ဆုံးဖြတ် ထား ကေ တခုကလည်း တားဆီးပိတ်ပင်လို့ မရနိုင်ဆိုစွာကို မီးမှောင်းထိုးပြနိန်ပါရေ။ အဗြီးကေအုပ်စုဖွဲ့ လုပ် မှ ရနိုင်ရေ အုပ်စုအင်အား အကျိုးကျေးဇူး ရလာဒ်ကိုလည်း ပြနိန်ပါသိမ့်ရေ။ ယင်းဟင့်အပြင် တကဗာလုံးက အရူးလို့ သိတ်မှတ်ထားရေ လူတယောက်ကို ယုံကြည်ပနာ လုပ်လာခကတ်တေ လူတိ ယုံကြည်မှု အကျိုး ရလာဒ်လို့လည်း ပြောနိုင်ပါသိမ့်ရေ။ ၁၃ နှစ်ကြာကြာ သည်းခံ စိတ်ရှည်ပနာ လင်သယ်ပြောသမျှကို အိန်ဂျိန် နီယာတိကို တဆင့် ရှင်းပြနိုင်ရေ မယားကောင်းတယောက် မေတ္တာ၊ ဂရုဏာ၊ သစ္စာ၊ ထက်မြက်မှုတိကို လည်း ဖော်ကျူးနိန်ပါရေ။

"သီဖို့ မကြောက်လား" ဆိုရေ စကားကို အံတု ဖက်ပြိုင်ပနာ တကိုယ်လုံးသီ ဘ၀နန့် "မဖြစ်နိုင်" ဆိုစွာ ဝေါဟာရကို အံတုခရေ ကဗာ့အကောင်းဆုံး ဥပမာတခုလို့လည်း ပြောလို့ရဖို့ ထင်ပါယင့်။

အဝေ သူငယ်ချင်းရို့၊ ငါရို့အ၀ီးက ၀ါးတားတား အိမ်မက်ကိုလည်းပြပြတ်သသားဆုံးဖြတ်ချက်ချပနာ တစိုက် မတ်မတ်ရာ လုပ်လားကတ်ဖို့ဆိုကေ တနိန့်မှာ ဖြစ်လာဖို့ဆိုစွာ မြေကြီးလက်ခတ်မလွဲပါ သူငယ်ချင်းရို့။

KWKhaing (AMP)